မြို့အုပ်ရှောင်း [ Mayor Xiao ]

1

Unicode

Long Time No See ကလေးတို့ရေ....
CRIMINAL ပြီးထဲကစာသေချာမရေးဖြစ်တာ။
အခုတော့ "မြို့အုပ်ရှောင်း (Mayor Xiao)" ဆိုတဲ့ fiction လေးနဲ့ ပြန်လည် နှုတ်ဆက်ပါတယ်။

ဂျပန်ကိုလိုနီတွေကြီးစိုးတဲ့ ကာလနှင့် မြို့အုပ် ဝန်ထောက် အစရှိသည်တို့ကို​ အခြေခံကာ ရောစပ်ရေးထားခြင်းဖြစ်ပါတယ်။
Zhanyi Fiction ပါ။ Xiao Zhan အထက်လူပါ။

Fiction ထဲတွင်ပါဝင်သော Main Character [Xiao Zhan & Wang Yibo] မှလွဲ၍ အခြား character များ ၊ ဇာတ်လမ်းဇာတ်ကွက်များ ၊ မြို့အမည်များ၊ စကားစု များသည် စာရေးသူ၏ စိတ်ကူးယဥ်ဆန်ဆန်ဖန်တီးမှုများသာဖြစ်သည်။ စိတ်ကူးဟူသည် ယဥ်ဖို့သပ်သပ်မို့ လက်တွေ့တွင် လုံးဝ (လုံးဝ) မရှိနိုင်သလို ဖြစ်လည်းမဖြစ်နိုင်ပါ။

ရသစာစု ဖြစ်တာကြောင့် မည်သို့သော knowledge မှရမည်မဟုတ်ပါ။

ဒီတော့ အဆင်ပြေမယ်ဆို "မြို့အုပ်ရှောင်း" ဆိုတဲ့ Zhanyi Fiction လေးကို အတူတူလိုက်ဖတ်ပြီး စီးမျောပေးကြဖို့ မေတ္တာရပ်ခံပါတယ်။

Part 1

မိုဟဲမြို့ငယ်၌ အိမ်ခြေ ၁၅၀ ဝန်းကျင်ခန့်သာရှိပြီး တစ်အိမ်နှင့် တစ်အိမ်မှာ ၃ပေခန့်လောက်သာကွာဝေးကြသည်။ တကယ်ပင် မြို့ငယ်ဟု ခေါ်ရလောက်သည်အထိ ကျဥ်းမြောင်းသေးကွေးလွန်းသည်ပင်။

ယခင်က မြို့ငယ်၏နာမည်ကို အတည်တကျပေးထားခြင်းမရှိပေမယ့် ဂျပန် ကိုလိုနီတို့ စတင်အုပ်စိုးသည့်အချိန်မှစလို့ မိုဟဲမြို့ငယ် ဟုခေါ်တွင်စေခြင်းဖြစ်သည်။

မြို့ငယ်အတွင်း ယနေ့တွင်မှ လူအများ အလုပ်ရှုပ်လျှက် ပြာယာခက်နေကြသည်။ မြို့ငယ်ရှိ အတင့်တယ်ဆုံး၂ထပ်အိမ်လေးကို မြို့သူမြို့သားများမှ တစ်ခမ်းတစ်နား ပြင်ဆင်ပေးနေကြခြင်း။ မိုဟဲလို မြို့အသေးလေးမှာ ထို ၂ထပ်အိမ်ကြီးသည် ဟီးလျှက်နေသည်။
ခြံနဲ့ဝန်းနဲ့ကိုး..။

"ချန်ဝေ့အကို ဒီနေ့မနက်ထဲက လူတွေဘာကြောင့် အပြေးအလွှားဖြစ်နေရတာလဲ"

"ဝေ... မသိသေးဘူးလား ရိပေါ်ရဲ့ ယနေ့ကျုပ်တို့မြို့ဆီ မြို့အုပ်အသစ်ရောက်မတဲ့ဗျ"