في قبضة الخيلع

القبضة الخامسه

#في قبضه الخيلع

#البارت"5"

بقلمي: زيـنب عـلـي

عثراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

أفَاا تبَدل حَچيكم ليش مَعقولة العمر اثر
هَلي خَلوا الحَجي مَدثر أنَة شبَيدي العمر ركضة
هلي لوبيدي ما اكبر

مياسين-
واكفه بوسط مكان مظلم اباوع من حولي كلشي ماشوف هندس بس ضوه النجوم فوگ راسي تمعنت بالسماء جانت مزدحمه بالنجوم بيها كثافه مو طبيعيه حسيت نفسي بفضاء مفتوح ونسمات الهوا البارده تتغلغل بروحي بهدوء صرت اخذ شهيق ، زفير فجأه ضاق نفسي وحسيت بايد تطبگ على رگبتي الزمها اتحسيها ماعليها شي بس احس بأدين خانگتني صرت اگح واحاول اتخلص من هاي القبضه المحكمه روحي رادت تطلع وشويه وحسيت صار صوت مثل عواء كلب ذيب ماعرف

اريد بس اصرخ وصوتي يطلع مااكدر انطق بحرف صارعت لكن حسيت الهواء خلص وعيوني بدت تذبل قبل لا اغيب عن الوعي شفت ايد انمدتلي وصوت يحجي

- الزمي ايدي خلي اساعدج يلا لا تستسلمين بس الزمي ايدي والباقي عليه

كوه رفعت ايدي ولزمت ايده بسرع جرني ورجعت اخذ نفس بسرعه وبعمق

- اصبري وثابري وراح تصيرين زينه وتتخلصين من هاي القبضه

ملامحه ماتبين مواضحه ابد كلشي ماكدرت اشوف حجيت بصوت يرجف

مياسين- انت منو وليش ساعدتني

- اني حُر

حجه الكلمه واختفى بالظلام وهو يردد اسمي مياسين اسمج مياسين مياسين فجأه تحول صوته الرجولي الى صوت عمتي وهي تحاول تصحيني من النوم

ميسون- مياسين يااا يمه اسم الله شبيج شو گعدي

فتحت عيوني فازه ايدي على رگبتي اخذ نفس قوي وعرگانه

ميسون- اسم الله شبيج يوم جنتي تتحلمين

مياسين- ماعرف عمه ماعرف كابوس يمكن

خلت ايدها على راسي تقرا ايات وتسمي بوجهي حتى اهدأ

ميسون- احجيلي شنو شفتي

سولفتلها صفنت بوجهي شويه وبعدين كالت

ميسون- الشفتي لا كابوس ولا حلم هسه احنا وگت فجر يعني الشفتي رؤيه