في قبضة الخيلع

القبضة السابعه والخمسون

#في قبضه الخيلع

#البارت"57"

بقلمي: زيـنب عـلـي

معثوراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

وصي عينك لا تدور بيه كحله
ولا تحاول
تتعب وماتلگه مرود

سكون-

مديت راسي وماشوف غير الهوسه صايره بباب بيت ابو علاء الناس مگلوبه گلب وصوت عمه ميسون تصرخ حجت منسا بشهگه

منسا- عززااا بس لا ام علاء صار بيها شي

شهگت بخوف وركضت جوه لبست حجابي وطلعت ركض دخلت البيتهم گوه سوولي مجال حتى افوت دخلت وشفتهم كلهم ملتمين بغرفه ام علاء اتقدمت وكفت بالباب وشفتهم ملتمين عليها وهي بس عيونها تتحرك عليهم ابو علاء يم راسها يقرالها قرآن والباقين يمها گاعدين بقت على هالحال دقايق اخر شي مدري شنو گالت كلام ممفهوم وسكنت من الحركه توفت ...

كلها صارت تبجي صاح بيهم ابو علاء حتى يسكتون يريد يكمل قرأءه القرآن واني بقيت جامده بس دموعي تنزل

اتقدمت لزمت زهور الي موتت نفسها بالبجي وعمتي احتارت بيها كلهم موجودين ما عدا ساجر ماكو جان عنده دوام مر الوقت وكلها صارت بالبيت انگلب گلب حتى مياسين اجت

اخذوها للغسل والدفن مر اول يوم الفاتحه وساجر بعده ميعرف

ثاني يوم يلا رجع وعرف امه توفت جنت گاعده بصف زهور على الدرج وهو دخل لازمينه علي وياس كوه يمشي بلا ميشيل راسه عافهم ودخل الغرفتها جان وقت غدا والكل ساكت ماسمعت غير صوت الصيحه مالته وكأنه طلعها من نص گلبه يمكن مو بس البيت حتى الي خارج البيت سمعوها ومن بعدها سكت صار هدوء يدكون عليه الباب مايقبل يفتح الهم ولا يجاوب سمعت عمو منير كللهم

منير- عوفوا خلي يرتاح

علي- يابه انت ماشفت حالته خاف يصير بي شي

رجعوا يحاولون ويا مجاوب اخر شي رادوا يفتحون الباب بمفتاح احتياطي عند عمه ميسون صاح بيهم حتى يعوفونه وحده ماقبل احد يفتح عليه الباب لليل وهو بعده مطالع الناس تروح وتجي مبقى واحد محجه ويا حتى خواته ماقبل يطلع واني ماعرف شصار بيه بقيت الوب وكل شويه عيني تصير على الباب بس اريده يطلع حتى اشوفه حاولت اروح اله بس ترددت وبطلت

جنت صافنه على الباب فزيت على صوت مياسين وهي تنطيني المفتاح حجت

مياسين- روحيله