#في قبضه الخيلع
#البارت"24"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
يَـ نور الله التطشر فوگ كل شجره
شليّل فياي
يـَ نسمة ضي يـَ معگوده بـ روازيني
تَعالي وياي ...
سكون:-
همس وهو يباوع بعيوني
ساجر:- شنو رأيج تشيلين كلمه عمو من القاموس
باوعتله وصفنت حجيت بفهاوه
سكون:- هاا
ضحك وحجه
ساجر:- كلامي واضح
مجاوبت من الارتباك حضنت كتبي حيل وكملت طريقي ماشيه گدامه ماباوعت عليه
ساجر:- اذا ممرتاحه تشيلين الكلمه عادي بقيها
مجاوبته احس الدم تجمع بوجهي اريد بس اوصل البيت حتى اختفي من گدامه
همس
ساجر:- سكون
حجيت بارتباك
سكون:- هاا عمو
ضحك
ساجر:- براحتج
دنگت راسي خجلانه رفعت راسي اباوعله يمشي عادي ممبين عليه شي اصلاً يحجي طبيعي
بس اني ماعرف شبيه احس نفسي كلي ارجف وصلنا للبيت فتح الباب وحجه
ساجر:- تفضلي انستي بالخدمه احنا
سواها بالشقه ابتسمت بتصنع وهمست
سكون:- شكراً
دخلت بسرعه عبالي يرجع الشغله سد الباب ودخل وراي ولان عطله لگيت خواته موجودات هم وجهالهم
اول مدخلنا حجت اخته الجبيره قبل لا نسلم اصلاً
ابتهال:- هاا خويه صاير حارس شخصي البنت مناف تودي وتجيب والله خوش
اتقربت منه تسلم عليه وتبوسه حجه وهو يسلم عليها
ساجر:- ايي وشكو بيها بيش مضايقج هالموضوع
حجت اخته الثانيه
منار:- لا ليش حتى نتضايق بس علمودك نحجي
ساجر:- عوفن مودي اني مرتاح هيج
سلمت عليهن واشرتلي عمه اصعد عفتهم وصعدت بسرعه واسمعهم يحجون
YOU ARE READING
في قبضة الخيلع
Mystery / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
