في قبضة الخيلع

القبضه الاخيره

#في قبضه الخيلع

#البارت"59" والاخير

بقلمي: زيـنب عـلـي

معثوراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

وانه بروجك خذتني الريح
تسيورة خلگ سفـان
يمته الگـاك
تاخذني لضوه اعيونك
درب نجمـه وسوالف طيف
تفتح للصلح بيبان..

زهور-

رجع علي يحاول ويا ابويه بعد مامرت فتره على وفاة بيبي الله يرحمها والحد الان ماكو حل

جنت كاعده جوه يم امي وجدو جان موجود همات من بعد وفاة بيبي صار حتى للشغل مايطلع وبس يقرالها قرآن حسيت على تليفوني رج جنت مخليته بصفي باوعت شفته علي يتصل بسرعه تسحبت وكمت طلعت للحديقه جاوبته اجاني صوته التعبان ومحتار

علي- هذا ابوج الـ***** شوكت ناوي يفضها عاد

جاوبت واني اصيح واحجي بضوجه

زهور- علي انتبه على الفاظك الداتحجي عليه ابويه ماسمحلك

علي- ولج فحطني مللني شيريد اريد افهم شيريد اليوم بنفسي رحت اله ماخليت طريقه مادخلتله بيها قافللل يامحمد قااافلللل اكله يمنه يكلي يسره
شبي حظيي مايگعد اريد اعرف احلام بشنو متنسيه بيه يمكن نساوتها جانت على قحط حظ وشويه مرمطه

هو جان عصبي ويصيح وگلبه محترگ بس اني ماكدرت اسيطر على نفسي من حجه الكلام الاخير نفجرت ضاحكه هو بسرعه هدأ وسكت شويه صرت اسمع بس صوت انفاسه حجيت واني فاصله من الضحك

زهور- اسفه والله بس ماگدرت اسيطر على نفسي

صاح بصوت عالي
علي- الحمد لله والشكر ربببيييييي شنطيتني غضب وطاح على راسي بس هو مو صوجج والله مو صوجج صوجي انيي

كوه سكتت من الضحك وهمست
زهور- اسفه

ضحك وحجه
علي- بس حلوه هاي مال شويه مرمطه

حجه الكلمه ورجعنا نضحك

غير الموضوع وحجه بنبره جديه اكثر
علي- عوفي الشقه زهور قبل ساعتين جنت يم ابوج ماخليت شي ماحجيته ويا دخلتله بكل الطرق عوزي شويه وادنك ابوس رجله اخر شي يگلي ماعندي مره الك يابه شنو السبب وين القصور البيه والله شنو ماتتراهمون وانت راح تبقى كل ماتصير مشكله بينكم بالمستقبل تعيرها بالصار