#في قبضه الخيلع
#البارت"44"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
وأجيك بلهفتي التچوي
وأرد منك عشك بردان
واتدفى بندم جَيتي .
سكون-
شهگت بخوف وحسيت گلبي صار يدك براسي واول وحده طلعت اني اركض گدامهم اريد اعرف شبي نزلت من فوگ اركض ملهوفه شفته گاعد بالگاع وهم ملتمين عليه وملابسه كلها دم متت گلبي راد يوگف اتقربت شفت ايده مجروحه من الطول من يم باطن المفرق الحد الكف وام علاء تصيح
ام علاء- يعني شلون ماتدري وين انجرحت اكو واحد مايدري بروححهه
ملتمين عليه يتوسلون بي حتى يگوم ياخذونه حتى يعالجو ميقبل ساند اديه على ركباته ولازم ايد بأيد ويحجي
ساجر- وخرو مني مابيه شي
منير- شبيك متخبل باع ايدك مفتوحه يرادلها خياط گوم ساجر
حجه بحده
ساجر- منير مانطيها الك روح منا
علاء- يابه دخلي نشوف ايدك هسه بعدين نحجي
كلمن يحجي كلمه والباقين مخبوصين
تخبلت من شفت منظر ايده بسرعه وخرتهم گعدت گباله ملهوفه لزمت ايده واني ابجي حجيت بفس مقطوع
سكون- س...ساجر شبيك شبيها ايدك
رفع راسه ميل رگبته يباوع عليه بنظرات حسيته يترجاني بلا كلام
مديت ايدي بتردد خايفه الزم ايده ويفشلني گدامهم انتبه عليه مد ايده لزم ايدي همست
سكون- گوم وياي
لزم ايدي وگام من مكانه كلها سكتت بقو يباوعون علينا عفناهم ودخلنا جوه للغرفه سديت الباب وباوعتله دموعي تنزل
سكون- ليش هيج سويت وين تعورت
عافني وگعد على الجربايه شمر نفسه بتعب وحجه
ساجر- ماادري
سكون- گوم خلي ياخذوك للمستشفى
حجه ببرود بلا ميباوعلي
ساجر- سطحي مابيه شي
YOU ARE READING
في قبضة الخيلع
Mystery / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
