في قبضة الخيلع

القبضة الثلاثون

#في قبضه الخيلع

#البارت"30"

بقلمي: زيـنب عـلـي

عثراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

گال احبك وانگلب ميزان كلشي ،
كلمة هدت نرجسيتي وكبريائي
وگمت اشوفه وكلشي يرجف ،
گلبي يرجف ، وموش صدفة
چان يتعمد لقائي
ومن اشوفة بلا وعي اهمس !
"انت وحدك لايك لوجهك نقائي"

مياسين:-

بقيت صافنه على الباب الى ان انفتح ودخل كابوس عمري المزعج ومرسومه على وجه ابتسامه مستفزه دفع الباب حيل ودخل ويا ثنين واكفين حواليه واحد منا واحد منا

رجعت نفسي لزكتها بضهر حُر وكأني اريد اضم نفسي جوه ضلوعه اريده يحميني منه صرت مااسيطر على نفسي جسمي كله يرجف اسبح وادعي بگلبي الله يخلصنه

دخل ووگف يباوع علينا جان گاعد على كرسي متحرك اشو هذا صار يضحك بصوت عالي كل صوته بالرغم ماكو شي يضحك يمه خفت صوته مرعب حسيت على همس حُر وهو يگلي

الخيلع- خليج هادئه خوش

غمضت عيوني حيل وصرت اردد آيات قرآنية بگلبي

النهشل- يعني وين ماترحون الله ينصرني عليكم ويرجعكم الي

جاوبه حُر بكل برود
الخيلع- الله ينصرك علينا ليش انت من اولو العزم واحنا من كفار قريش

ضحك بصوت عالي
النهشل- لطيف لطيف وتحشش هم

تغيرت نبره صوته ورجع حجه مكمل كلامه بحده
النهشل- تشاهد على روحك اليوم اخر يوم تشوف بي الضوه

الخيلع- مجتفني وتحجي هذا الكلام دفكني وخلي نتواجه الا *** **** بس انت جبان ولابد ورا چلابك

جنت اسمع كلامهم واحس نفسي راح اتخربط من الخوف وحُر يحجي ببرود ولا محسب احنا هسه مخطوفين اتحرك النهشل هو والكرسي وصار گبالي

النهشل- تو تو تو متستحي تحجي هذا الكلام گدام الفاتنه السمراء

اخذت نفس وزفره بحسره وحجه موجه الكلام الي
النهشل- شعاجبج بي لا خلقه ولا اخلاق شنو رأيج تخلصين من هذا كله وتجين وياي احسن من الموت ويا