في قبضة الخيلع

القبضة الخامسه والعشرون

#في قبضه الخيلع

#البارت"25"

بقلمي: زيـنب عـلـي

عثراتي لا تنسون متابعه الحساب+ التصويت+ كومنتات بين الفقرات

𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ

حالي حال الناس
من تخسر وطنهَا ..

مياسين:-

صرخت بكل صوتي من النار لهبت گدامي وماشوف شي بس نار حمره مشتعله بالبيت حسيت نفسي انسحبت بسرعه رجعني الي ورا واتقدم طلع من الباب لزمته اصرخ

مياسين:- وين طالعع باوع النار

حجيت الكلمه ودخلت بنوبه سعال ماكدر احجي ولا اخذ نفس سد باب الغرفه وصاح بيه

الخيلع:- رجعييي الي ورا خلي اشوف مكان نطلع مننهه

يحجي ويگُح كوه يتنفس راد يطلع الكهرباء كلها طگت صرخت بفزع ظلمه ودخان الرؤيه انعدمت تقريبا رجع بسرعه فتح الشباك الغرفه

لحظات مفزعه ماگدر اعبر عنها بلكمات مثل الموجوده بذاكرتي يمكن لو احجي سنه ماگدر اعبر عن الفزع الي عشته حسيت نفسي دخت وعيوني بدت تغمض من وحدها

اتقدم عليه لزمني وحجه

الخيلع:- تگدرين تطلعين من الشباج مو

مجاوبت دخت كلش مايشوفني بس حس بيه لزمني وحجه بخوف

الخيلع:- اختنگتي

ماكدر اجاوب بس اگُح ماكو هوى انقطع لزم ايدي جرها وماعرف على شنو يدور سحبني ويا للكنتور فتحه وبقى يدور مدري شطلع وگفني يم الشباك وراح ماسمع شي بس صوت سعاله ومدري شنو يسوي سمعت صوت مي جان اكو مخليته بالغرفه

الناس اتجمعت وصرت اسمع صوتهم برا اتقرب مني خله شي مبلل على على انفي وحلگي وهو هم حجه بصوت مخنوگ كوه يحجي

الخيلع:- تگدرين تطلعين منا يلا خلي اساعدج

باوعتله
مياسين:- وانت شلون تطلع

صاح بيه
الخيلع:- يلاا طلعي انتي ومالج غرض بيه

مياسين:- ماطلع والله ماطلع قبلك

فتح الشباك حيل وحجه بغضب

الخيلع:- هي مال عنادج هسه انا اعرف اطلع يلااا

اتقربت الناس من الشباك حتى تساعدنا صاح بيهم

الخيلع:- اتصلو بالاطفاء

حجه واحد منهم

- اتصلنا بالاطفاء هلا بيوصلو

جرني ناحيه الشباك وهو يحجي