#في قبضه الخيلع
#البارت"11"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
وزع ادوار الزمن
اختاريت دور انكتل .. ما دبر الكاتل
سمير صبيح
مياسين-
مشت السياره باوعت وراي للطريق ماصدك اطلع منا واخلص انتبهت للولد ساكت حجيت
مياسين- انت مهند
- هاا لا مهند ماكدر يجي دزني بداله
مياسين- بس هو جان يحجي وياي على التليفون ووصفلي المكان شلون ماكدر يجي
باوعلي بالمرايه
- هسه نوصل وتفهمين كلشي
لزمت اديه افرك بيهن بخوف
مياسين- وين رايحين هسه
- البيت ضي
عگدت حواجبي
مياسين- وانتو منين تعرفون ضي اني ماجبت سيرتها ولا كلت اسمها
حمحم وحجه بثقه
- مو هي موصيه عليج يم الاستاذ
تذكرت كلامها وان ادير بالي مااجيب سيرتها ابد وبعدين اني شو اول متصلت بهذا الاسمه مهند گبل قبل يساعدني حتى متأكد من الموضوع واني الثوله سولفتله اصغير التفاصيل
باوعت للطريق بس لا ذبيت روحي بمصيبه اكبر شلون يربي وين اروح غورگت عيوني
مياسين- عفيه بعد شكد ونوصل
- شويه
سكت بعد ماحجه واني سلمت امري لله وهم سكتت وصلنا البيت صغير بالمدينه وكفت السياره شويه طمنت لان البيت بنص هواي بيوت والمنطقه مبينه سكنيه
نزل من السياره واني فتحت الباب بأدين ترجف وهم نزلت ورا دك الباب ترددت ماريد ادخل وقررت فعلا مادخل ابقى بالشارع انفتح الباب وشفت هاي ضي رجع الدم الوجهي وزفرت براحه
ضي- تفضلو دخلو بسرعه
دخلنا درت وجهي عليها مبتسه صدمتني من انتجت على الباب وصارت تشهك وتناشغ وهي تهمس
ضي- سامحيني ماكدرت جبنت سامحيني
حجيت مستغربه حالتها
مياسين- شكوو ضي
ادركت الموضوع خليت ايدي على گلبي وحجيت
مياسين- لااا فدوه لااا لاتگولن اني هم خذلتج حبابه گولي غيرها
YOU ARE READING
في قبضة الخيلع
Mystery / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
