#في قبضه الخيلع
#البارت"58"
بقلمي: زيـنب عـلـي
معثوراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
انا معاند زماني عناد صبير
يموت وينتهي وميكول عطشان
لطمت على خدي وحجيت
مياسين- حُر آدم صارله فوك الساعه طالع والهسه مارجع اني دزيته وراك حتى تشتريله
الخيلع- وين وديتي وراي ماشفته انا بسرعه طلعت
مياسين- يمه ابني وين راح حُر شلون بيه آدم ماكو
صاح بيه
الخيلع- شلووننن تخليننههه يطلععع وحده انااا مو حذرتجج عقلج وين
حجيت بدموع
مياسين- مو الوحده اني عبالي انت موجود بعدك
حجيت الكلام ودخلت بنوبه من البجي وصرت بس اشهگ
الخيلع- على كيفج لا تخافين جايكم هسه تلگينه يلعب ويا الجهال لا تخافين شويه انا يمكم
جان يحجي بس القلق مبين بصوته سديته منه وبسرعه گمت لبست حجابي وعبايتي وطلعت ركض للشارغ شفت اطفال يلعبون يعرفونه سألتهم عليه كالوا جان يلعب وياهم وبعدها راح للاسواق يشتري ومارجعهلم رحت الابو الاسواق جان رجال جبير سألته عليه كلي اشتره مني وطلع
طلعت ماعرف وين اروح وكفت بنص الشارع اباوع بالوجوه بس اريد المحه يلعب ماكو ماموجود نفسي صار عالي وحسيت روحي صارت تنازع صرت امشي واحجي
مياسين- لك آدم ماما وينك تعالي راح اموت وينك حبيبي
امشي وابجي واحجي الناس صارت تباوع عليه والجيران طلعت صارت هوسه وكلها تسألني شدايصير ويدورون وياي اختفى ماموجود
متت صرت ادك والطم وناس انخبصت شي تتصل بالشرطه وشي تهدي بيه ماكدرت ادخل للبيت شويه وشفت اجت سياره سريعه طبكت يم بيتنا ونزل منها حُر اول ماشفته احس روحي فرفحت وصرت ماكدر اخذ النفس اتقدم عليه يركض لزمني وحجه
الخيلع- شبيج حبيبي شنو هاي الحاله آدم وينه
گوه حجيت بصعوبه
مياسين- حُر آدم ماكو راح ابني ضاع ماكو اختفى
الخيلع- هدي هسه نلگاه تعاي ندخل جوه
دخلنا للبيت اباوع عليه يهدي بيه بس هو وجه اصفر ولونه مخطوف واديناته يرجفن مسح على وجه وحجه
YOU ARE READING
في قبضة الخيلع
Mystery / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
