#في قبضه الخيلع
#البارت"55"
بقلمي: زيـنب عـلـي
معثوراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
يالحاسبني وردك ، انا احسبك ماي
تدري الورد دون الماي يذبل..!
سكون-
همس بأذني كلمات نشفت الدم بعروگي وخلتني صافنه لا اخذ ولا انطي
ساجر- طلاقنه رجعي سكون هسه بفعل واحد من عندي ترجعين على ذمتي
دفعته وحجيت بدموع
سكون- اياك تلمسني ساجر خليلي ولو ذكره حلوه منك ذكره وحده بس لا تسوي هيج
ساجر- ما راح اسويلج شي هدوء السببين اول واحد لان وعدت مياسين وحلفتلها برجولتي وغيرتي اول ماارجع اطلگج والثاني حتى اثبتلج اني تعالجت فعليًا مو مجرد كلام بس لا عبالج لهنا وكلشي خلص مستحيل اتخلى عنج بهاي السهوله سكوني
دفعته وگمت احس رجليه صارن خيوط من الخوف
سكون- افتح الباب اريد اطلع
ساجر- ليش حبيبي ممشتاقه الغرفتنا باعي حواليج بكل زاويه بيها النا ذكره
باوعت عليه وحجيت بقهر
سكون- قصدك جرح انت الباوع حواليك وشوف بكل زاويه بهاي الغرفه النا جرح ساجر جروحي منك ماداويتهن ولا سكنتهن خليتهن مفتوحات واخذن من حيلي حيل الحد ما خدرن وراح وجعهن وانسى بس يبقن ملتهبات مايطيبن حس بحالي ارحم بيه ووخر من طريقي
ساجر- شسوي حتى تسامحيني شلون اگدر انسيج العشنا شلون اطيب جروحج هدوئي بس گليلي الطريقه شنو
غمضت عيوني وحجيت بهدوء
سكون- وخر ساجر اريد اطلع تأخرت على الدوام وحتى الخط هسه راح
باوع على ساعته وتنهد بحسره فتح الباب وحجه
ساجر-اني اوصلج
رتبت حجابي طلعت من الغرفه واني احجي
سكون- ماريد هسه اخذ تكسي
اخذت جنطتي عفته وطلعت من البيت بقيت انتظر ماكو الخط رايح واني تأخرت وماكدر اغيب عندي امتحان
طلعت تليفوني لگيت ابو الخط متصل عليه فوك الخمس مرات تنهدت ومشيت للشارع بلكي الگه تكسي صارت سيارته بصفي خفف نزل الجامه وحجه
YOU ARE READING
في قبضة الخيلع
Mystery / Thrillerقصه حـقـيـقـيـه: بقلمي انا زينب علي بين ذراعيك انا هي المقيدة في قبضتك محكوم علي ان اعيش ماتبقى من عمري ... اطلق سراحي وحرر قيودي فأنا كالفراشة لا اتروض بين قبضتك رقيقة كل ما شددت القبضة على سبيل امتلاكي تأذت اجنحتي فأثور اكثر لاتخلص من هذا القيد ال...
