Remember Me, My LOVE | Light Romance

PLUVIA REIGN - 8

CHAPTER 8

"HAPPY BIRTHDAY TO OUR PRINCESS, PLUVIA REIGN!" masayang bati sa akin nina Kuya nang maaga akong magising. Hawak nila ang maliliit na cupcake na may nakatusok pa na kandila sa gitna kaya hinipan ko 'yun.

Iginiya nila ako sa kusina at pinaupo pagkatapos at napasimangot ako nang isuot nila sa ulo ko ang laroan kong korona noong bata pa.

"Ang ganda ganda ng umaga pero nakasimangot ka," punang sabi ni Mama nang maupo siya sa harap ko. Umiwas ako ng tingin nang titigan niya ako na tila binabasa ang nasa isip ko.

"Wala yata sa mood ang prinsesa natin Kuya," rinig kong bulong ni Kuya Ramses kay Kuya Ryan habang inaayos sa cupboard ang pinamili nila kahapon.

"Hindi pa rin ba kayo nagkakausap ni Elijah?" Si Mama, sabay abot ng kamay ko. "Naabotan ko siya kanina d'yan sa labas kaya pinaabot niya sa akin 'to para sa'yo." Dagdag na sabi ni Mama sabay patong ng isang papel sa palad ko.

Niyuko ko yun at napasinghap sa gulat nang makitang ticket yun sa concert ng paborito naming banda. Naluluhang itinaas ko yun kaya tinapik ako ni Mama bago tumayo.

"Sige na, puntahan mo na 'yun at kanina ka pa inaantay nun sa labas," napatanga ako sa gulat sa sinabing 'yun ni Mama kaya nang tapikin niya uli ako sa balikat ay saka lang ako natauhan.

Patakbo kong tinungo ang pinto para buksan yun. At naabotan si Elijah na nakaupo sa bench sa labas habang nakayuko ang ulo at nilalaro sa kamay ang ticket niya. Nagulat pa siya sa bigla kong pagyakap pero agad ding nakahuma at niyakap ako pabalik. Rinig ko ang paghikbi niya sabay bulong ng pagbati sa akin.

"Happy Birthday Reign," piyok niyang sabi. "Sorry kung n-ngayon lang ako nagka lakas ng loob na puntahan ka."

"Hindi mo naman kasalanan yun eh. Kaya ayos lang." Mahinang sabi ko sa kaniya.

Lumuwag ang pagkakayakap niya sa'kin bago ako hinagkan sa noo. Umayos siya ng upo pagkatapos nun habang ako ay napaiwas na ng tingin sa ginawa niya.

Tumikhim muna ako bago siya hinarap. "A-ahh mamaya ha? Alas singko ng hapon magsisimula na ang party ko." Nakangiti niya lang akong tiningnan bago tumango.

"Maaga akong pupunta mamaya Reign, ako ang escort mo diba?"

"Oo. Pati ang last d-dance ko." Mahinang saad ko na ikinangiti niya lalo.

"Salamat. Alam kong dapat ako ang magbigay ng regalo sa'yo pero heto't ikaw pa ang magbibigay sa akin." Napapantiskuhang napatitig ako sa sinabi niya.

Umiling lang siya bago tumawa ng mahina sa nakitang itsura ko kaya napanguso akong sumandal sa upoan. Nagtatampo. Mahabang katahimikan ang bumalot sa pagitan namin bago siya magsalita.

"The day after our g-graduation, aalis na ako pa Stanford, Reign," ngumiti ako sa kaniya bago tumango.

"Ayos lang," I swallowed hard after saying those words. "Pangarap mo ang nakasalalay dun EJ." Tinitigan niya lang ako matapos kong sabihin 'yun kaya ngumiti ako lalo para maniwala siyang totoo ang sinasabi ko.

"Iiwan ko sa'yo ang cellphone ko-"

"Hindi na EJ," putol ko sa kanya at bahagyang umiling. "May tablet naman si Kuya Ryan na pwede kong hiramin kaya ayos na yun."

Ilang minuto niya ulit akong tinitigan bago ngumiti. Mga ngiting magiging ala-ala ko nalang pag-alis niya.

Nagpaalam na siyang babalik sa bahay nila para ihanda ang susuotin. Dumiretso naman ako sa kwarto ko para ilagay sa drawer ng bedside table ang ticket na gaganapin bukas. Ngumiti ako bago tinungo ang bintana, nagbaba sakaling makita si Jhiny doon at hindi nga ako nagkamali.