TIKTOK (MARCH 25, 2020)
Kapoy man diay mag tiktok 'no? Kiay diri, kiay didto. Kakapoy ba? Nganong ganahan man ko ani?
Gibilin sa nako ang selpon sa bangko ug niadto sa kusina kay muinom ug tubig.
Pagbalik nako sa sala wala jud ko katuo sa akong nakita. Si Mama!? Nag tiktok?? Ahaaaaakk na!!
Sa busy niya pagsayaw sayaw wala sya kabantay sa ako. Giduol nako siya ug gikuhit.
"Ma, nag-unsa man ka?"
"Malamang, Jane, nag-tiktok. Obvious man guro 'no?" Hala ka. Ka-attitude ba sa akong inahan?
Mao ni ang resulta sa home quarantine. Pati imong Mama, mag-tiktok na. Atay!
@cloudnine
••••
BINIGNIT
"Ayooo!! Ante Karla!" Ikapila na nako ning si'g pang-ayo pero wa gihapo'y nag-abli nako.
Aha na diay ang mga tao diri?
Kay wala man juy mu-abli, nisulod na lang ko sa ilang gate. Wala man pud naka-lock ug baga man pud kog naw'ng maong nidiretso na lang ko'g sulod.
Naa nako sa ilang pultahan unya nanuktok ko. Namula na lang akong kamot si'g panuktok wala gihapo'y ning abli sako. Piskot, asa diay sila!?
Manuktok na unta ko'g usab pero ning kalit ra'g abli ang pultahan. Aw, salamat kay naa na juy ning abli.
"Meralyn! Sayuha ba nimo?" Si ante Karla diay ang ni-abli.
"Hehe! Naistorbo ba tika te?" Animal ka ulaw.
"Hahaha! Dili man. Ali sulod." Panghagad niya sa ako. Unya kay baga man kog naw'ng, nisulod ko diretso.
"Unsa diay tuyo nimo?"
"Naa koy dala binignit, te." Ning sulod mi sa ilang kusina ug gibutang nako didto ang akong gidala.
Gitan-aw niya ang cellophane ug ning katawa. "Paki-ingon sa imong mama, salamat."
"Ug kuan pud daw, te.." Atay, unsaon man nako ni pagsulti!
"Unsa man?"
"Bayran daw na nimo, te. Pero imong pambayad kay si Matthew, hehe." Niduko ko sa kaulaw. Animaaaaal yawaaaa!! Baga ko'g naw'ng pero maulaw gihapon ko, uyss.
"Sige, hulat sa kay tawgon sa nako si Matt." Nisiga akong mata sa iyang gitubag. Seryoso!? Yessss!!
Naghulat kog mga pila ka'minuto bag-o ning balik si Ante kauban si Matthew.
"Diara, Meralyn. Dalaa na ni sa inyo. Wala man pud ni tabang diri." Ana si Ante ug gituklod padulong sa ako si Matthew.
"Mama!" Siggit ni Matthew nga pula na'g naw'ng. Hala, naunsa ni?
-------------
Ug karon guys, nagluto mi ni Matthew ug binignit kay ibaylo pud daw sa among anak sa iyang crush. Sundugon daw to niya ang gibuhat nako sauna. HAHAHA.
@cloudnine
