CHISMOSA (MARCH 13, 2021)
Kada lugar, di jud na mawad-an ug mga chismosa. Sig chismis diri, chismis didto. Murag mga walay buhatunon sa kinabuhi kay sige rag chismis. Bisag buntag sayo, imbes na magluto ug pamahaw, chismis dayon.
Napa-irap nalang ko ug nitan-aw sa bintana. Alas otso pa sa buntag pero nagmeeting na ang mga chismosa. Naa ra sila sa atbang nag-istorya. Sige silag tan-aw diri sa balay, or more like sa akoa nga nakadungaw sa bintana.
Gitaasan ra nako sila ug kilay tas nipalayo sa bintana. Basig malabay nako sa ila ang flower vase ni Mama. Siguro ako na sad ang ilang gi-chismisan.
Ni-adto nalang ko sa kusina para magluto ug pamahaw. Mai-stress ra akong beauty nila.
Pagkahuman nakog luto kay naghukad dayon ko. Bag-o rako nagbutang sa plato tung niabot akong igsuon nga murag nidagan gikan America hangtud Australia kay hagard kaayog nawng.
"Ateee!"
"Oh, naunsa man ka?"
"A-Ate.. B-Bu.."
"Unsa man?"
"A-Ate.. Buntis.. Buntis ka?" Pangutana niya ug nisiga akong mata. Ha?!
"Unsa?! Asa man ka gikan ana?!" Shock nako nga pangutana. Po—Poset!
"Ana si Aling Marites.." ingon niya ug niyaka sa salug.
Giatay jud ni si Aling Marites. Nagpakalat na sad ug fake news!
Gibiyaan nako akong manghud didto ug nigawas sa balay. Naa ra gihapon sila Aling Marites sa atbang, wala pa nahuman ug meeting. Giduol nako sila nga naay suko nga nawng.
"Aling Marites! Unsa namam pud ning nadunggan nako nga nagpakalat na sad kag chismis nga buntis ko?!" Suko nako nga pangutana pero gitaasan rako niyag kilay.
"Kay di ba diay?" Arte nga ingon ni Aling Marites. Wtf? Maypa siya kabalo?!
Mutubag pa unta ko pero niabot ang iyang anak, si Kara. Naghilak siya samtang naglakaw paduol sa amo.
"Oh, naunsa man ka?" Pangutana ni Aling Marites pero nihilak ug samot si Kara. Nangunot akong agtang. Ngano man ni?
"M-Ma.. Sorry.." Ingon ni Kara nga halos hunghong na.
"Sorry?"
"M-Ma, buntis ko." Ingon ni Kara ug nawala ang color sa nawng ni Aling Marites.
Wa ko kabalo kung malipay ba or maluoy. Mixed emotions ako ngayon! BWAHAHAHA.
"Pfftt, HAHAHAHA!" Katawa nako ug gilingi sad ko ni Kara.
"Unsa may kataw-anan, Juleka?" Taas kilay nga pangutana ni Kara.
Wala nako siya gitubag. Instead, nitan-aw ko kay Aling Marites nga hangtud karon wa pa gihapon ka-recover sa shockening news.
"Sige kag panghimantay sa ako tas imong anak wa nimo gibantayan? Awa karon, edi buntis!" Ingon nako tas nikatawa.
Nitalikod na ko sa ila pero bago musulod sa gate, gilingi pa nako sila ug kas-a.
"Karma is fast nowadays." Ngisi nakong ingon tas nag-flip hair. Mirisi.
@cloudnine
••••
SPELLING (MARCH 14, 2021)
"Ate!" Nisaka akong panan-aw gikan sa selpon padung sa akong manghud nga kalit ra nisulod sa akong kwarto.
"Unsa man?"
"Spell ragud ang flower." Ingon niya ug nitapad sa ako.
"Di diay ko?" Pagminaldita nako.
"Sige nagud." Pagpugos niya ug nag-roll eyes rako.
"F-L-O-W-E-R." Ingon nako ug nibalik ug higda.
"Kuan, te, TV."
"T-V."
"Spell, te, ba."
"T-V gani."
"Ate uy."
"Unsa man diay imong gusto?" Nagsugod nakog kasuko. Gi-spell na gani nako.
"Spell ba."
"T-V gani!"
"Gisundog raman ko nimo uy." Ingon niya ug nagsugod nag hilak. Ha?!
"Gi-spell gani nako no. T-V!" Nisinggit najud ko kay wa nako kapugong. Peaceful kaayo ko diri ganiha tas mamulabog siya.
"Gisundog raman nimo akong gi-ingon."
Nitindog ko ug nigawas sa kwarto. Asa ko muadto? Ipa-tarp nako ang "T-V" nga spelling. Giatay, na-high blood ko.
@cloudnine
