VIDEOKE (AUGUST 14, 2020)
Pista sa amo karon ug daghan ug tao karon sa balay, malamang. Gatapok na sa lababo ang hugason ug ako ang pahugason ni Mama. Atay man ni uy.
Pagkahuman nako ug hugas, nisaka dayon ko sa akong kwarto para di nako pahugason ug usab. Bahala na sila Ate didto uy.
Nihigda dayon ko ug nag-selpon. Nagscroll-scroll rako tung nakadungog ko ug sakyanan nga pasulod. Nitindog ko ug ni-adto sa veranda.
Ninaog sa sakyanan ang tulo ka arabo. Eh? Naay mga amigo si Papa nga arabo?
Nihigda nalang ko ug balik ug gipasagdan nalang sila. Matulog unta ko tung nadunggan nako nga naay nikanta ug.. ambot unsay title ato uy basta Pilipino ang nagkanta.
Ni-adto ko sa veranda ug nidungaw sa ubos. Nakit-an nako nga nag-videoke ang mga arabo ug ang ilang gikanta kay.. ambot lagi uy! Wa jud ko kabalo sa title.
"Pinoy ako, Pinoy tayo~" Kanta pa sa arabo ug murag nisurok akong dugo.
Nidagan ko padung sa gawas kung asa sila ug gipalong ang videoke.
"Arabo ka! Dili ka Pilipino! Ayaw sig kanta ato kay dili ka Pilipino. Okay?!" Yawyaw nako ug nameywang pa.
"Actually, Pilipino jud ko. Mura lang ko ug Arabo kay akong Lola kay half-arabo." Sulti atong arabo nga nikanta maong nisiga akong mata.
"Ay, Pilipino diay ka? Ah, sige, kanta na ug balik." Ingon nako ug gisaksak ug balik. Yati kaulaw.
@cloudnine
••••
CALLIGRAPHY (MARCH 28, 2020) (REPOSTED ON AUGUST 20, 2020)
"Jee, pa-calligraphy ko."
"Ako sad, Jee."
"Jee, pa-calligraphy sad ko."
Halos silang tanan sa room gusto magpa calligraphy. Nitando na lang ko ug nagsugod na ug buhat. Pagkahuman ug buhat gihatag na nako sa ila with a smile. Usahay ra man gud sila magpa ing-ani maong gusto pud nako sila buhatan.
-----------
"Jee, dungan ra ta ug uli." Ana si Yannie, akong amigo.
Himala kay makigdungan ug uli. Usually man gud ginasundo na siya. Usahay mag motor ra na siyag iya pauli.
"Sige. Hulata lang ko kadali kay mag arrange sa ko sa akong gamit." Tubag nako ug nitando ra siya.
Nagsugod na ko ug arrange. Gibilin ra nako akong mga libro sa locker kay bug-at.
"Kadali lang jud, Yan. Ilabay na lang nako ni." Ana ko ug gikuha ang mga basura sa bag.
"Haha, sige ra uy. Wa man ko nag dali." Tubag niya ug ni smile, a sad one.
Wa na lang to nako gipansin ug niduol na lang sa basurahan. Ilabay na unta nako unya nakakita man ko ug familiar na papel.
Mao man ni akong gi-calligraphy kay Marie. Nganong naa man ni diri? Gibutang sa nako sa kilid akong basura ug giukay ang basurahan. Dli man kaayo siya hugaw kay papel ra man ni tanan. Pag abot nako sa ilalom, didto nako nakit an ang tanang gipang calligraphy nako sa ila.
Ma-appreciate lagi nila akong gibuhat pero kadali ra man pud. Pagkahuman ilabay ra pud nila dayun ug kalimtan.
@cloudnine
