أنت لي (باللهجة الجزائرية)

💞💞

بعد علياشويا و بدا يحكي و شواربو لاسقين في شواربي: حلوين .
بعدت عليه و قتلو : واش راك دير ؟
-جاد: والو .
- انا: والو . يازح بوستني و تقولي والو . واش راك حاسب روحك ؟ شكون نتا باش تبوسني ؟ قول ..
-جاد : قتهالك و نعاودها دوك . انا كلشي ليك . باباك .صاحبك .خوك . كلشي و نتي وليتي ديالي و واحد مراح يديك مني .
- انا : نتا والو بالنسبة ليا و هاد الهدرة روح قولها لوحدة متعرفكش. اوكي . و دوك اخرج من شمبرتي قبل ما نعيط .
- جاد: راني قو..
قبل مايكمل هدرتو : اخرج دوك .
خرج و روحت نجري غلقت الباب بالمفتاح و روحت تكسلت فالبونك و تغطيت و بديت نبكي حتى وين رقدت .
- في بلاصة وحدخرا:
هبطت جماعتنا للبحر سامي و سارة دخلو يعومو و نرجس راهي تحكي مع صاحبها و امير و جاد يحكو و الجماعة لي بقات كل واحد واش يدير .
- سارة: اععع سامي علاش هكا ؟؟ 😭.
- سامي : حبسي ماتعيطي مدرتلك والو just غرقتك .
سوطات سارة فوقو و بدات تسيي تغرقو .
-سارة : حجرة يا جدك .
- سامي : سارة حبسي ما تسوطي فوقي . و ارواحي نحكو .
- سارة : واش نحكو ؟
- سامي : واش راكي لابسة .
-سارة : مايو ( كانت لابسة مايو كحل )
- سامي : عريان بزاف .
- سارة : واش يلبسو الناس كي يروحو للبحر   جلباب؟
- سامي: ايه . يلبسوه .
- سارة : نو . و زيد علاش راك تحكي على لبستي انا ؟ روح احكي على لبسة الخرية تاعك لي قتلي عليها .
- سامي : وي . نسيت . معندي حتى حق باش نحكي .
- سارة : وي. سامي معندك حتى حق باش تحكي عليا و لا تحكم فيا . احكم في خريتك بزاف عليك ..
- سامي: متزيديش تقولي عليها خرية . عندها اسم .
- سارة : راك تحامي عليها . اوكي .
- سامي : سارة .
خرجت سارة من البحر و راحت تقعد مع أمير و جاد . دوك نفهمكم . دونك سامي عرف وحدة في الجزائر و بدا معاها مي شغول مشي تاع سيغيو . راكم فاهمين اسمها أسماء . المهم . خرج سامي و راح ريح معاهم .
- سامي : سارة ارميلي سربيتا.
- سارة : عندك يديك .
- سامي : اوكي .
رمالو جاد سربيتا .
- أمير : سامي حكيت مع صوفيا ؟
- سامي : نو. و منحكيش معاها حتى وين تعرف مصلحتها .
- سارة : اما مصلحة؟
- جاد: علاش وشبيها؟ ( لعطاي داير روحو ملاك فوق لرض )
- سامي: مريضة
قبل مايكمل قاطعو أمير : مابيها والو . Just راهي مريضة شوية و كي تكون مريضة تولي متعرفش تحكي مع العباد علابيها نخلوها وحدها .
- سامي : ايه علابيها.
- سارة : نورمالمو تريحو معاها ماشي تخلوها وحدها . البنادم كي يكون مريض يحب خاوتو معاه .
- سامي: صوفيا حاجة و العباد حاجة وحدخرة . صوفيا كي تكون مريضة متحب حتى واحد يقعد معاها .
- أمير : ايه . و حتى واحد يحكي معاها باسك تخرج فيه ديراكت .
- جاد : و باش راهي مريضة ؟
- أمير : احمم
- جاد : وشنو احمم ؟
- أمير : احمممم .
- سارة : إفهم يالحمار. 
- جاد : ايه . اوكي .
جاز النهار و هوما فالبحر . لحق ليل و حطو الطابلة و ڨاع قعدو غير صوفيا .
- الجد : كريم . وين راهي بنتك ؟
- كريم : راهي في بيتها . عندها خدمة .
- الجد : عيطلها .
- سهام: جدو خليها تخدم خدمتها . زيد حكيت معاها قاتلي منيش جيعانة.
- الجد : شحال من مرة نقوللكم كي يلحق وقت الماكلة نلقاكوم ڨاع فوق الطابلة .
- أمير : CBN . جدو دوك نروح نجيبها .
طلع أمير ليها و دقدق .
كنت قاعدة فالبونك لابسة بيجامة كحلة و عينيا حمورا . شعري مخروب . شواربي حمورا . صفرة و عيانة حتى وين نسمع طبطيب رحت نشوف .
- انا: شكون
- أمير : خوك .
فتحتلو الباب و خليتو يدخل عاودت غلقت الباب . رحت ليه غير لحقت ليه عنقني . شحال كنت محتاجة واحد يعنقني . و بديت نبكي المهم شمختلو تريكوه .
- أمير : صوفيا عينيا . CBN .
-انا: أمير منيش ڨاع مليحة . راني حابة نموت . كرهت .
- أمير : صوفيا زينة ديالي مع اليامات تولي مليحة . غدوا نروح انا و نتي لطبيب و تعيشي متقوليليش لالا . داني لدوش و قالي : شوفي كيفاش راكي . صوفيا. . عينيا . نتي صوفيا ؟ هديك الطفلة لي متخلي حتى واحد يبكيها شوفي كيفاش راهي ؟
- انا: أمير خويا . واش يصرالي كومبلي كي نمرض نخرجو . انا ماشي هديك الطفلة لي متبكيش . نبكي و نعيا و نكره و نحب نموت مي
- أمير : شوفي صوفيا . غدوا نروح انا و نتي لطبيب و دوك جدي راهو يعيطلك . قالنا راهو حابك تتعشاي معانا و دوك ارواحي نغسلك وجهك .
غسلي أمير وجهي و حكملي شعري طوماطيشة مخبلة و دارلي غيسيل و ريحة و حكمني من يدي و حبطني معاه . ريحت فوق الكرسي و خزرت فيهم ڨاع .
- جدو : وشبيك حكا صفرة ؟ و عينيك حمورا ؟
- انا : راني عيانة جدو . نهار كومبلي و انا نخدم . علابيها .
- جدو : اممم . المهم لبنات عمبالكوم بلي مبقاش باش تولو تقراو لازم تريڨلو وراقيكم .
- سارة : علابالنا جدو .
- جدو : مليح .
و بدينا ناكلو حتى وين يلحقني ميساج من عند سارة .
--SMS:
- Sara : Sofia . Raki mliha ?
- ana : ouii . Rani mliha .
-sara: ki nt3chaw ndl3 m3ak la chombra.
- ana : 3lch ??
- Sara: nahkiw .
- ana : okii .
    - fin d'SMS-
- كملت الماكلة و طلعت لشومبرتي انا و سارة قعدنا فالبالكون فلرض .
- انا: واش كاين سارة ؟
- سارة : نحبو .
- انا: شكون ؟
- سارة : سامي .
- انا: و هو ؟
- سارة : JSP . واقيل مايحبنيش .يحب الخرية ديالو . صباح كي كنا فالبحر بدا يحكي على لبستي منبعد انا بديت نقولو واش دخلك . احكي مع البكاية ديالك و منا و ناض يعيط عليا و يحامي عليها .
- انا: شوفي نديرو عفسة . نقولو لأسامة يدير روحو شغل راكي معاه و يحبك و منا و خليه يغير و منبعد نحكي انا معاه و نقولو قوللها بلي تحبها و منا .
- سارة : مشكيتش اسامة يقبل . راهو اونكوبل . و زيد الخراية ديالو واش نديرولها؟
- انا: هديك.  منبعد نشوفو . خلينا منها المهم خلي نبرى و منبعد نحكي مع اسامة . اوكي .
- سارة : اوكي .نحبك .
- انا: مام انا .
- سارة : ايه و نتي واشبيك هكدا؟
- انا: كيفاش ؟
- سارة : شغول ميتة. احكيلي والله مانقول لواحد .
- انا: احلفي. 
-سارة : والله مانقول لواحد.
- انا: راني مريضة شغول اكتئاب ctt .
- سارة : هدا مكان .
- انا: وي . سارة .
- سارة : وي .
- انا: خوك يحب كاش وحدة ؟
- سارة : لالا .
- انا: نحكيلك واش صرا مقبيل .
- سارة : احكي .
- انا: صباح كنت فالشومبرة نبكي حتى وين جا عندي خوك لسق فيا و باسني و قالي نتي تاعي و منا .
- سارة : احلفي . 😳
- انا: و الله . يا جدك خلعني . وشبيه والله ؟
- سارة : يحبك .
- انا: تحبو حبة نشاءالله .
- سارة : يحبك يا لحمارة .
- انا: واش دخلني؟ انا قتلو حبني؟
- سارة : سيي تحبيه .
- انا : I can't (ما نقدرش) .
- سارة : تقدري . افتحي قلبك برك .
- انا: نسييي .

🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬
هالاو ڨايز . هاو آر يو ؟
سو . لبنات ادا معجبتكمش كاش حاجة قولولي .
راني نعصر في مخي بسيف باش يخرجو الأحداث .
المهم. Ctbl. فوت و كومونتار . بليززززز.
Love you ❤️❤️❤️❤️❤️