راحت لبست هكا 👇👇
و خرجت من الدوش لقات بلاصتها فارغة . حوست بعينيها عليه ملقاتوش عرفت بلي خرج . راحت رفدت pc ديالها و تيليفونها و خرجت من الشومبرة . حبطت للكوزينة شربت كاس جي و راحت قالت للشوفور يديها للشركة . لحقت دخلت نورمال و جات داخلة عند باباها حتى وين حكمتها السكرتيرة .
- السكرتيرة: تفضلي .
- صوفيا: نسحق ميسيو كريم
- السكرتيرة: عندك رونديفو؟
- صوفيا : انا بنتو .
خلاتها السكرتيرة دخلت غير دخلت عند باباها قاتلو .
- صوفيا: باباتي.
- كريم : صوفيا. واش راكي ديري هنا ؟
- صوفيا: جيت نشوفك . و ادا مراكش حابني دوك نروح .
- كريم : نو . ريحي . برك تخلعت كي جيتي . راكي مليحة ؟
- صوفيا: نحمدو ربي. المهم بابا جيت ليك باسك نسحقك تعاوني في عفسة .
- كريم : كان عمبالي بلي جيتي علاجال الخدمة . واش كاين ؟
بدات صوفيا تحكيلو و هو يعاونها حتى وين كملت الخدمة منبعد ريحت معاه حتى وين لحقت 6 خرجو كيفكيف و راحو لدار .
دخلت حكمت الخدامة سقساتها وين راهو جدها قالتلها راهو في الصالون . راحت لقاتو قاعد يشوف في الورق .
- صوفيا: اووه الشباب ديالنا راك غير تصغار . راهي تبانلي نزوجك .
- جدها : واش تسحقي ؟
- صوفيا: نحكو فالبيرو مور العشاء .
- جدها: اوكي .
تعشاو و راحو قعدو فالصالون يحكو.. وقف جدها و قال.
-الجد: صوفيا تبعيني نحكيو.
وقفت صوفيا تجري و طلعت معاه للبيرو. غلقت الباب و قعدت.
- الجد: ايه واش كاين؟
- صوفيا: جدو لازم نطلع لايطاليا.
- الجد: علاش؟
- صوفيا: عفسة تخص خدمتي.
- الجد: ايواه. كل يوم نقول نسقسي واش تخدمي و ننسى. إيه يا لالة واش تخدمي؟
- صوفيا: هي فالحق عندي مدونة و موقع الكتروني و قناة فاليويتوب و نخدم فالترجمة و نكتب اعلانات و حكايات و منا و زيد حابة نفتح شركة تاع عطور و عفايس وحدوخرين.
- الجد: ماشي بزاف عليك هادو ڨاع؟
- صوفيا: لا لا . جدو تخليني نروح. تعيش جدو
- الجد: اوكي روحي. وقتاش راكي حابة؟
-صوفيا: اليوم على 4 تاع صباح و تعيش جدو ماتقول لحتى واحد من غير بابا.
- الجد: اوكي كما تحبي. دوك نقوللهم يوجدولك الطيارة .
راحت صوفيا باستو من خدو و عنقاتو و قالتلو.
- صوفيا: جدو عينيا نحبك.
-الجد: مام انا نحبك. دوك بعدي عليا.
راحت صوفيا لشومبرتها و هي فرحانة. دخلت لشومبرة لقات جاد قاعد فوق البونك. خزرت فيه و هي مطلعة حاجب.
- صوفيا: غير الخير؟
- جاد: واش حكيتي نتي و جدو.
-صوفيا: واش دخلك؟
-جاد: صوفيا راني نحكي سيغيو ؟ واش حكيتو ؟
- صوفيا: علاش نقولك ؟
دنا ليها و حكمها من يدها و قال : صوفيا قولي سينو ..
قبل مايكمل قاطعتلو هدرتو: سينو واش ؟ 🧐 تضربني. تعيط . واش ؟
-جاد : تصرا عفسة متعجبكش ڨاع .
- صوفيا: انا قلت بلي نتا اكثر عفسة متعجبش مي بان بلي كاين عفسة متعجبش كثر منك .
- جاد : صوفيااااا .
- صوفيا: وشبيك تعيط ؟ راني قدامك .
- جاد : نعل ر## .
- صوفيا: بلع فمك عليا خامج . مام انا نعرف نسب . ماشي غير نتا مي قلت نحترمو راهو كبير و منا مي نتا ما تستهلش الاحترام ديالي . زيد وشبيك جاي عندي تاكل في روحك و حاسب روحك راجلي و تعيط عليا و معمباليش . قتلك من قبل و نقولهالك دوك و نقعد نقولها نتا والو بالنسبة ليا و جامي مراح تكون فهمت ؟ و لا نعاود .
- جاد : صوفيا###### قتلك و نزيد نعاود نتي تاعي و راح تبقاي ديالي حياتك كومبلي و لوكان منديكش انا واحد ميديك . فهمتي؟
- صوفيا: مال نقولك عفسة و ديرها في بالك مليح انا منقبلش بيك . و لوكان تبقا غير نتا فهاد الدنيا منقبلش . فهمتتت؟
- جاد : صح ؟ 😤
- صوفيا: ايه 😒 .
- جاد : اوكي كيما تحبي و بالاكي دخلي روحك كي تلقايني مع كاش وحدة .
- صوفيا: وقتاش دخلت روحي في عفسة تخصك نتا ؟ غير نتا لي كنت دخل روحك في حياتي ؟ و بالاك نلقاك دور قدامي . و بالاك دخل روحك فيا . فهمت😤
- جاد: كيما تحبي .
- صوفيا: مليح . دوك اخرج من شومبرتي .
خرج جاد من شومبرتها . راحت تجري غلقت الباب بالمفتاح و قعدت فالبونك و بدات تبكي . عاودت تفكرت كلشي كيفاش خدعها كريس ( صاحبها القديم) واش قاللها . تفكرت كلشي . بكات منبعد ناضت تغسل وجها و خزرت في روحها في المراية .
- صوفيا: صوفيا نتي قوية . جاد و لا كريس ولا أي واحد معندك مديري بيهم. تقدري لروحك . تحكمي في روحك و تحكمي في قلبك . مطيحيش كثر في جاد . ديجا راكي حبيتيه كثر ملازم. متزيديش تحبيه كثر . غلقي قلبك . و ابداي حياتك. متسحقيش راجل في حياتك . قادرة على شقاك. فهمتي ؟
خرجت من الدوش جبدت فاليزة و بدات تحط في قشها . كملت راحت دير لي ماسك لوجها . يديها . رجليها . ستيكات روحها كيما يلزم . لحقت الوحدة تاع الليل حبطت للكوزينة تاكل منبعد طلعت و بقات تخدم لقاتها 2:30 راحت تلبس هكا 👇👇لحقت 3 حبطت بلعقل و هي تجر فالفاليزة . خرجت لقات الشوفور يستناها حط الكابة و طلعت هيا و راحت للمطار لحقو ركبت ديراكت .
🎬🎬🎬🎬🎬🎬🎬🎬🎬🎬🎬🎬🎬🎬🎬
سمحولي كي طولت عليكم . كنت عند ماني مع لافامي راكم تعرفو الحالة . ملقيتش مامبا الوقت باش نحكم التيليفون . اليوم لي وليت كتبت البارت فالطريق و حطيتو دوك .
سمحولي. و صحا فطوركم .و سحوركم .
نحبكم ❣️❣️
فوت و كومنتار بلييززز 😘
YOU ARE READING
أنت لي (باللهجة الجزائرية)
Romanceطفلة كانت عايشة في نيويورك من صغرها مع عايلتها بين ليلة و ليلة تبدلت حياتها و راحت تعيش في الجزائر و هنا تبدا الحكاية. - ممنوع نقل الرواية بدون إذن 🙏❤️