أنت لي (باللهجة الجزائرية)

💋💋

لبست و حبطت لقاتو قاعد .
- صوفيا: راني بدلت . أيا نروحو .
خزر فيها فدقيقة وجهو تبدل .
- جاد : هادي لبسة تلبسيها . اسناي هنا .
راح قعدت كاش 15 دقيقة باش جا و في يدو جلابة

خزرت فيه .
- صوفيا: نو . منلبسهاش . أصلا ديالمن هادي ؟
- جاد : تلبسيها . و هادي تاع سمية . دوك طلعي يديك .
- صوفيا: مانطلعش .
لبسلها الجلابة شغول بيبي . منبعد لسق فيها و باسها من رقبتها و قال : هكا باش ميخزروش في عفسة ديالي. 
بعدت صوفيا عليه و رفدت كابتها و مشات و قاتلو : انا ماشي ديالك .
- جاد : ديالي وحدي . و انا ديالك وحدك .
- صوفيا : أصلا شوف شحال جاتني شابة . آخخ راني نبان زلة ❣️❣️ .
- جاد : امشي نروحو .
- صوفيا: وي امشي .
راحو ركبو كاش 2 سوايع باش لحقو . جات راح تهبط حكمها من يدها . خزرت فيه .
- صوفيا: واش؟
- جاد : بلاكي و تحكي مع الدراري . و زيد البسي مستور و متضحكيش بزاف باسك تولي شابة و اكديلي على اللولة .
- صوفيا: السبب ؟؟ 🧐
- جاد : خطرة في حياتك قولي ايه و اسكتي . و زيد قتلك بلي منحبش لي يشوفلي في ڨلبي .
- صوفيا: واشمن ڨلب .؟؟ يهديك ربي . و دوك ادا كملت المحاظرة ديالك خليني نهبط .
- جاد : ايه كملت . و صوفيا .
- صوفيا: وي .
- جاد : نحبك ❣️❣️ .
و باسها من راسها ( جيبولي واحد جاد مدخلنيش فيكم ) .
حبطت و هي مخلوعة و قلبها يخبط . راحت طبطبت فتحت عليها بنت خالتها ياسمين .
- ياسمين: راهي جات الشابة ديالناا
- صوفيا: قولي الله يبارك
- ياسمين: الله يبارك 🤣
- صوفيا: ايه و دوك انا نقعد عند الباب .
- ياسمين:سمحيلي نسيت ادخلي.
- صوفيا: وين راهي ماما؟
- ياسمين : فالصالون .
راحو لصالون لقات نسا و رجال و ليجان و ليبيبي و عجايز . تشوكات . حوست بعينيها على يماها لقاتها قاعدة مع باباها و خاوتها راحت ليهم.
- أمير : راهي قريبة القيامة .
- سامي : علاش ؟
- أمير : شوف صوفيا .
شافوها لابسة جلابة .
- صوفيا: ماصرا والو جاد قلي لوكان متستريش روحك منوصلكش. هدا ماكان .
- سهام : و حنا قلنا بلاك هداك ربي .
راحت صوفيا لجداتها و سلمت على راسها .
- صوفيا : جدة . راكي مليحة . ؟
- فخرية ( الجدة ) : مليحة بنتي و نتي ؟
- صوفيا: حمد الله .
و راحت سلمت عليهم كومبلي خدودها راحو . ريحت قدام باباها .
- كريم : وصلك جاد ؟
- صوفيا: ايه . علاش .
- كريم : والو . ريحو يڨسرو موراها تعشاو و هي كانت لابسة

طلعو لشنابر . البنات قالو يباتو كيف كيف و الدراري كيف كيف. سو صوفيا دات نيسا باش ترقد معاها . لقاتهم فرشو فلرض  . كانت قاعدة تڨسر مع البنات  و نيسا فحجرها حتى وين لقات نيميرو متعرفوش . عيط اللولة . دوزيام . ثالثة . رابعة ريبوندات .
- صوفيا : يالحمار يالبغل . يا الجاهل . البنادم كي يكوبي خطرة سيبون مي نتوما الثالثة و ما فهمتوش رواحكم . احشموا .
- .. : اتنفسي .
- صوفيا: جاد .
- جاد : ايه . جاد .
- صوفيا: وين جبت النيميرو ديالي .
- جاد : سارة مدتهولي .
- صوفيا: هديك الكلبة .
- جاد : توحشتك .
- صوفيا: يتوحشك الخير .
- جاد : صوفيا . سيغيو . متعرفيش تقولي مام انا حتى لوكان بالكذب .
- صوفيا: مام انا .
- جاد : وشنو ؟
- صوفيا: مام انا توحشتك . ( اللخرة قالتها بالهمس بسك البنات راهم قدامها )
- جاد : نتي واش ؟
- صوفيا: توحشتك ( بالهمس)
- جاد : صوفيا احكي مليح و لا متحكيش.
- صوفيا: اخخ  قتلك توحشتك . نتا لي مراكش تسمع مليح .
- جاد : مام انا نحبك .
- صوفيا: جاد .
- جاد : صوفيا .
- صوفيا : راح نكوبي .
- جاد : بلاكي تكوبي.
- صوفيا : بونوي عينيا . Love you 😘.
و كوبات عليه . غير كوبات سقساتها حنان .
- حنان : شكون توحشتي . ؟
- صوفيا: سارة .
- ياسمين: وي . سارة .
- صوفيا: و الله سارة .
حنان : وي سيبون امنا
🎬🎬🎬🎬🎬🎬🎬🎬🎬🎬🎬🎬🎬🎬🎬🎬 نحبكم ❣️❣️
فوت و كومنتار بلييززز 😘😘