أنت لي (باللهجة الجزائرية)

💌💌

عند صوفيا راحت لدار بطونوبيل تسوق و تبكي . بسيف باش وصلت . دخلت ديراكت لشومبرتها رمات روحها على البونك و قعدت تبكي حتى وين رقدت .
غدوا صباح ناضت عينيها حمورا . راحت دوشت . دارت مكياج خفيف و لبست هكا 👇👇

و هبطت لقاتهم ڨاع . كلات قاطو شويا jus و ناضت .
- صوفيا: بصحتكم. 
و راحت و خلاتهم . ركبت فالطونوبيل ديراكت للفاك .دخلت قعدت شويا و جات ليها مايا .
- مايا : صباحوو
- صوفيا: صباح الخير .
- مايا : صوفيا راكي مليحة ؟
- صوفيا: وي . راني مليحة . و نتي ؟
- مايا : راني هايلة .
- صوفيا: علاش ؟
- مايا: وليت انا و خوك دي زامي.  😈
- صوفيا: ايواه . لعقوبة لزواج نشاء الله .
- مايا: من فمك لربي . راكي سور بلي راكي مليحة ؟ .
- صوفيا: وي راني مليحة.
- مايا : واش رايك تجي تباتي عندي ليوم ؟
- صوفيا: ايه نجي .
- مايا : أوكي .
- صوفيا: خلاص اسكتي راهو جا شيخ .
بداو يقراو على 2 خرجت صوفيا . راحت للدار باش تبدل لبست هكا 👇👇

بسك عندها اجتماع مع الشركة تاع جاد علاجال الاوتال ديالها و هبطت ركبت فالطونوبيل و راحت . ڨارات طونوبيل و حبطت لقات منال تستناها . دخلو كيف كيف . طلعو البيرو تاع جاد .
- منال: جينا نشوفو مسيو جاد
- كاميليا: شكون نتوما ؟
-منال: قوليلو صوفيا ###
- كاميليا: آ يسمى نتي بنت عمو .
- صوفيا: اخدمي خدمتك و اسكتي .
كاميليا حكمت التيليفون و بدات : مسيو جاد جات صوفيا ### .
كاميليا: تفضلو .
دخلت صوفيا و منال. 
- جاد : صوفيا غير الخير كاش مكاين ؟
- صوفيا: ctbl مسيو جاد رانا نخدمو عيطي مدموزال ماشي باسمي .
- جاد ستغرب : انا خدمة ؟
- صوفيا: جينا نعقدو معاك صفقة .
- جاد : صفقة.
- منال : وي . صفقة . عندنا اوتال في الطاليان . حوسنا على مهندسين ملاح و ملقيناش.  هاك الدوسي. 
حكم الدوسي من عندها و بدا يقرا .
- جاد : الصفقة مليحة . من وقتاش نبداو ؟
- منال : الشهر الجاي تبداو تخدموه .
- جاد : اوكي .
- صوفيا: بما انو اتفقنا راح نروحو حنا .
وقفت و وقفت معاها منال . مدت يدها لجاد و قالت : كان شرف انو نخدم معاك مسيو جاد . خمس عليها و قال : الشرف ليا مدموزال .
خرجت و قبل متخرج . قاللها: صوفيا معليش نحكو شوية ؟
خزرت صوفيا في منال و قالتلها : تقدري تروحي و عشية نعيطلك. 
راحت منال و ولات صوفيا قعدت و خزرت فيه. 
- جاد : نعيطلك صوفيا و لا مدموزال صوفيا ؟
- صوفيا: تقدر تقولي صوفيا . مراناش نخدمو دوك .
- جاد : ايه يا لالة صار عندك أوتال؟
- صوفيا: مزال مولاش عندي . نشاء الله يولي .
- جاد : صوفيا.
- صوفيا: وي.
- جاد : وشبيك هاد اليامات ؟ راني نشوف فيك مراكيش مليحة ڨاع ؟ مراكيش تاكلي مليح ؟
- صوفيا: راك تشوف فيا . كان عمبالي مراكش شايفني. 
-جاد : كيفاش منقدرش نشوفك؟ نتي هيا كلشي عندي..
- صوفيا: وي كلشي عندك علابيها رحت خطبت وخدوخرا. علابيها راح تتزوج بمرة من غيري انا. علابيها رحت و خليتني . بيناتنا نسقسيك كاش نهار حبيتني صح كيما راك تقول و لا كنت تجيب بيا الوقت ؟ نقولك كنت راح نقولك كلشي . كنت راح نقولك بلي نحبك و نقدرو نولو كيف كيف مي نتا مقدرتش تستنا شويا . يالوكان يامات برك . عمبالك شحال توجع كي تشوف البنادم لي تحبو مع مرة وحدخرة. عمبالك شحال توجعت كي درتلها الخاتم ؟ قول . و لا شحال راح نتوجع كي تتزوج بيها و تولي نتا ليها . كي نولي كل صباح نشوفكم فالطابلة كيف كيف .؟ عمبالك شحال توجع ؟ عمبالك و الله غير حبيتك . جاد علاش درت هكا ؟ زعما مقدرتش تستنا يالوكان نهار واحد ؟ كان مخطبتهاش كان رانا دوك كيف كيف . علاش؟
كانت تحكي و تبكي و هو قعد مشوكي . و ماشي مأمن بلي الطفلة لي يحبها تحبو و دوك راهي تبكي بسبتو هو .
- صوفيا: نزيدلك هادي دير روحك شغول مسمعتنيش و محكيناش ڨاع اوكي .
راحت و خلاتو وحدو . خرجت قابلتها كاميليا .
- كاميليا: واش دارلك جاد ؟
- صوفيا: واش دخلك .؟ شكون نتي باش تحكي معايا أصلا ؟ بعدي
راحت ركبت في الطونوبيل و بدات تبكي شويا و راحت . دخلت لدار سقسات الخدامة على يماها قالتلها مكاشها .
راحت لشومبرة شربت دواها و بدات تخدم كاش 3 سوايع و هي تخدم بلا ما تحبس غير باش تنسى جاد . كملت الخدمة ريفيزات شوية و رفدت بيجامة في الساك و حبطت . لقات جدها في الصالون .
- صوفيا: جدو راني رايحة نبات عند صحبتي . اوكي . ؟
- الجد: ارواحي اقعدي معايا.
راحت قعدت قدامو . خزر فيها و قال .
-الجد : وشبيك صوفيا؟ ماكيش مليحة ڨاع ؟
- صوفيا: لهاد الدرجة راني نبان بلي مارانيش مليحة . مكاين والو جدو جيست راني نخدم و نقرا . الضغط بزاف .
- الجد: راكي sur؟
- صوفيا: وي جدو . نقدر نروح عند صحبتي .؟
- الجد: شكون صحبتك؟
- صوفيا: مايا. 
-الجد : اوكي روحي .
- صوفيا: اوكي جدو . و قول لماما بلي راني رحت .
خرجت صوفيا من الباب قابلها جاد و هو داخل للدار.
- جاد : وين بيها؟
- صوفيا: بلاصة مفيهاش نتا .
و راحت و خلاتو واقف . ركبت فالطونوبيل و راحت .
🎬🎬🎬🎬🎬🎬🎬🎬🎬🎬🎬🎬🎬🎬🎬🎬
صحا فطوركم 🌺❣️
و تعيشو فوت و كومنتار لا بغيتو زعما .