أنت لي (باللهجة الجزائرية)

❣️❣️

ناضت الصباح لقات سارة راقدة قدامها . راحت للدوش كملت و لبست هكا 👇 و دارت ماكياج خفيف غير باش نخبي بلي راهي مريضة

شوية و ناضت سارة .
- سارة : صباح الخير.
- أنا: صباح الخير.
- سارة : وين بيها؟
- انا: الطبيب .
- سارة : اوكي . بون كوراج عينيا .
- انا: مرسي.
خرجت من الشومبرة و خرجت انا موراها رحت لشومبرة تاع أمير . دخلت و نشوف عفسة تخلي البنادم يبكي أمير راقد على ظهرو و نيسا راقدة فوق كرشو . قعدت تشوف فيهم و هي واقفة راحت غلقت الباب و قعدت فوق الكرسي تاع البيرو و قاعدة تخزر فيهم و عينيها يدمعو ماعلابالهاش علاش راهي تبكي دوك بلاك توحشت فاليريا ( يمات نيسا) بقات قاعدة تبكي و تتفكر نهار لي ولدت فيه  نيسا و نهار لي ماتت فيه فاليريا . تفكرت كيفاش كان أمير يبكي . كيفاش دخل في اكتئاب بسيف باش خرج منو .  أمير كان يحب فاليريا بزاف . علابيها قالو الموت خداعة ( معمباليش ادا كاين منها . انا سمعتها مي JSP ادا سور ) تدي منك البنادم لي تحبو  و لا البنادم يخليك وحدك . علابيها تمقت حاجة اسمها الحب. فاقت من خيالها كي شافت أمير نايض مسحت دموعها خف خف و قعدت تستنى فيه حتى وين فطن جا ليها و باسها من راسها  .
- صوفيا: صباح الخير .
- أمير :  صباح الخير الڨلب. راكي مليحة .
- صوفيا: نقدرو نقولو . راني نسيي نحكم في روحي .
- أمير : عمبالي صوفيا .دوك شويا و نروحو . اوكي .
- صوفيا: او وكي . حقا لكور ديالك راهو يڨعر ( بمعنى هايل)   . لوكان مجيتش خويا نتزوج بيك .
- أمير : شكون قالك نقبل بيك .
- صوفيا: كيفاه هادي متقبلش ؟
- أمير: بسك ماشي ستيل ديالي.
- صوفيا: ماشي ستيل ديالك يسما راك تقول عليا و بلا حشمة تان بلي أنا ماشي شابة.
- أمير : راني نتمسخر برك . شكون قال صوفيا ماشي شابة نتي شابة الشابات و لالة البنات.
- صوفيا: نحبك .
- أمير : مام انا نحبك .
و عنقها منبعد قال: و دوك روحي خليني ندوش شويا و نروحو .
- صوفيا: دوك ندي نيسا نلبسهلها و ندوها معانا و زيد دوك نوجدلك لبسة البسها . فهمت؟؟ البسها 😇 .
- أمير : كيما تحب الكبدة.
- صوفيا : تعلمت تحكي .
- أمير : سيبون روحي .
راحت رفدت نيسا غير بلعقل باسك كانت راقدة و فتحت الباب غير خرجت قابلها الزين اونبارسون خارج من الشومبرة . كان لابس سروال كلاسيك ڨري مع شوميز غوز و باسكات بيضة . غاسة فيه بلا ماتفيق حتى وين صابتو قدامها .
- جاد : صباح الخير الحب .
-صوفيا : صباح الخير و حبة تحبك نشاء الله .
- جاد : ندير روحي ماسمعتش .
- صوفيا: غير اسمع .
- جاد : واش كنتي ديري عند أمير .؟ 🧐
- صوفيا: واش دخلك ؟
دنا ليها حتى لسق فيها و قاللها كيشغول راهو يهمس: متزيديش تعاودي هاد الهدرة . دخلني في كلش يخصك  . فهمتي و لا نعاودلك ؟
- صوفيا: مافهمتش . و ما تزيدش تسقسيني و دوك بعد عليا .
- جاد : ما ..
قبل ما يكمل هدرتو ناضت نيسا تبكي باسك كانت بيناتهم و هوما لاسقين في بعضاهم و نساوها .
- صوفيا و هي تسكت في نيسا : هشش عينيا . ما تبكيش . صحا قلبي . كاش 2 دقائق و سكتت .
- صوفيا : ايي الشاطرة ديالي . دوك نروحو نلبسو رانا خارجين . اوكي .
- نيسا : امم .
- جاد و هو مطلع حاجب: وين بيها لالة ؟
- صوفيا : مانقولش .
- جاد : صار هكا ؟
- صوفيا : ايه . و راحت لشومبرة نيسا بدلتلها لبستها غوب فالباج كيما تاعها و باسكات بيضة و خرجت لتحت لقات جاد قاعد يكونيكتي و سارة كيف كيف و سامي كيف كيف و الجماعة لخرة كيف كيف باسك مزال محبطش جدهم . ريحت و قالت : صباح الخير .
-الجماعة : صباح الخير .
شويا و هبط جدهم مع أمير . ريحو كلاو و هي توكل في نيسا و تاكل .
- أمير : صوفيا أيا نروحو .
- صوفيا : اوكي .
- سامي : وين بيها ؟
- أمير : لطبيب .
- جاد : علاش ؟
- أمير : نيسا مريضة . و صوفيا هيا نروحو .
- سامي : بس لوكان منعرفكمش نقول بلي متزوجين و هادي بنتكم .
- أمير : تعرفها صوفيا ماتتبدلش .
- صوفيا : أمير اسكت رانا شابين و دوك هيا نروحو  . أمير كان لابس سروال بيض و شيميزي باج و باسكات بيضة .
خرجو راحو لطبيب كاش 45 دقيقة لحقو . خزر فيها و حبطو حكملها يدها بيد و رفد نيسا بيد و دخلو.  ستناو دالتها و قبل ما تدخل خزر فيها و باسها من راسها و قاللها.
- أمير : روحي راني هنا .
- صوفيا بصوت خفيف: اوكي .
دخلت لداخل و لقات مرة تبان في 45 سنة لابسة سروال كلاسيك كحل و فاست كلاسيك كحلة و طالون صغير .
- صوفيا: السلام عليكم .
- الطبيبة: و عليكم السلام . تفضلي بنتي ريحي .
راحت ريحت و خزرت فيها .
- الطبيبة : انا الطبيبة فضيلة . راح نتكفل بيك .
- صوفيا : انا صوفيا .
- الطبيبة : شحال عمرك ؟
- صوفيا: 17 .
- الطبيبة : كيفاش راكي ؟
- صوفيا: نقدرو نقولو مليحة .
-الطبيبة : صوفيا . حكالي أمير على حالتك . قوليلي واش راكي حابة باسك هاد الهدرة راح تبقى بيناتنا .
- صوفيا : واش تحبي نقولك ؟
- الطبيبة : باش حبيتي .
- صوفيا : خطرات مالقري كاين خاوتي و ماما و بابا معايا مي خطرات نحس روحي وحدي . نحس بلي واحد ما يحبني. نحس روحي زيادة برك . نحب نقتل روحي . نبدا نبكي و ما نسكتش ڨاع مي بلا سبة . - - الطبيبة : حبيتي من قبل ؟
سكتت صوفيا .
🎬🎬🎬🎬🎬🎬🎬🎬🎬🎬🎬🎬🎬🎬🎬🎬
Hello guys .how are you ?
Saha ftourkoum .
Sha Ida m3jbtkmch kch haja 9ololi .
We zid Sofia 3ndha passé mchi mlih . Ou howa SBA FL marde dyalha .
El MV ctbl vote+ commentair=❣️❣️❣️
Hbkom ❤️❤️