أنت لي (باللهجة الجزائرية)

😍😍

راحت صوفيا و مايا وين كانت مجتمعة لافامي .
- صوفيا: ماما هاذي مايا لي حكيتلك عليها .
- سهام: راكي مليحة بنتي. حكاتلي صوفيا عليك بزاف .
- مايا : راني مليحة خالتي . و نتي ؟
- سهام: نقولو حمدالله .
بقاو هكاك يحكو حتى وين نطقت مايا .
- مايا : صوفيا انا نروح نشوف بابا و نولي . و غمزتلها .
- صوفيا: اوكي .
راحت مايا زادت كاش 10 دقائق و صونا تلفونها . رفدت تيليفونها و شافتو شغول مستغربة .رفدت و نطقت .
- صوفيا: الو .
- ...: الو معايا صوفيا .
- ...: ايه انا . شكون معايا .
-...: ياجدك دخلتي فالدور مليح .
- صوفيا: ايه . واش . راك تحكي سيغيو ؟
- ....: صوفيا شوفي جاد كيفاش راهو وجهو .
- ....: يامات و نكون عندك . صحا . باي
غير طفات التيليفون .نطق باباها .
- كريم : واش كاين صوفيا؟ شكون عيطلك ؟
- صوفيا: منبعد نقولك بابا . لازم نروح اوكي .
- كريم : منبعد نحكيو.
راحت صوفيا خارجة من لاصال و تعيط للشوفور باش يوجد الطونوبيل باش تروح . ركبت و قعدت ساكتة . لحقت لدار فتحت الباب لقات الظلمة تقتل . راحت تجري لشومبرتها دخلت طاحت فلرض و بدات تبكي و تقول .
- صوفيا: علاش هكا. علاش يصرالي هكا . كي وليت نحبو راح يخطب . علاش جيت راح نقولو . جيت راح نقولو بلي نحبو و هو راح يخطب.  علاش كل مانحب واحد يصرالي هكا .
كانت تبكي و تحكي وحدها كي المهبولة و هي تبكي عيطولها فالتيليفون .كانت السكرتيرة ديالها.
-صوفيا : الو .
- السكرتيرة: مدموزال . لازم نروحو لطاليان . صرالنا بروبلام في لرض .
- صوفيا : اما بروبلام ؟ ياك فريفينا كلشي ؟ واش صرا ؟
- السكرتيرة: لقاو لادروغ فلرض .
- صوفيا: كيفاش ؟ وقتاش لقاوها ؟
- السكرتيرة: لقاوها البارح. 
- صوفيا: اوكي وجدي روحك . دوك شويا نجوز ليك تديك و نروحو .
- السكرتيرة: اوكي .
دوك نفهمكم صوفيا تخدم عندها شركة تاع ترجمة و شركة تاع تصميم ( تصميم إعلانات و منا ) مي محبتش تبين شكون هيا . واحد مايعرف ادا طفلة و لا طفل من غير السكرتيرة ديالها الجديدة و القديمة . و تخدم من بعيد برك .
ناضت صوفيا راحت لبست هكا 👇👇

وراحت عاودت المكياج خفيف و طمت شعرها طوماطيشة مخبلة و رفدت فاليزة و حطت فيها شويا لبسة . عيطت للشوفور و لكابتن تاع الطيارة .
- صوفيا: الو كابتن وجد الطيارة دوك شويا نروحو لطاليان .
- الكابتن: اوكي مدموزال .
كوبات و حبطت راحت لدار السكرتيرة ديالها اسمها منال عيطتلها حبطت راحو ركبو . و بداو يحكو في هاد البروبلام .
اما عند لافامي . كملت الحفلة راحو لدار راحت سارة و مايا لشومبرة تاع صوفيا . طبطبو مي مفتح حتى واحد دخلت سارة لقات كلشي ظلمة شعلت ضو لقات صوفيا مكاش . عيطتلها مايا مهيش تريبوندي . عيطت سارة  كيف كيف . راحت سارة لشومبرة تاع سامي . دخلت فتحت الباب عليه كان متكسل فوق البونك . غير دخلت تنفض.
- سامي : سارة وشبيك ؟
- سارة : سامي عيط لصوفيا تعيش . مكاشها و رانا نعيطولها والو
- سامي : علاش واش صرا ؟
- مايا : مقبيل جات ليا قاتلي عيطيلي بالماسكي و هي تدير روحها شغول تخلعت و تروح لدار .
- سامي : يسمى نتي لي عيطتيلها.
- مايا: ايه انا . و كي سقسيتها علاش قاتلي كي تخلاص الحفلة ارواحي مع سارة نحكيلكم و دوك كي رحنا مكاشها و ماهيش تريبوندي .
ناض سامي بدا يعيط لها و هي والو . راحو عند أمير كيف كيف.
- أمير : بلاك كاش مصرالها . شوفو جات لدار هي و لالا .
- سامي : معمباليش .
- سارة : انا نروح نسقسي الشوفور مع سامي و ماياو أمير روحو شوفو الكاميرات . صحا .
- مايا: ايه .
راحو سقسا سامي الشوفور .
- سامي : عمو . صوفيا جات لدار .
- الشوفور: ايه . وصلتها لدار منبعد كاش ساعة و نص عيطتلي باش نديها للمطار .
- سامي: علاش راحت للمطار ؟ صحا عمو
- الشوفور: بلا مزية .
و عند مايا  و أمير شافو لكاميرات لقاو صوفيا خارجة من الدار و رافدة فاليزتها و خارجة .
- مايا : وين راهي رايحة ؟
- أمير : معمباليش ختي . عيطي لسارة سقسيها واش صرا ؟
- مايا 😤: منيش ختك .
و راحت عيطت لسارة قالتلها بلي راحت للمطار .
- مايا : أمير صوفيا راحت للمطار .
- أمير : اوكي دوك نعيط للكابتن نسقسيه ادا داها .
عيطلو كاش 5 خطرات ماهوش يريبوندي .
- مايا : يكونو راحو
- سارة : وي علابيها ماهيش تريبوندي . استناو شوية و نعاودو نعيطولها .
- أمير : وي .
راحو يقعدو حتى وين نطق أمير .
- أمير : ختي علاش قاتلك صوفيا عيطيلي بالماسكي ؟
- مايا : مانيش ختك . إفهم . وقتاش رجعتني ختك .
- أمير : سيبون . سكت . قوليلي علاش ؟
- مايا : معمباليش مام كي سقسيتها مقاتليش just قاتلي منبعد ارواحي مع سارة نحكيلكم. 
و هوما يحكو شافهم جاد مالفوق حبط .
🎬🎬🎬🎬🎬🎬🎬🎬🎬🎬🎬🎬🎬🎬🎬  راني كتبت هاد البارت قبل الفطور . و سمحولي كي راني نطول عليكم . و بالاك نطول بزاف هاد اليامات بسك الفروض و منا و منلقاش الوقت . المهم صحا فطوركم و نحبكم ❤️❤️❤️🙏