أنت لي (باللهجة الجزائرية)

💓💓

- جاد: كيفاش هادي؟
- صوفيا: كيما راك تشوف .
- جاد: يسما نتي هيا العبد المجهول لي الناس كومبلي يحوسو يعرفو شكون هوا؟
- صوفيا؛ ايه . انا هيا .
- جاد : كيفاش قدرتي ديري ڨاع هادو فهاد العمر ؟
- صوفيا: هيا فالحق كنت نروح مع بابا لشركة نخدم. رفدت من عندو . منبعد قريت شويا و حضرت ندوات و مؤتمرات . عرفت كيفاش تمشي الخدمة . دخلت فهاد الدومان . و زيد بابا وقف معايا في كل خطوة . جامي مخلاني وحدي . مام سامي و أمير و ماما . كل عفسة نديرها معايا علابيها شغول دخلت نورمال .
- جاد : راني فرحان بيك. 
- صوفيا: اخخخ جاد متحشمنيش .
- جاد : يا جدك اما حشمة ؟ صوفيا راني فخور بيك و فرحان بيك . و الله . مغلطش قلبي كي حبك نتي .
- صوفيا: يعني مراكش زعفان و لا هكا ؟
- جاد  : معندي علاش نزعف . حياتك و نتي حرة فيها. انا لي عليا دوك انو نوقف معاك مادام عرفت الصح و راح تكوني مرتي لي عليا نوقف معاك في كل خطوة ديريها . و نكون معاك هدا مكان.
- صوفيا: اووف . حمد الله .
- جاد : صوفيا ادا مراكيش قابلة نتزوجو قوليلي؟
- صوفيا: اووف جاد . قتلك ايه خلاص . مادام نتا فرحان و لافامي فرحانة و قابلين . نورمال .
- جاد. : اوكي . مال انا نقول لجدو بلي قبلتي .
- صوفيا: ايه .و
- جاد : و ؟
- صوفيا: نشاء الله منزيدش نشوف البيلا و خواتها ؟
- جاد : مزالكي فحكاية بيلا . قتلك بلي معندي ماندير بيها . هيا كانت غلطة في حياتي. كي عرفتك نتي باش عرفت بلي مكنتش نحبها . كان مجرد إعجاب. كي عرفتك نتي عرفت معنى الحب و العشق . عرفت معنى انك تعيش باش تشوف الطفلة لي تحبها فرحانة . معنى انك كي تفرح هيا نتا تفرح معاها . تبكي تسكتها . توقف معاها . تفهمها . فهمت بلي نتي كلشي في حياتي . قبل ما تكوني مرتي راح تكوني بنتي و ختي و صحبتي و يما و مرتي . اوكي ❤️❤️
- صوفيا: فمك يقطر لعسل منو .
- جاد  بخبث: ارواحي نعسلك معايا شويا . واش رايك ؟
- صوفيا: اخخخ جاد .اتربى شويا .
- جاد: علاش نتي تخلي البنادم يتوب. ؟
- صوفيا: خلاص جاد . زيد حبيت نحكي معاك في عفسة .
- جاد : وشنوها؟
- صوفيا: احلف بلي مراحش تزعف؟
- جاد: مادام قلتي هكا يسمى باينة نتقلق و نزعف و كلشي
- صوفيا: هيا جاد تعيش .
- جاد : اوكي . احكي واش كاين ؟
- صوفيا: لازم نروح ليوم لدبي 🥺
- جاد؛ و تقولي متزعفش. من حقي نولي غول با بنتي ؟ كيفاش تروحي لدبي ! علاش؟!
- صوفيا: صرا بروبلام فالخدمة علابيها.
- جاد : و هدا وين تقوليلي؟
- صوفيا: البارح فليل عرفت . و الله . هيا جاد و الله كاش يومين و نولي .
- جاد : نروح معاك .
- صوفيا: كيفاش؟ و خدمتك ؟
- جاد : نورمال. الخدمة تتأجل .
- صوفيا: اوكي . دونك نوض وجد روحك باش نروحو .
- جاد : اوكي .
خرج جاد من الشومبرة و هيا راحت طمت قشها و الورق لي تسحقهم . عيطت لمنال لقاتها تلبس.  رفدت كابتها و حبطت لتحت.  ستنات شويا و جا جاد رافد فاليزة و كان لابس سروال جين كحل و تريكو كحل بالشابو ديالو و باسكات كحلة و فاست كحلة . ( كحلها على روحو السيد )
- صوفيا: هيا نروحو .
- جاد : هايا .
و مدلها يدو . دخلت صوابعها في صوابعو و عجبها واش راهي تحس بيه دوك . يعني يدو كبيرة و يدها صغيرة . ايماجيني الاحساس ديالك ( و الله حابة نسيي هاد الهدة تاع اليد . و الله 😅😭) ركبو فالطونوبيل . راحو عند منال رفدوها و منال كانت مشوكية . باسك مكانتش دايرة في بالها بلي جاد راح يجي . اما جاد كان مشوكي تان . عمبالو راح يقعد وحدو مع صوفيا . مي خرجتلو منال . راحو الخطط تاعو فالماء . بعد وقت لحقو للمطار . دخلو لطيارة . شويا و قلعت ( طيارة خاصة ) . راحو لدبي . اليوم اللول كانت دايراتو صوفيا تاع خدمة برك . تخدم و جاد قاعد معاها 24 ساعة . و اليوم الثاني تحواس .
🎬🎬🎬🎬🎬🎬🎬🎬🎬🎬🎬🎬🎬🎬🎬 هلاو البنات . هاو آر يو؟ آم فاين اند يو ؟
المفيد الكرونيك ديالنا راهو يقرب للنهاية ديالو . و الله غير غاضني . و زيد غاضتني روحي كيفاش راني نكتبلكم فالرومانسية و انا جامي مسمعت واحد قالي نحبك 😭 يالوكان بلكذب . مي معليش. خلي نشكيو همنا لربي 😭 . راني نحرش برك مخصنيش مشاكل تاع راس   .
راهي قريبة نهاية. تاع الكرونيك و انا منعرفش ندير هادوك العفايس تاع العرس . راكم فاهمين . دونك ادا شفتوني نخلط فالعرس و منا تعيشو متحكوش . 😭😭😅🥺 .
نحبكممممم بزاففففف ❤️❤️🙏
شويا دعم خاوتي . 💋💋💋❣️