أنت لي (باللهجة الجزائرية)

❣️❣️

راحت صوفيا و جاد يشرو و هي كل ما توريلو وحدة يقوللها لالا . قصيرة . عريانة مالرجل . عريانة من الصدر . بمعنى الكلمة هبل جدها.  بعد ما شرات روبة برضاية سي جاد و شرا هو كوستيم . راحو لصالة شافو واش راهم دايرين فيها . كان كلشي مريڨل . ريحو شوية و راحو لدار  كانت 4 . طلعت لشومبرتها دوشت ساعة و هي فدوش منبعد دارت مكياج و خرجت بسربيتة راحت رفدت روبة جاد و خزرت فيها و تفكرت جاد . قعدت غايسة فالروبة كاش 5 دقائق و فطنت . راحت نشفت روحها و منا للهيك . و لبست الروبة . جايا هكا 👇👇

لبستها شافت روحها عجبتها . مالڨري الروبة جايا سامبل مي جات عليها تهبل.  راحت دارت الريحة و خرجت من الشومبرة . دخلت لسامي لقاتو مكاش ولات خرجت . دخلت لامير لقاتو كيف كيف مكاش . دخلت لشومبرة نيسا لقات امير واقف يسيي يمشطلها في شعرها . دخلت عندهم و بسمة خفيفة على وجها بسك عجبها المنظر هذاك . راحت وقفت قدامو و قاتلو .
- صوفيا: خلي دوك انا نديرلها شعرها .
بعد أمير  على نيسا و خلا صوفيا ديرلها شعرها . كان سكات شويا حتى وين نطق أمير .
- أمير : توحشتها .
- صوفيا: مام انا توحشتها .
- أمير : كنت نحبها بزاف جامي مدرت في راسي بلي تروح و تخليني .
- صوفيا: أمير هادا قضاء و قدر . فاليريا ( واقيل هدا اسمها ؟؟) ماتت . مكانش عندها خيار . تجيب نيسا و لا تموت و هيا ضحات بروحها علاجال بنتها . ضحات بروحها باش تعيش بنتها .
- أمير : عمبالي صوفيا . جامي مكنت متوقع بلي راح نعاود نحب من موراها. 
- صوفيا و هي ترفد في نيسا : كيفاش تحب ؟ شكون هي ؟
- أمير : بلا مانحكي . تعرفيها .
- صوفيا: أخاه متقوليش مايا ؟ 😳
- أمير : ايه هيا . معرفتش وقتاش و لا كيفاش حبيتها . جات دخلت لحياتي بين ليلة و نهار قلبتلي كلشي . هيا منقولكش بلي حبيتها من اول نظرة بصح كي عرفتها حبيتها .
- دنات ليه صوفيا و هي مزالها رافدة نيسا: قلتلها؟
- أمير : لالا مزال .
- صوفيا: علاش ؟
-امير : بسك معنديش بزاف ملي عرفتها و زيد لوكان متكونش تحبني . و خايف لوكان تروح و تخليني .
- صوفيا: الطفلة قالبتلي راسي بيك و نتا تقولي متحبكش .
- أمير : احلفي .
- صوفيا: ايواه نزيد نحلف.  والله غير تحبك و فليل نعاود نسقيسها و نقولك . و زيد علاه تروح و تخليك ؟
- أمير : بسك كنت مزوج و عندي طفلة . و لا تموت و لا معمباليش .
- حكمت صوفيا وجه أمير بيد وحدة : أمير خويا نقولها و نعاودها الطفلة تحبك و راهي قابلة بيك كيما راك و مام نيسا تحبها و هنا ڨاع يحبوها و زيد منقولكش مراحش تموت و لا مي مديرش الحكاية في راسك و عيش مدامكم حيين صحا خويا . روحو عيشو حياتكم.  اتمتعو بيها .
عنق أمير صوفيا بيد و باسها من راسها و قالها : نحبك ختيتو ❤️
- صوفيا: مام انا ❣️. 
رفد نيسا من عندها و جا خارج و قبل ميخرج قالتلو : قوللها أمير و مراحش تندم .
خزر فيها أمير و خرج . زادت دقائق داخل و خرجت راحت لسارة لقاتها مكاش . راحت وقفت قدام شومبرة جاد و طبطبت . سمعاتو كي قال ادخل.  دخلت لشومبرة  بعدما غلقت الباب و قاعدة تشوف فيها مليح بسك المرة لولة لي تدخل لشومبرتو .  شافتو واقف قدام المراية يدير فالكرافاطة راحت وقفت قدامو و بدات ديرهالو .
- جاد : راكي مليحة؟
- صوفيا: وي . و نتا ؟
- جاد : انتيك . راهي تهبلي صوفيا ❤️
- صوفيا: مام نتا راك تڨعر جاد ❣️. 
- جاد.: عمبالي. 
دورت عينيها و بعدت عليه بعدما كملت الكرافاطة . قعدت فوق البونك ديالو . سكتت شويا منبعد قاتلو .
- صوفيا: تحبني ؟
خزر فيها جاد بخلعة بسك مكانش متوقع تسقسيه هاد السؤال . راح قعد على ليجونو و حط يدو على يدها لي كانت فوق ركبتها و قاللها و هو يخزر في عينيها .
- جاد : نموت عليك ❣️
- صوفيا: لوكان نموت تحب من مورايا ؟
سكت جاد شويا منبعد قال .
- جاد : لالا منحبش. 
- صوفيا: علاش ؟
- جاد : بسك قلبي ملكاتو وحد الحمارة راهي تسقسي فيا دوك ادا نحبها و لالا و هي معمبالهاش بلي نحبها و نموت عليها . معمبالهاش بلي من اللول كنت عايش علاجال يما و ختي برك . و درك راني عايش علاجالها هيا . معمبالهاش بلي حياتي من اللول كانت سامطة و دوك ولات حلوة ( الحياة فيها بنة 😑😑) بسك ولات هيا فيها . معمبالهاش بلي هيا دنيتي و ڨلبي و كلشي . لوكان منشوفهاش صباح ميكملش نهاري و يجوز كحل عليا . صوفيا عينيا لوكان تموتي نتي انا نموت . خلاص صوفيا سكنتيلي في حياتي في دمي في ڨلبي في راسي . وليتي نتي حياتي اوكي . و دوك يالبقرة نزيد نسمعك تحكي على الموت تشوفي . و الدموع هادو علاه ؟
- صوفيا بضحكة خفيفة : معمباليش . ودوك أيا نروحو .
- جاد : وي . أيا نروحو .
وقف هو و وقفت هيا موراه.  راحو وقفو قدام الباب حتى وين حبساتو صوفيا حكمت وجه جاد بين يديها و باستو ثواني و استوعب جاد واش راهو صاري بدا يبادل فيها . 5 دقائق باش حبسو.  . خزرت فيه صوفيا و قالت .
- صوفيا:حلوين 💋 . .( كانت تحكي على شواربو)
- جاد : مام نتي حلوين. 
- صوفيا: اممم . هيا نروحو. 
خرجو كيف كيف راحت صوفيا مع جاد . لحقو دخلو لقاو الضيوف بداو يجو و لافامي ديالها كانت ڨاع تماك . شافت مايا راحت ليها .
- صوفيا: مايا .
- مايا: صوفيا CV ?
- صوفيا: وي و نتي ؟
- مايا : مقلقة.
- صوفيا : علاش؟
- مايا : كنت قاعدة جا ليا خوك قالي ادا نقدرو نحكو منبعد .
- صوفيا: اييه؟؟
- مايا: قتلو ايه . و دوك راني حابا نعرف واش راه نحكو .
- صوفيا: اتحكمي في روحك يا زح . نسقسيك ؟
- مايا: وي
- صوفيا: تحبي جاد ؟
- مايا : دوك هادي خدرة باينة نحبو . نموت عليه . مي هو ..
- صوفيا: امممم اوكي . شوفي عينيا متتقلقيش. شويا و احكو و اسمعي واش راح يقولك اوكي . انا نروح عند جدو. 
راحت صوفيا عند جدها . سلمت عليه. 
- الجد : جات شابة الحفلة .
- صوفيا: عمبالي
و بقات تحكي صوفيا مع جدها  . و جاد راح باش يحكي مع كريم .
- جاد : عمي معليش نحكو؟
- كريم : وي باينة وليدي .
- جاد : حبيت نقولك عفسة مي راني حاشم
- كريم : متحشمش راني كي باباك .
- جاد : حاب نخطب بنتك .
- كريم : صوفيا ؟
- جاد : ايه صوفيا .
- كريم : من جيهتي راني قابل وليدي مي الراي راي الطفلة .
- جاد : اوكي . عمي والله متندم .
- كريم : عمبالي راجل. 
و بقاو يحكو .
اما أمير راح دا مايا لجاردان باش يحكو . وقفو مقابلين بعضاهم . أمير يخزر في عينيها و هي في كل عفسة من غير وجهو .
- مايا: أمير واش كاين ؟
- أمير : نحكيو .
- مايا : ايه احكي. 
- أمير : نحبك
- مايا 😳 : كيفاش !
- أمير : نحبك . معمباليش وقتاش و لا كيفاش.  مي حبيتك.  حبيت كل تصرفاتك.  كي تكوني تحكي معايا و متشوفيش فيا . كي نقولك ختي و تقوليلي منيش ختك . حبيتك كي حبيتي نيسا . مايا و الله نحبك و نعشقك. . ادا قبلتي بيا و الله غير نديرك فوق راسي . قوليلي ايه و مراحش تندمي .
- مايا : ايه .
حكمها عنقها و هي مزالها مخلوعة . و هو يتبسم . بعدها عليه حكم وجها بيديه و خزر في عينيها و قالها. 
- أمير: مراحش تندمي والله ❤️ .
- مايا : أمير
- أمير: اممم
- مايا : ..ن.حبك .
- أمير : مام انا. 
🎬🎬🎬🎬🎬🎬🎬🎬🎬🎬🎬🎬🎬🎬🎬🎬 هاي بنات .
تقدرو تسبوني . عمبالي بلي درت روطار كبير مي والله غير كنت مريضة يعني مزالني مريضة.  حكمني ميكروب جديد . راني نعاني .
المفيد اسمحولي على الروطار . و نشاء الله يعجبكم البارت .
حبكممم ❣️❣️ .
و هادي بوسة للبنات لي. راهم يفوتيو و يكومونتيو ربي يخليكم ليا البنات و يخليني ليكم 💋💋💋💋
و هادوك لي يقراو و ما يفوتيو مالوا مراكم خايرين والو كي تعبزو في هاديك النجمة
باي ❣️