طفلة كانت عايشة في نيويورك من صغرها مع عايلتها بين ليلة و ليلة تبدلت حياتها و راحت تعيش في الجزائر و هنا تبدا الحكاية.
- ممنوع نقل الرواية بدون إذن 🙏❤️
ناضت صوفيا صباح على صوت الرافاي مدڨدڨة و كلشي يوجع فيها شغول ليل كومبلي و هي تتضرب . و حاسة روحها سخونة دارت يدها في جبهتها لقات روحها بالحمى . دخلت لدوش خزرت في روحها صفرا و ليساغن في وجها عيانة تبان مريضة . غسلت وجها و دارت مكياج خفيف باش متبانش مريضة و راحت لبست هكا 👇👇
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
و رفدت ساكها حطت فيه البيسي و الشارجور و روجيستر و تيليفون و مفاتح و حبطت لقاتهم كومبلي متجمعين خزرت ديراكت في جاد لقاتو يخزر فيها دورت عينيها و راحت قعدت .. كلات كاش 2 مغارف و شربت شويا جي و ناضت . - صوفيا: بصحتكم . - سهام: صوفيا راكي مريضة ؟ - صوفيا: لالا ماما راني مليحة . أيا انا نخليكم و سامي متنساش تديني نشري. - سامي: ماما بنتك راهي مليحة كي جبدت على اللبسة راهي هايلة . راحت صوفيا و خلاتهم يحكو وحدهم . ركبت في الطونوبيل و بدات تسوق ... راحت لافاك غير بلعقل بسك راهي مريضة . دخلت تلاقات مع مايا حكاو شوية برك . على 3 جا سامي للافاك باش يدي صوفيا . على 5 دخلت لدار و سمعت العياط و التزغريت . - صوفيا: واش راهو صاري ؟ - سامي : علمي علمك . راحو لقات جاد لابس كوستيم كحل و باسكات بيضة كان زل بمعنى الكلمة و يماه تزغرت و تقولو الله يبارك وليدي كبر و راح يتزوج . صوفيا حست قلبها راهو يوجع بزاف و الدوخة حكمتها . طلعت تجري لشومبرتها غلقت الباب بالمفتاح و دخلت شربت دواها كاش 5 دقائق بدا المفعول ديالو. راحت دوشت و دارت ماكياج و لبست هكا 👇👇
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
و رفدت ساكها و حبطت لقاتهم قاعدين فالصالون يستناو في جدهم. شويا و حبط . كانت 7 . - الجد : باش نتفاهمو دوك . كل واحد يروح مع واحد . لازم يكونو زوج و لا كثر فالطونوبيل . - سامي : صوفيا و أمير و نيسا . أيا نروحو. دخلت صوفيا الطونوبيل و حطت نيسا في حجرها . - سامي : صوفيا وشبيك ؟ مراكيش مليحة ليوم . محبيتش برك نحكي قدام ماما و بابا باش ميتقلقوش. - صوفيا: شويا حمى. هدا مكان . - أمير : سامي قيسلها الحمى . حط سامي يدو فوق جبهة صوفيا لقاها تزلط . - سامي : صوفيا هبلتي راكي تفوري . هادي و تقوليلي شويا حمى . أمير بدل الطريق ادينا لسبيطار . - دور أمير الطونوبيل و راح لسبيطار . لحقو حبط سامي راح جيهة صوفيا رفد نيسا و أمير قاس لصوفيا الحمى لقات تغلي . حكمها مليح باسك كانت راح طيح و دخلو لسبيطار. عيطلو لطبيب . كان أمير داخل مع صوفيا مع الطبيب و سامي قاعد فالكولوار .حتى وين عيطتلو سارة. - سارة : سامي وين راكم ؟ ڨاع لحقو غير نتوما ؟ - سامي : سارة متستناوناش. رايحين نطولو . - سارة: علاش؟ - سامي : صوفيا راهي عيانة شوية جبناها لسبيطار . - سارة : راهي مليحة دوك ؟ واش عندها ؟ - سامي: عندها الحمى و قوية بزاف . سارة متقوليش لماما و بابا. قوليلهم بلي مرضت نيسا اوكي و لا حبست الطونوبيل . - سارة: اوكي . متنساش تعيطلي . نحبك تبسم سامي : مام انا نحبك ❣️. و كوبا شويا و خرج أمير حاكم صوفيا . راح سامي ليهم - سامي : واش قالك الطبيب ؟ - أمير : والو جيست حمى مي كانت قوية . دوك نروحو لدار . - صوفيا: لالا منروحوش لدار . نروحو نحضرو الخطبة. - أمير : امشي قدامي لدار . - صوفيا: أمير لالا نروحو نحضرو الخطبة .🥺 خمم أمير شويا و قاللها اوكي . دخلو للصالة أمير راقد نيسا و سامي حاكم صوفيا راحو لباباهم. - كريم: وين كنتو طولتو ؟ - سامي : مقلتلكمش سارة. - سهام: واش تقولنا ؟ - أمير : بلي راح نطولو باسك كانت لاسيغكيلاسيون في الطريق. - كريم : اوكي . راحت صوفيا عند مايا و سارة و بداو يحكو . كانو يحكو حتى وين شافو الجد واقف و يحكي . - الجد: اليوم هو اليوم لي راح يكمل واحد من ولاد ولادي حياتو و يكمل نص دينو . جاد وليدي راني فرحان بيك و بلا بلا . كي كمل عيط لجاد قالو باش يديرلها الخاتم . راحت صوفيا وقفت مع اللور باش ميشوفوش دموعها . - جا يحكي : نضت صباح كاره و عيان بسك ليوم راح نخطب وحدة منحبهاش . راني دايها سكارة في صوفيا . لبست و حبطت شفت صوفيا مكلاتش بزاف كانت باينة عيانة . شويا و خرجت زدت خرجت انا موراها رحت نخدم و شفت هديك لي تتسمى خطيبتي بدات تحكي و تتعوق وحدها خزرت فيها و قتلها رانا في الخدمة و ماشي كي راح تولي خطيبتي نخليك ديري واش تحبي الخدمة خدمة . و رحت وخليتها وحدها . خدمت حتى للثلاثة رحت لدار دخلت دوشت و سقمت روحي على الربعة و نص حبطت قعدت مع يما و بدات تزغرت شفت صوفيا كانت تبان عيانة ڨراف و زيد شفت الدموع لي في عينيها راحت طلعت لشومبرتها تجري . فليل شفتها كانت شابة . كي جيت راح ندير الخاتم حوست عليها بعينيا لقيتها ملور خزرت في عينيها و هي خزرت فيا و ركبت الخاتم لكاميليا . فهديك دقيقة شفت الدموع كيفاش هبطو . لوكان يشوفها كاش واحد يقول تحبني و تموت عليا . خرجت تجري . معمباليش وين راحت . زدنا شويا بقينا نحكو كيف كيف حتى وين سقسا أمير سامي . - أمير : سامي وين راهي صوفيا؟ - سامي : كانت هنا . كي بلاصاو الخاتم . - أمير : عيطلها . عيط سامي لصوفيا الدوزيام باش ريبوندات . حكا معاها و كوبا . - أمير : واش قاتلك ؟ - سامي : قاتلي بلي عييت بزاف و رحت لدار . - انا: باش راحت ياك جيتو ڨاع كيف كيف ؟ - سامي : طونوبيل تاع اسامة . و قاتلي هو يروح معاكم. - انا : وشبيها؟ - أمير : والو . راهي عيانة برك . درت روحي آمنت و سكت . 🎬🎬🎬🎬🎬🎬🎬🎬🎬🎬🎬🎬🎬🎬🎬🎬 سلام البنات . كيفاش راكم ؟ انا نقولو حمدالله راني مع الفروض و تعرفو الحالة تاع العباد لي يقراو فلسفة راني نعاني . وكيلو ربي هاداك ديكارت و خوه و منا . المفيد نحبكم بزاففففف . عمبالي بلي مام نتوما تحبوني. آخخ المفيد صحا فطوركم 🌺❣️ . و نسيي فليل نحطلكم بارت ❤️❤️