✧ အချစ်...ဦး ✧
✧Part(22)✧
မြန်မာစံတော်ချိန် ည(၈)နာရီ...
သာမန်လူတန်းစားတို့နေရာ ရပ်ကွက်တစ်ခု၌ မိန်းမငယ်လေးတစ်ယောက်သည် ရုပ်ဖျက်ပြီး ရှေ့ကြည့်နောက်ကြည့်ကြည့်ကာ လာနေ၏။ ထိုစဉ် သူမရှေ့မှ လူတစ်ယောက်ထွက်ပေါ်လာသည်။
"မနှင်းဆီနီနီ!..."
"လူမှားနေတယ် "
ထိုမိန်းကလေးသည် မျက်စိမျက်နှာပျက်စွာငြင်းပယ်ပြီး ထွက်ခွါဖို့ပြင်သည်။ သို့သော် ထိုလူက လက်ကိုလှမ်းဆွဲကာ ထွက်သွားခွင့်မပြု။ ထိုလူသည် လျှံမင်းဝေဖြစ်လေသည်။
"ကျွန်တော်က ခင်ဗျားကိုရန်ပြုမဲ့သူမဟုတ်ပါဘူး ကျွန်တော်နဲ့ခဏလောက်လိုက်ခဲ့မလား ကျွန်တော့်နာမည်က လျှံမင်းဝေပါ...တီမြတ်လေးနွေရဲ့တူ!..."
နီနီတစ်ခဏတွေဝေသွားသည်။ သူ့ကို သူမသိသည်။ မြတ်ရဲ့တူ။ ထက်ထက်ရဲ့ဘေးမှာ မကြာခဏမြင်ဖူးတယ်။
"သွားရအောင် ခင်ဗျားကိုရှာနေတဲ့သူတွေကသိပ်များတယ် "
လျှံက ငြိမ်သွားသည့် တီမြတ်သူငယ်ချင်းဆိုသူကို ခေါ်ခဲ့တော့၏။
"အခု ငါ့အိမ်ကိုပဲသွားရအောင် "
"ဟုတ်ကဲ့ အခု ခင်ဗျားရဲ့အိမ်ကိုသွားနေတာပါ..."
လျှံကထိုသို့ဆိုလျှင်...
"မင်းက ငါ့အိမ်ကိုသိတယ် "
"ခင်ဗျားအိမ်ကိုမသိဘူး ခရမ်းရောင်အိမ်ကိုပဲသိတာ "
"ခရမ်းရဲ့သူငယ်ချင်းလား "
"ဆိုပါတော့ "
သူမဘာမှမမေးလာတော့ လျှံလည်းတိတ်နေလိုက်၏။ မကြာသေးခင်က ထက်ထက်ကသူ့ကိုအကူအညီတောင်းခဲ့သည်။ နှင်းဆီနီနီအကြောင်းသိချင်တယ်ဟုဆိုကာ ဓာတ်ပုံကြီးထိုးပေးလာ၏။ ဦးခွန်းလိုအင်အားကြီးတဲ့သူတောင် ရှာမတွေ့နိုင်လောက်သည်အထိ အပုန်းကောင်းသည့် နှင်းဆီနီနီအကြောင်းကိုသူ,မသိနိုင်။ စုံစမ်းတာကလည်း မယ်မယ်မယ်ရရသိလာတာမဟုတ်။ တီမြတ်ကိုအတင်းမေးပြီး သတင်းနှိုက်ရတာ။
ကံကောင်းချင်တော့ တစ်နေ့က ခရမ်းရောင်နဲ့တွေ့ဖြစ်သည်။ အရင်တစ်ခါကိစ္စအတွက် တောင်းပန်သင့်သည်ထင်၍ ခရမ်းရောင်အလုပ်လုပ်တဲ့နေရာထိသွားကာ လိပ်စာတောင်းပြီးလိုက်ခဲ့ရာမှ ရှာတွေ့ခြင်းဖြစ်သည်။
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...
