BGS #1: Secretly In a Relationship with a Gangster (Book 1 of 3)

Kabanata 13

[Yuka]

Kausap na ngayon ni Daryl 'yung mga pulis, security guard ng village, at pati 'yung mga officers nitong subdivision namin. Apat ang members ng akyat-bahay gang na nahuli niya pagdating. Sobrang surprised nga sina kuya pagdating ni Daryl dahil akala pala ng mga ito ay walang tao rito sa bahay kasi ang alam daw nila ay nagbakasyon sa ibang bansa 'yung mga nakatira.

Pati mga magnanakaw hindi na 'ko kinikilalang isa sa mga nakatira rito. Huhu.

Habang busy si Hubby sa mga kausap, umatras ako ng dahan-dahan para lapitan 'yung apat na nakabuhol ng sama-sama. Kasi naman si Daryl sinabi ko nang one by one niya nang ibuhol kaso nagtitipid yata siya sa panali. Tinignan pa nga niya 'ko ng masama kanina eh nag-sa-suggest lang naman ako! Naawa tuloy ako ng kaunti kina kuya pagkakita ko sa mga mukha ng mga ito na puro sapak at bungal na ngipin. Pero hindi naman si Daryl ang bumungal sa kanila. Natural lang talagang bungal silang apat.

"Matagal niyo na po bang trabaho ang pagiging akyat-bahay member?" tanong ko at nag-squat ako ng upo sa harapan nila. Nagkatinginan muna silang apat bago nag-decide kung sino ang sasagot sa tanong ko. Malamang ito siguro ang kanilang spokesperson.

"Medyo matagal na."

"Ah. Kelan po kayo nag-start? Marami na po ba kayong naakyat na mga bahay?" curious kong tanong.

"Marami-rami na rin."

"Wow. Ano na 'yung pinakamataas niyo pong naakyat? Noong nag-start po ba kayo sa work niyong 'yan, sanay na talaga kayo sa mga matataas? Kasi 'di ba po mahirap naman 'yung akyat-bahay ka tapos may fear of heights ka?"

Salubong ang mga kilay nitong tumingin sa 'kin sabay siniko 'yung katabi niya. Ah baka gusto nito ay salitan sila sa pagsagot? Sabagay, para fair nga naman. Nakangiti kong tinignan 'yung pangalawang speaker. Tapos ayun medyo naging close na kaming lima kaya ikinuwento nila sa 'kin ang dahilan nila kung bakit nila ginagawa ito kahit alam nilang mali.

"What are you doing?" Mabilis na napalingon ako kay Daryl sa likuran ko at agad akong tumayo. "Why the fuck are you crying? May masakit ba sa 'yo? Did they hurt you?!" Hinawakan niya 'ko sa braso at ininspeksyon kung may sugat ako.

"Hindi nila 'ko sinaktan, ano ka ba! Ni hindi na nga sila makagalaw sa ginawa mong pagkatali, paano nila 'ko masasaktan?"

"Then why the hell are you crying?"

"Kasi naman, eh..." Pinunasan ko ang mga sumunod pang luha na tumulo sa mga mata ko. "Kawawa sila, Hubby. Alam mo bang may cancer ang nanay ni Nelson?"

"Who the fuck is that Nelson?"

"Siya." Tinuro ko sa kanya si Nelson. "Tapos siya naman si Dino, 'yun si Ben, at si Douglas. Magkakapatid silang apat pero iba-iba 'yung nanay nila." Isinalaysay ko kay Daryl 'yung mga napagkwentuhan namin at pinakiusapan ko siyang 'wag na ring ituloy 'yong kaso na plano niyang isampa. Medyo matagal bago ko siya nakumbinsi, pero sa huli ay pumayag rin siyang bigyan ng pangkabuhayan package 'yung apat na nangakong magbabagong-buhay na after nilang lumabas sa kulungan next week.

Pagkaalis nilang lahat ay agad na tumakbo ako papuntang kusina.

"Hay buti naman kumpleto pa rin ang mga kaserola namin." Nakahinga ako ng maluwag bago ko binalikan si Daryl na nasa likuran ko na pala at mukha na namang pinaglihi sa sama ng panahon ang itsura.

"Pack your things."

"Hala bakit?"

"Do you think I'll leave you here alone after what happened? Go get your things and stay with me until your fake family returns." Sinubukan ko pang tumanggi pero ang hirap niyang kalabanin. Ayaw magpatalo!