......................
_______________________
سينجح أحدهما في التجاوز، و الآخر ستكلفه الحياة بأن يروي لنفسه ماحدث في كل يوم ليتأكد أنها النهاية.
لن تتوقف الحياة على أشياء خذلتنا أو أحزنتنا ، فدائماً يعوضنا الله بما هو أفضل ❤️.
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
وصلنه الفندق
نزلت الزفه كلها تركص وتهوس مقابيل الفندق
صعدت اني ورسل وماما ومنى للغرفه جانت غرفه ملكيه تخبل شنو الترتيب والورد
ام رائد : ماما بسومه بعد ما اوصيج شنو يكول زوجج سوي لا تعترضين ولا تراددين ابد واذا يصير عصبي عوفي يبرد وراها تناقشي وياه والحياة الزوجيه بيها يوم حلو ويوم مـر والمره مالها غير بيتها و زوجها
بسمه: حاضر ماما
رسل : يله حبيبتي احنه نترخص
بسمه : رسل لا تعوفيني لوحدي
رسل : ولج عيب لعد ابقه وياج
منى : بسمه حبي انتي جبيره وعاقله وين عايفتج بالصحراء غير يم زوجج
بسمه : بس
رسل : ماكو لا بس ولا شي
بسمه : رسل طلعت ملابس وخلتهم بالحمام داخل الغرفه وراها بوسوني وباركولي وطلعو بس شنو اني متت بجي احس روحي مثل الطفله وضايعه من اهلها بالسوك..............دخل علي اني هنا احس الغرفه بدت اتضلم بس كدرت اقاوم وما اتخربط
علي : الف مبروك بسومه حبيبتي
بسمه : بلكوه احجي الله يبارك بيك
علي : شبيج حبيبتي ليش هيج احسج تعبانه
بسمه : هااا لا ماكو شي زينه
علي : خاف جوعانه ولج وتستحين تكولين
بسمه : اي شويه جوعانه ما اعرف شلون حجيت هيج
علي : يله حبيبتي روحي بدلي وتعاي حته نتعشه
بسمه: من كال هيج احس طير وطلع من القفص
دخلت للحمام بس ورطه ما اكدر افتح البدله
علي : بسمه وينج العشه راح يبرد
بسمه : مو ما اكدر اطلع
علي : افتحي الباب خليني افتهم
بسمه : استغفرالله شكد عيب فتحت الباب...........علي البدله مجاي تنفتح
علي : شو تعاي خليني اشوف
بسمه : كولش استحيت من صار يفتح بالبدله
علي : يله هاي فتحتها بدلي وتعالي تعشي
بسمه : ما توقعت هاي ردت فعله عبالي راح يهتم شويه يتغزل بس هوه عبالك ما يشوف
كملت وطلعت لبست ثوب نوم وفوكه روب
علي : هاي شنو عبالك فراشه يله تعالي اكلي خاف يهبط الضغط مالتج
بسمه : فرحت من كال هيج كملنه عشه بس هوه ابد ولا كلمه شلت العشه وكعدت ع طرف الجربايه
علي: شنو ليش كاعده هناك تعالي يمي
بسمه : رحت نمت يمه وخلصت ليلة العرس كأي متزوجين بس ما توقعت فد يوم اتزوج بهاي الطريقه جنت اتمنه اتزوج عن حب
ثاني يوم
علي : صباح الخير حبيبتي
بسمه : صباح النور
علي : يله كومي حته نتريك من وقت لن اخويه راح يجي ياخذنه
بسمه : ليش مراح نروح لبيتنه
علي : لا اهلي مسوين عزيمه علمودنه
بسمه :كملنه ريوك ولميت غراضنه لبست فستان ابيض بي خط رفيع ذهبي وخليت مكياج ورتبت شالي ونزلنه لكينه اخو علي منتظرنه جوه سلمت بس جان رده كولش مو حلو
سلام: علي شلون قبلت مرتك هيج تطلع
علي : شبيها مرتي
سلام : وانوب ما تدري لعد والعبايه وينها
علي : اني اخذتها من بيت اهلها بدون عبايه ما اريد اغصبها ع شي هيه ما تحبه
بسمه : اسمع حجيهم ولا كلمه گلت بس كولش ضجت من تدخل سلام بحياتنا وعجبني رد علي انو ما ايريد يجبرني ع شي وصلنا لبيتهم بيت كولش جبير جان هوايه ناس عدهم من دخلت سلمت عليهم بس ما اعرف بس منى وهيه تعرفني عليهم كعدت يم خالتي وشوف كل ثنين يحجن ويباوعن عليه صفنت معقوله ملابسي بيهم شي لو اكو شي ثاني صار الغده تعجبت الزلم بوحد والنسوان بوحد ما كدرت اكل لن الناس كلها ما اعرفها
ام رائد : بسمه خاله ليش ما تاكلين
بسمه: لا خاله شبعت
وره ما غسلت ايدي بنص ساعه يله خلصو غده البنات شالو السفره ردت اكوم خالتي ما قبلت كالت بعدج عروس انوب للعصر الناس بدت تروح دخل علي واخوانه وابوه
علي : هااا حبيبتي تعبتي مو
بسمه : اي والله شويه لن اتقيدت ناس ما اعرفهم
سلام : يابه هسه شقررت علي يسكن يمنه لو بالبيت الي هوه ختاره
علي : سلام خويه اني اريد اسكن ابيتي اريحلي
سلام : انته تريد تحرم امك وابوك من شوفتك
علي : لا مو قصة احرمهم بس اني وزوجتي موظفين يعني بيتنا احسن ما اريد مشاكل ودوخة راس على شغل لو غسل اماعين ولا تنضيف ولا غير شي
ابو رائد : اي عمو بسمه انتي شنو رائيج
سلام : بويه واحنه من شوكت ناخذ شور النسوان
ابو رائد : سلام لا تدخل
بسمه : الي يكوله علي هوه الي يصير بكيفه هوه
ابو رائد : بارك الله بيج بنيتي
علي : يله بسمه خلي انروح من رخصتكم
سلام : علي مره ثاني اتمنى زوجتك تلبس عبايه
علي : الله كريم
بسمه : كولش ضايقني سلام بكلامه ونضراته الي
رحنه لبيتنه دخلت غسلت وبدلت لبست تراك وردي
وفتحت شعري ونمت شويه ودخل للغرفه علي
علي : بسمه بسمه شنو نمتي
بسمه : اي والله تعبانه
علي : شكراً على كولشي اليوم سويتي
بسمه : بس شنو هوه الي سويته
علي : ادري كولش زين انتي اليوم تحملتي حجي ونظرات و من جاوبتي ابويه جان جوابج كله تقدير واحترام الي
بسمه : لا علي ما مفروض تشكرني هذا واجبي
علي : لعد اني ليش ختاريتج من دون هاي البنات
بسمه اني عندي الاحترام فوق كولشي
بسمه : علي اكولك شي
علي : اي كولي عادي
بسمه :حسيت اهلك ما حابين وجودي وما قابلين على زواجنا
علي : هاااا لا ماكو شي بس..................
.
...........................................
ВЫ ЧИТАЕТЕ
الحياة على قيد الامل
Чиклитتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
