................
___________________________
واتعلمت گلشي في سبيل آنـساك
بـس افرآك وجهـك ماتعلمته !!
#ايهاب_المالكي❤️
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
دخلت سبحت وماما خلتلي ريوك جاي اكل بجه سراج كمت جاي اشيله من علي ما قبل
علي: كملي اكلج اني راح اساكته
بسمه: لا علي مو جوعانه انومه ورجع اكل........ نومة سراج بالسرير ورجعت اكل اجه اتصال لــ بسام
بسام: الووووو هلو شلونك شخبارك الحمدلله انته شلونك
بسمه : كلها تسولف فه اشرت لــ بسام يروح بغرفتي يكمل مكالمته
ام علي : يمه علي خابرني حسن كال راح نجي العصر
علي : هلا بيهم بكل وقت
بسمه: رحت للمطبخ حته اسوي غده لكيت امي طابخه تمن احمر ومحضره طرشي و زلاطه جاي اغسل مواعين الريوك بجه سراج رحت علي اسمع بسام يكول
بسام : اي الحمدلله ولدت بخير وسلامه اي جابت ولد راح افتح كامره اشوفه الك..... ولك خالو شكد تبجي بس اوكف شويه.......
بسمه : من بسام فتح كامره صار الصوت ينسمع عرفته مصطفى
مصطفى : الله يخلي ويحفظه بسام اكولك بسمه يمك
بسام : وهوه يباوع على بسمه
بسمه : اشرت كوله لا........ بس من نظرة بسام احس عرف اني موجوده
بسام : لا بالمطبخ اكولك هذا الطفل طالع على خاله
مصطفى : ومنو بخير وسلامه هيج حلو رافد لو رائد
بسام : طبعاً اني لعد مو بعينك
مصطفى : لا مو عليك الطفل يشبه بسمه
بسام : لا عليه ما تشوفه حلو وانته زوجتك شوكت تولد
مصطفى : انته هم مصدك نفسك حلو .... بعد 3 اشهر تشرف بنتي
بسام : ان شاءالله تكوم بسلامه
مصطفى : ان شاءالله بسام اذا شفت بسمه كولها الحمدلله على سلامتج يا بت.......... يا بت خالي
بسام : وهوه يباوع على بسمه..... ان شاءالله يوصل
بسمه : ادري شوكت تنسه يا مصطفى مو تعبتني واني اكول نسيت وانتهى الموضوع وبس اسمع صوته يرجع نفس الحب بداخلي ولا عبالك صار سنين ولا ينسى يا بت گلبي هاي الكلمه ترجع بيه نفس الرعشه من اول مره سمعتها منه
بسام : يله ابو الصوف لازم اسده ابويه يصيح عليه من ارجع للبيت اخابرك
مصطفى : اوكي حبيبي وسلملي على الاهل وبوسلي سراج وسلملي على بسمه
بسام : عيب بعد مو بسمه ام سراج
مصطفى : لا لو تجيب 10 اطفال تضل بعيني بسمه
بسام : انته مو محترم هيه كوه
مصطفى: هههههههههه عفت الك الاحترام يله روح لا يجيك خالي
بسمه : وهيه تحجي بگلبها وانته راح تضل بعيني مصطفى نفسك لو مو تتزوج وتكبر لو ينترس راسك شييب
بسمه : راح بسام يجيب سمج شوي واني ضليت بالغرفه بحظني سراج وصافنه دخل علي
علي : هااا حبيبتي شلون صرتي اليوم
بسمه : الحمدلله زينه
علي : يله كومي تغدي
بسمه : علي مو جوعانه قبل شويه اكلت
علي : لازم تاكلين
بسمه : اني اذا جعت اكول
علي : بسمه تعوفيني اكل بس اني وياهم عيب حته لو بس تكعدين يمي
بسمه : اوكي اخلي سراج بسريره واجي وراك
بسمه : طلع علي بس اني كولش ضايجه من نفسي
اني ما استاهل علي يا ربي ساعدني خلي حبه بگلبي خليني احبه علي خوش ولد ويحبني اني ليش هيج صايره گلبي قوي ليش صايره اشبه مصطفى ليش انانيه بسمه طلعي من بالج مصطفى صفحه وانطوت مصطفى خلص من حياتج انتي عندج زوجج وابنج اهم من مشاعر المراهقة........ اني هذا الحجي كوله اعرف وبس اشوفه لو اسمع صوته بعد ما اعرف اتصرف ليش هيج اسوي ليش وليش ما خلص تفكير لحد ما علي صاح
علي : بسمه يله تعالي مدام السمچ حار
بسمه : دعيت رب العالمين يطلعه من گلبي وعدت سراج بعد اي تفكير بهذا الموضوع ماكو انتهى كولشي اريد يضل گلبي وعقلي بس بـــ عائلتي
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
