تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
•◌•◌•◌•◌•◌•◌•◌•★•◌•◌•◌•◌•◌•◌•◌• الكاتبـة فاطمه علي 🦋🦋 •◌•◌•◌•◌•◌•◌•◌•★•◌•◌•◌•◌•◌•◌•◌•
رجعنه للبيت جنت تعبانه رحت سبحت انوب سبح علي نمنه نص اليل حسيت اكو وجع ابطني كمت كعدت بالصاله كلت ارتاح علي : كعدت عطشان اريد مي اباوع بسمه ماكو على الجربايه خفت بيها شي........ هاااا حبي شبيج ليش ما نايمه بسمه : علي بطني توجعني فه ما كدرت انام علي : تعالي نامي ترتاحين احسن من الگعده هنا لن الجو بده يبرد بسمه: رحت نمت بالغرفه بس بعده الوجع ما راح اجه علي خله ايده على بطني جان احس بضربه ..... علي حسيت بالشي الي اني حسيته علي : اي حبيبتي هذا ابني البطل بس حس بابو تحرك فدوه اروحله بسمه : دمعت عيني كولش حساس حلو ...... اسم الله عليك علي الله يحفظك الي علي : بسمه هيج تخافين عليه بسمه : غير زوجي وابو ابني شلون ما اخاف عليك علي : بس بسمه : شنو تقصد علي : صار متزوجين 7 اشهر وخطوبه 4 اشهر ابد ما كلتيلي فد يوم احبك او حبيبي ليش لهسه ما دخلت گلبج بسمه : ما اعرف شنو اكوله ضليت ساكته علي : اني بيه شي ما يعجبج بشنو اني مقصر وياج صح شغلي ماخذ وقتي بس كله لخاطرج وخاطر اطفالنه اريد اكون عائلة تكون مرتاحه وما تحتاجون احد لن انتم امانه يمي بسمه : علي انته ما مقصر وياي بشي الله يحفظك ويخليك .... اووي علي شنو هاي ابنك يدفر يوجعني علي : لك ليش توجع بمرتي اني ما اسمحلك فتهمت تره بس تجي اكتلك بسمه : ضحكت على علي شلون يحجي ويه بطني ............. وره اسبوع صارت خطبة حسن رحت وياهم جنت لابسه فستان بيجي مال حوامل لن بطني تضايقني ما اكدر البس فستان حفلات......... رحنه لبيت البنيه جانت حلوه ونازكه بس حسن من رجعنه كال بالعرس تجون قبل يومين من الحنه شنو اليوم اجيتو قبل الغده اني زعلان على بسمه شنو لا هوست لا هلهلت بسمه : حسن والله ما اعرف لا اهلهل ولا اهوس حسن : راح اسكت عاذرج لن حامل خل يجي ابن اخويه و اسوي العرس اريد اشوف شلون ما تهوسين بسمه : بعيوني بس خلي اجيب والله كريم خلصت الحفله الحمدلله ما شفت سلام لن لازم يسممني رجعت للبيت بدلنه اني وعلي وتعشينه خالتي خلت عشه من الخطبه وثاني يوم دوام ارجع للبيت ابلش تنظيف وغسل ملابس وكلشي ...........ضلت حياتي هيج الحمدلله بده علي ينطيني من وقته بس دايماً احسه يريد اكوله حبيبي بس اني ماكدر احجيها ليش هيج صعبه عليه ما ادري والله علي يستحقها ما مقصر وياي ابد ولا بشي خلصت السابع والثامن ودخلت بالتاسع بس جان الحمل كولش صعب فد يوم جنت رايحه لاهلي رحت اني وعلي دخلنه جان رائد فاتح كامره بالفايبر بوقتها رائد : اهلاً وسهلاً هلو بيكم نورتونه هلو علاوي ولج شوكت اجيبين اني مني ختنكت منج ....... هاااا مصطفى لا يا رسل هاك شوف منو
مصطفى : هاي منو صايره جنهه بطه بسمه : انصدمة بــ مصطفى بالكامره بدون تيشيرت ويباوع عليه بس من كال بطه ضحكني صدوك اني صايره بطه رائد : لك هاي بسمه بطنها عبالك بيها توم مو واحد مصطفى : ............... الله يكومها بسلامه علي : رائد انطيني خل اسلم على مصطفى......... شلونك ابو الصوف شخبارك شوكت تجي مصطفى : هلو علي والله ما اكدر عندي شغل و مرتي حامل ما اكدر اتركها هنا صح اهلها موجودين بس ما اريد تولد واني مو يمها علي : شنو راح يجيك بسلامه مصطفى : بنوته ان شاءالله بسمه : اسمع حجيهم بس من نبرة حجي مصطفى امبين مايريد يحجي ويه علي بس فرحت لن راح تصير عنده بنيه ورتاحيت لن خايف ع زوجته علي : الله يكومها بالسلامه ان شاءالله تشوف بنتك بخير وسلامه مصطفى : الله يسلمك............ علي انطيني بسمه احجي وياها بسمه : ضليت مصدومه من طلب مصطفى شكد جريء شلون كدر يهيج يحجي علي : اي لحظه...... بسمه هذا ابن عمتج يريدج بسمه : اخذت الموبايل........ هلو مصطفى شلونك شخبارك مصطفى : هلو بـتــ........... هلو بسمه الحمدلله انتي شلونج شخبارج مرتاحه ان شاءالله شوكت تصيرين ام بسمه : احجي وياه بس ما اكدر اخلي عيني بعينه ليش لهسه اخاف اباوع بعينه ليش ما اكدر مصطفى : بسمه بيمن ملتهيه ليش ما تباوعين عليه بسمه : رفعت راسي عزا هذا شكد جريء ما يعرف علي كاعد يمي...... خزرته بعيوني مصطفى : ........ بسمه : ضل صافن بوجهي اباوع ساكت شلون الي يشبع عيونه بسمه : ما اريد مصطفى يأثر بيه بعيونه ونضراته وعيونه هاي الي تحجي علي : وهوه يباوع بالكامره لا ما ملتهيه بس جوعانه بسمه من تجوع تفقد مصطفى : ولك علي خوفتني بسمه : ضحكت علي : اي مو جني عفت الحلى الك ولبت خالك مصطفى : اي طبعاً بسمه منو بحلاتها علي : هسه اني مفروض شنو اكولك شلون تتغزل بمرتي كدامي بسمه : عزا مصطفى ما ناوي يمشيها ع خير ...... مصطفى زوجتك وين مصطفى : هيه بت خالي قبل ما تصير زوجتك هاااا بسمه اليوم راحت لبيت اهلها واني لوحدي بالبيت علي : تتعال هنا واني اعلمك شلون تتغزل بزوجتي..... كافي بسمه انطيني الموبايل بسمه : انتبهت على علي كولش ضاج بس حقه لن مصطفى كولش مصخها علي : رائد اخذ ابن عمتك لا ابتلي بي رائد :شنو كال مصطفى علي : يتغزل بــ بسمه كدامي تقبلها رائد : لا ما اقبلها....... لك مصطفى شبيك..... مصطفى : هههههههههه ولك رائد ما حجيت شي كال الحلى الك ولبت خالك كتله اي هوه منو بحلات بسمه اشو كام يغار مني علي: لك منو يغار بسومه عندي اني وثاني شي مو قصة اغار بس ضجت لن تتغزل بيها لن بسمه خاصه بس الي بسمه : عزا بعيني راح تعلك تذكرت نفس حجاية مصطفى انتي خاصه بس الي مصطفى : الحمدلله اذا هلكد تحبها اتمنالكم حياة كلها حب علي : بس ليش انته ضجت....... مصطفى : لا ماكو شي علي : ان شاءالله خير بس بين ع وجهك تره كول بيك شي مصطفى : شبيك علي بس اجتني رسالة من الشغل وضجت يله اترخص منكم وسلملي على خالي والولد وخالتي وبسمه علي : الله وياك يوصل ان شاءالله علي : الله يساعده شلون عايش بوحده هناك.... صدوك يسلم عليكم بسمه : الحمدلله خلصت على خير هسه اني ما اجيت اله من خابر مصطفى علي : بسمه اني راح اروح بليل اجيج ابو رائد : ليش عمو ضل عدنه علي : لا عمي اريد اروح اشوف امي وابويه ابو رائد : لعد بسمه ليش ما تروحين ويه علي تشوفين عيالج بسمه : ............ علي : لا تروح دايماً وياي ابو رائد : الله وياك سلم على الاهل علي :وعليكم السلام يوصل ابو رائد : بابا بسمه هذا الي صار اني ما قابل علي بسمه : شنو بابا اني سويت شي ما عجبك ابو رائد : ليش مصطفى هيج يحجي وياج بسمه : بابا اني حته ما ردت احجي وياه علي هوه انطاني الموبايل ابو رائد : بابا انتي كبرتي وعرفتي كولشي بسمه تره مصطفى لهاي لحضة يحبج ابن اختي واني اعرفه تتذكرين من تخربطي هنا شلون شالج وركض بيج اني حاجيته بوقتها من رجع من المستشفى
رجوع الى الماضي
ابو رائد :مصطفى شنو الي سويته اليوم خاف علي ما انتبه اني انتبهت انته ما مسموحلك تلزم شعرايه من بسمه البنيه متزوجه مصطفى : خالي مدام صار الحجي مكاشف خالو هاي بسمه يعني اشوفه ميته بين ادي وتريدني اضل صافن ابو رائد : خالو بس جانت بحضن زوجها واخوانها موجودين تصرفك جان مو حلو مصطفى : خالو اذا ما عجبك تصرفي فه اني كولش مرتاح من شلتها واخذتها للمستشفى ابو رائد : مصطفى شلون تحجي وياي هيج انت.....
......
Oops! This image does not follow our content guidelines. To continue publishing, please remove it or upload a different image.
