_________________________________💜🦋
سيمر كل مُر
قد يطول حزنك، قد تطول استجابة دعوة ٍ دعوتها في يوم من الايام ونســيتها ومضيت أيامك وانت تظن انها لن تستجاب ابداً فتتفاجأ بان الله اختار لك اليوم المناسب لتحقيق لا تتوقف ابداً عن الامل مهما كانت مرارة الفتره التي تمر فيها.....
__________________________________💜🦋
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه :طول الطريق هلاهل واغاني وگرايب امير ابد ما قصرو ويانه من وصلنا الفندق نزلو بالباب هوسات علمود يزفونه
صعدت بالغرفه اجتي امي وعمتي ويايه اخذو البدله اني لبست روب وكعدت انتظر امير يصعد من طلعت امي احس خفت انو راح ابقه بوحدي خفت من امير شلون قبلت اتزوج ما اعرف شنو حسيت بس رعب ترس گلبي
امير : هلا والله بالحب والعشك والغرام كله
بسمه : هلو بيك
امير : الف مبروك يا عروستي
بسمه : الف مبروك الك
امير : ولج انتي مال گرط ادري بس گليلي عمتي بيمن متنسيه رحمه لاهلها على هيج انتاج
بسمه : ......
امير : هاااااا اظاهر دخلنه مرحلة الخجل ........ زين انتي خجلانه عيونج ليش خايفه مني
بسمه : لا ما خايفه ليش اخاف
امير : لا ابد ما خايفه......... بسمه اريدج تأمنين بــ امير
شوفي عمري مراح اذيج لو اتعبج لو اخلي احد يمسج بكلمه مستحيل مدامج على ذمتي انتي هسه كلشي بالنسبه اليه
انتي نفس امير و روح امير وگلب امير والدنيا كلها
انتي بت روحي وبت گلبي وبت عمري
انتي نجمة ليلي انتي روحي وراحتي
بسمه : الله يخليك اليه ويحفظك من كل شر وانته الامان مالتي وسندي وعافيتي وعيوني الي اشوف بيهن تعرف انته شنو بالنسبة اليه.....انت المنقذ الي دزه رب العالمين اليه انته هديتي من السماء
امير : ولج شنو هل كلام الحلو بس كليلي ما بيج شغله ما احبها شنو انتي فدوة شكد احبج
بسمه : واني هم احبك حبيبي
امير : يله خلي انكوم انصلي
بسمه : تمام
✧༺♥༻✧ ✧༺♥༻✧ ✧༺♥༻✧
بسام : كافي يابه تره بسمه جبيره عليمن هل دموع الي تارسه عيونك وانتي عمه عليمن تبجين
رافد : عليكم الله كلكم مقهورين شكو فدوه اروحلكم بسمه تزوجت مو راحت للسجن
رائد : يمه كافي اول مره تزوجت ما شفتكم هيج تبجون
ابو رائد : خايف عليها من الدنيا هيه حيل تعبت بعد مابيها تتحمل اكثر
مصطفى : كاعد واسمع حجيهم وحس روحي مثل السمجه من تطلع من المي الووب
طلعت بره بالحديقة شربت جكاره جكارتين ما فاد گلبي عبالك بي جمره ما جاي تطفه من انخطبت فرحت بس مثل الي يجذب على روحه من كمت اشوفها وياه افور من داخلي بس بنفس الوقت فرحان على فرحها هيه
هوه احسن مني اي اني اعترف امير رجال وعند كلمته اني ما صبرت عليها وهيه طفله وصغيره
وامير اخذها وهيه ارمله وعمرها 26 سنه كدر ينطيها حب وحنان
اني بس علمتها على الحب و عفتها اووف يا بسمه اووف يا غلطة عمري الي سويتها وياج اووووووووف
ام مصطفى : يمه مصطفى ليش واكف هنا وعايف خطارك جوه
مصطفى : ابعد وجهي من امي....... لا يمه ما عفتهم بس جاي اشرب جكاره
ام مصطفى :چااا يمه ليش ضايج
مصطفى : مابيه شي
ام مصطفى : وهاي الووووف الي طلعت من نص گلبك عليمن
مصطفى : ...............
ام مصطفى : يمه مصطفى بس لا على ........
مصطفى : اي يمه عليها ........يمه زفيتها يمه اني زفيت بت گلبي بيدي
ام مصطفى : يمه مصطفى البنيه راحت لحال سبيلها الله يوفقها ...... وانته عندك عائلتك وهاي بنتك مثل العسل ومراتك بنيه مرتبه وحلوه
مصطفى : لا الف الحمدلله على نعمة رب العالمين
يمه اني مقهور من روحي لان فرطت بيها قبل والي قهرني اكثر اني سلمتها بيدي ........ مسحت دمعه طاحت من عيني
ام مصطفى : يمه اذا صدك تحبها ادعيلها ترتاح
مصطفى : ان شاءالله كل ايامها راحه وفرح
ملاك : مصطفى مصطفى وينك
مصطفى : هااا ملاك اني هنا بالحديقة
ام مصطفى : يمه اجت مرتك ابتسم اشويه
ملاك : مصطفى فدوه اريد جهازك اخابر على اهلي موبايلي مابي شحن
مصطفى : هسه اجيبه نسيته بالسياره.............. طلعت بره وكفت يم السيارة شتميت هوه غمظت عيوني
احجي ويه نفسي هاي هيه مصطفى خليها تضل ذكره حلوه بينك وبين نفسك المهم هيه بخير اني من احسها مرتاحه اني مرتاح بت گلبي الله يوفقج بكد الحب الج بگلبي قررت هاي هيه بعد اطوي صفحه تضل بسمه
شي حلو دخل حياتي وطلع ما اذاني ترك اثر حلو وراح
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
