تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
امير : انطيتها الموبايل تخابر كعدت بعيد عني وبدت تحجي بسمه : اخذت الموبايل مال المحامي واتصلت على رائد............. الووو...هلو رائد.......... اني زينه الحمدلله....... بابا وماما شلونهم..... اي اكلت الحمدلله...... رائد لا تخافون عليه..... الوووو بابا حبيبي يا عمري اني زينه بس انته دير بالك على صحتك وعلى ماما........... بابا لا تخاف اني زينه لا يضل بالك ان شاءالله تخلص هاي الشغله وارجع......... الووو ماما...... لا ماما لا تكولين هيج اسم الله عليج.......الحمدلله اني زينه والله.............. هاااا رائد....... اي هوه دخل هذا موجود يمي اي ان شاءالله الله وياكم
امير : اباوع عليها شلون تحجي تبين روحها قويه وهيه تحجي وتمسح بدموعها بسمه : جاي احجي ويه اهلي وانتبهت هذا المحامي صافن عليه خفت منه خزرته امير : اني اباوع عليها شو هاي اندارت باوعت عليه وخزرتني استغفرالله هاي اني شبيه يمكن خافت مني او عبالها اني عندي شي بسمه : هذا موبايلك شكراً تعبتك وياي امير : لا شكر على واجب بسمه : رائد يكول بلا زحمه بس يطلع يخابرني امير : ان شاءالله........ اني جبتلج عشاء وبعد ما اوصيج شنو تحتاجين كولي للجندي واذا شي مهم كوليله يخابرني اني هنا كلها تحبني وتحترمني لو 3 الفجر اجيج بسمه :ان شاءالله ما احتاج شي امير : ان شاءالله يله اني رايح مع السلامه وخليج مطمئنه كولشي راح ينحل بسمه : مع السلامه.......... راح المحامي ورجعت للسجن اول ما دخلت خليت الاكل كدام البنات كتلهم هذا الكم.... انقهرت عليهم اكيد صارلهم هوايه ما ماكلين اكل زين......... خلص اول يوم ............و خلص ثاني يوم.............يوم الثالث بليل كولش تعبت احس اعصابي تلفت تفكير وقلق وخوف من المجهول الي راح اواجه وهاي كل الايام الاكل غداء وعشاء يوصلني بس اني ما اكله بوحدي اخلي كلنه ناكله واكل كولش قليل لن خطيه علمودهم ....... ضليت صافنه اخير شي بجيت وبجيت بحركه سرى : بسمه اسم الله هاي شبيج لا تخافين اكو رب العالمين بسمه : ونعم منه............... نمت علي فراشي لحد ما غفيت كعدت ثاني يوم بالسبعه الصبح الجندي : انتي يله كومي حضري نفسج راح تطلع السيارات بسمه : ان شاءالله قبل يوم وصلتني ملابسي اخذتها وطلبت اروح للحمام غيرت ملابسي وغسلت رجعت ودعت البنات مهما يكون صار بيناتنا زاد وملح 10 دقائق وطلعت.......... اوووووف هسه يله تنفست بس بقى القلق مسيطر عليه وصلت للمحكمه دخلوني غرفه ما بيها ولا شخص وره دقائق دخل المحامي
امير : من عفتها وطلعت من السجن بالطريق خابرت رائد لتقيت وياه ابيتهم شلون عائلة وناس محترمين بده يسولفلي القضيه بالتفاصيل ثاني يوم بلش شغلي اخذت كل المعلومات الي تخص الحادث وضليت اروح وارجع للسجن لن اهلها خطيه يدزولها اكل وحتى ملابس قبل يوم وديتلها بس ابد ما شفتها ....... اجه يوم المحكمة وعرفت وصلت رحت عليها
امير : السلام عليكم بسمه : وعليكم السلام امير : شلونج ان شاءالله زينه بسمه : الحمدلله امير : ست بسمه...... الي راح بصفحه واليوم صفحه خاصه بحياتج خليج قويه واتذكري رب العالمين ويه الحق وينصر الحق بسمه : ان شاءالله ربي يفرجها امير : ان شاءالله......... يله استعدي بسمه : ما عندي شي
امير : ادري بيها خايفه وامبين عليها هوايه بس احلى ما بهاي البنيه تكابر وما تحب تبين ضعيفه .......... قبل لا ندخل للقاعه مال المحكمه اجه عليه محامي سلام المحامي : شلونك استاذ امير امير : اهلاً وسهلاً المحامي : باوع مراح الف و دور...... اترك القضيه احسلك احسن الك تره حباب جاي تلعب بالنار امير : لا تخاف عليه اني احب النار المحامي : جاي احذرك اني امير : رسالتك وصلت اتفضل
بسمه : دخلت على القاضي اني والمحامي ولكيت اهلي كاعدين من شفتهم احس روحي رجعتلي بسام ابتسملي هنا حسيت بالامان
بسام : عشنا 3 ايام بالضيم ابويه كل ساعه يتخربط لو امي بس بجي..... اجه علينا احمد وحسن وابو علي يعتذرون من تصرفات سلام بس شنو الفايده ما يكدرون علي .......... من دخلت بسمه كل احنه تمنينه انروح عليها بس ميصير كعدت هيه والمحامي بصفحه بوحدهم بسمه : بده القاضي يحجي بالقضية عادي بس من وصل الدور للمحامي مالتي وكام سولف بالقضية وذكر علي واطفالي وشلون صار الحادث عبالك رجعت لذاك اليوم مدنكه وساكته ودموعي ما بطلن علي انته وياي يا عمري ضل يمي اريد احس بيك موجود ...............مو يمهم ابد لحد ما سمعت صوت قوي مال القاضي اني هنا انشليت وكل جسمي ما احس بي اباوع على سلام يخزر اهلي خايفين فد مره المحامي مالتي امبين قلق بسام : امي ما بطلت تقراء دعاء وايات ابويه وجها اصفر اما احنه فه القلق والتوتر اخذ من حيلنا من بده المحامي يحجي بالقضية اباوع على بسمه مدنكه اعرف بيها تبجي يا روحي شبيدي عليج رافد يمي اشوفه يباوع عليها وميت قهر امي ادموعها على خدها ابويه عيونه حمر حقهم بتهم ويشوفونها بهذا الموقف
بسمه : بده القاضي يصدر بالحكم كل الي بالقاعة مال محكمه واكفين اني حسيت راح اتخربط جان حسيت سمعت صوت علي........... بسمه صيري قويه ....... اني اديه ترجف ما اعرف شبيه....... من كال القاضي حكمت المحكمة حسيت ايد لازمت ايدي اباوع هذا المحامي
امير : ليش ادموعها تهزني ما اعرف.......اني جاي احجي بالقضية و قدمت كل اوراق للقاضي بس من ذكرت زوجها واطفالها اباوع عليها تمسح ادموعها كسرت گلبي من كلها وكفت اباوع على اديها ترجف ما اكدرت روحي لزمتها مو اني هيه مصدومه وتباوع عليه امير : خليج قويه لا تخافين اني يمج
القاضي : حكمت المحكمه على المتهمه بسمه............ بالــــ_____________________
___________________________________ فراشاتي الحلوين لا تنسون التصويت والتعليق
Oops! This image does not follow our content guidelines. To continue publishing, please remove it or upload a different image.
