تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
صار الوقت نعرف منو المجهول ________________________________________
السلام عليكم اني اسمي امير عمري 29 سنه محامي اصلي من البصره عندي اخ واحد اصغر مني و2 اخوات وحده متزوجه والثانيه بعد ما جايه قسمتها اجيت لــ بغداد من جنت ادرس بالكليه احب بنت خالي وعلمودها اجيت لــ بغداد تركت اهلي وشغلي ونقلت دراستي هنا علمودها تخرجنا وفاتحتها بالموضوع ما قبلت كالت خلي انكون نفسنه يله نتزوج هم حترمت رغبتها وضليت بــ بغداد مع العلم اهلي حالتهم زينه...........اروح لاهلي كل فتره اني جنت اكدر اتزوج وافتح بيت ابويه حالته زينه بس جان لازم اعتمد على نفسي بفترة الكلية جنت اخذ فلوس من ابويه بس من صرت محامي بعد ما اخذت منه هوه يدزلي بس اضمهن لن ما اريد اخجله خطيه هوه تعبان علمودنا...... راحت ايام واجت ايام اني وبت خالي نروح ونرجع سوه بس بالمحكمة قليل نلتقي لن ما اريد اجيب الها احجايه صح بت خالي بس لا خطيبتي ولا زوجتي واني شكد جنت اريد اخطبها بس هيا تاجل تكول لا ننخطب قبل العرس بشهر بين التحضيرات حته نتونس لن احبها جان كل حجيها اكول صار اني جنت ساكن بــ شقه بس اوصلها بسيارتي لبيتهم ورجع مرات ادخل ومرات من الباب اجت فتره ابد ما اشوفها من ندخل للمحكمه لحد ما نطلع مرات اخبارها اشوفها وين وروح عليها ومرات اكول لا خطيه عوفها تتونس ويه صديقاتها لحد ما اجيت فد يوم اني جان عندي عطل بالسيارة فه تاخرت على الدوام وصلت الساعه بــ 10 من دخلت واشوفها واكفه ويه صديقي القاضي بس شنو الضحك و السوالف وشكد قريبه منه ضليت ساكت بس احس روحي جاي تطلع من خلص الدوام خابرتها كتلها انتظرج بالكراج مال محكمه من اجتي كتلها شنو هاي الي جاي يصير من ورايه كالت ماكو شي من واجهتها بالي شفته ضلت ساكته ونوب كالت امير احنه ما نرهم لبعض واني اجتني قسمه زينه اني هنا تخبلت كتلها شنو ما نرهم وحبي الج وسنين الدراسه و اهلي الي عفتهم و ولايتي الي تركتها علمودج....... تكولي اني ما كتلت اترك كولشي وتعال لـ بغداد...... كتلها لا حقج عليه كمت امشي سريع بالسيارة ما اعرف وين رايحين هيه كامت تبجي وتخاف تكولي وين ما خذني وكفت بشارع مابي هوايه ناس والوقت الضهر وكفت السياره ونزلت منها بس احس روحي فرفحت رجعت السياره ولج بشنو قصرت وياج اشتغل عندج سايق اخذج واجيبج ومداريج مثل عيوني اخاف عليج من الهوه هاي مجازاتي ضلت تبجي وتبرر بس كل الحجي اني ما يدخل براسي هاي هيه يا بت خالي الج الي يجرالج لا تخافين وكافي بجي شكد اذتني بس من شفت دموعها اخذت گلبي احبها مو بيدي رجعتها لبيتهم ورحت لشقتي اخذت اجازه اسبوعين سمعت الخطبه بعد اسبوع ما ردت احضر هذا اليوم وصديقي خابرني حته اجي للخطبه كتله الوالد تعبان صدك مددت الاجازة ورحت البصره خطيه اهلي مقهورين عليه بس ابويه اول ما دخلت ضل يحجي عليه انته شنو استفاديت هسه................تركت اهلك وديرتك وشغلك ورحت لبغداد .............من كتله بابا احبها رفع ايده عليه وراد يضربني ابويه عمره كله ما ضاربني راد يضربني نزلت دمعتي لن اني وصلت روحي لهاي المواصيل المهم خلصت الاجازة ولازم ارجع لبغداد اول يوم اليه بالدوام بعد الاجازه رحت للحلاق ورتبت شكلي واحلى لبس واحلى عطر دخلت للمحكمه على اخر حبايه ردت ابين الها ولنفسي اني مو ضعيف اني ما تكسرني مره شفتها واكفه يم صديقاتها رف گلبي عليها بس شنو الفايده هيه مو اليه من ردت اطلع شفتها صعدت ويه خطيبها بالسيارة من فات مني وقف السياره وسلم عليه ويعتب ليش ما اجيت للخطبه هيه جانت كاعده يمه احجي ويه الولد وعيني بالگاع بس من كال حته ما باركتلي رفعت عيني باوعت عليها وكتله الف مبروك تتهنون ان شاءالله دير بالك على بت خالي من راح احس روحي اخذها وياه. ............ ضليت ايام اني اتعذب من ادخل للمحكمه .........................قررت ارجع البصره كافي الي صارلي من بغداد شنو ستفاديت
الى ان اجه يوم اني كاعد بالمحكمه جاي اقدم على نقل دخلت ابنيه وياها ولد 3 كعدت قريبه عليه اسمعهم يحجون على قضيتهم بس ما عرفت شنو اباوع على البنيه ساكته لو صافنه كولش قليل تحجي بس سبحان الله الي خالقها شنو بياض وشنو هدوء وعيونها من ساكته تحجي انتبهت عليها من تقرب عليها ولد ضخم و يحجي وياها اباوع عليها خافت ..............الولد الي وياها ولا واحد ما اعرف وين راحو اباوع عليها مثل لبوه جريحه تريد تبين انو هيه قويه من مد ايده عليها روحي راحت مو جسمي صرت اسرع من الصوت بعدت ايده منها هيه لزمت قميصي وتحتمي بيه تكولي علي ما اعرف منو علي بس المهم هذا ما يمد ايده عليها بعدني احجي ويه هذا الولد اجه ولد حجه وياها عرفت اسمها بسمه.......... تعاركو واني افاكك بيهم وماكو وهيه ضلت تباوع بعيونها ودموعها عشره عشره كسرت خاطري اجوي الامن اخذوهم وهيه رجعت كعدت وره شويه كامت وكفت ورجعت كعدت ...... اني متعجب من روحي ليش هيج مهتم خلي اكوم اروح احسلي ردت اكوم رجع نفسه الولد بس ياشر عليها وصاير اعصاب ...... هم رجعت وكفت بس هل مره بعيد من يمي شفت المحامي اجه يحجي وياها ضلت تحجي وياهم بس امبين عليها الخوف تقدمت عليهم لن ما كدرت اشوفه عصبي عليها وهيه محد وياها من وصلت شفت دموعها على خدها هزت كياني كله صعبه رجال يشوف دموع ابنيه و ما يهتز الانثى مهما كبرت تبقى طفله والي شفتها طفله تبجي ما كدرت ما ادخل.... اني عرفت انو المحامي تركهم وراح فه خليت نفسي المحامي مالتها ضلينا نتناقش اني وهذا الي اسمه سلام .... من راح انداريت عليها وشوفها تفرك بديها وعيونها تمطر دموع اريد افتهم منها شي ما تحجي بس الي عرفته الولد الي وياها اخوانها تريدني اروح منها بس اني ما كدرت اعوفها.... اجه سلام جان حجه وياها وراح وهيه تخبلت تريد مني خوانها طلبها و دموعها وجهه مال طفله شلون تحجي وياي كعدتها وانطيتها مي اريدها تهدء ماكو خايفه وترجف كتلها اني محامي احجي وياي تباوع عليه وبس......... خايفه ودموعها ما بطلن....... بنص هاي الهوسه انتبهت على عيونها فدوه لــ الله شكد حلوات بس متروسات حزن وخوف كتلها كافي عيونج ورمت و لا تخافين اني يمج صدوك راح تموت من البجي ما اعرف ليش كتلها هيج وليش حسيتها مسؤوليتي. .........شويه ودخل واحد من اخوانها حجيت وياه وكتله المدام لن ما اريده يعرف اني عرفت هيه اخته لن خاف تجيها حجايه او ميقبل فه قترحت علي اصير محامي الها وهوه نفسه جان محتار علمود اخته فه قبل وبلش يسولفلي على القضيه
هذا البارت خاص بس لــ امير
Ups! Tento obrázek porušuje naše pokyny k obsahu. Před publikováním ho, prosím, buď odstraň, nebo nahraď jiným.
