•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : علي هذا انته حبيبي يا عمري مشتاقتلك
علي : بسمه ليش هيج تسوين بروحج
بسمه : علي ليش هيج تحجي وياي انته ضايج مني
علي : اي بسمه وزعلان عليج ليش هيج تعذبين بروحج وتعذبيني وياج
بسمه : علي اني اريد اروح وياك اخذني اريد اشوف جهالي
علي : بسمه انتي ليش تعذبيني انتي مو تحبيني اذا صدك تحبيني لا تسوين بروحج هيج
بسمه : علي ليش اعذبك حبيبي اني اريدكم
علي : تريديني لعد وامج وابوج وخوانج مو خطيه انتي بعدج صغيره وكدامج العمر لا تسوين بروحج هيج
حبيبتي اني اعرف بيج قويه كلشي يصير وياج اريدج تضلين بسمه الي اعرفها وخلي ابالج اني وياج واسمعج
بسمه خليج قويه لا تضعفين
بسمه : علي لا تروح خليك يمي علي وينك علي وين رحت ......عليييييييييي
بسام : بسمه حبيبتي اكعدي شبيج
بسمه : بسام وين علي هسه جان هنا بسام عليك الله لا تخلي يروح
بسام : بسمه شبيج لا تبجين انتي جنتي تتحلمين ماكو علي
بسمه : لا بسام والله جان هنا هسه جان يحجي وياي
بسام : شبيج حبيبتي والله ماكو بسمه لا تخبليني ولج كافي امي وابويه راح يصير بيهم شي من وراج كاعدين جوه ونسمع بيج تصرخين شبيج علي مات لازم تستوعبين هذا الشي علي مات بعد ماكو
بسمه : لا بسام عليك الله لا فدوه كلي راح يجي فد يوم
بسام : لا ميجي بسمه راح تموتين نفسج ولج ما كافي انتي شايفه روحج كومي
بسام : ادري تصرفت ويه بسمه بقسوه بس علمودها لن راح تتخبل فد مره صارت لا اكل ولاشرب بس بجي واحلام وما تتقبل علي مات
بسمه : كومني بسام سحل للمرايه
بسام : شوفي بسمه شوفي روحج شوفي شكلج شلون صاير
بسمه : من مات علي لليوم ابد ما منتبهه لروحي اباوع على نفسي شكلي تعبان سواد جوه عيني صاير كولش جبير وجهي ذبلان واصفر جسمي كولش ضعيفه شعري مخربط وصاير خفيف
بسام : هااا عاجبج شكلج انتي هيج اذا سويتي راح يرجع علي لو اطفالج بسمه الي رااااح راح انتي مراح ترجعيهم هاي قسمتهم وخلص كلشي اعرف بيج مؤمنه ادعيلهم واقري قران ارجعي لحياتج
بسمه : بسام والله ما جاي اكدر انته ما جاي تحس بيه بسام اتمنه اموت والله خلص صبري
بسام : كافييييي بسمه كافي شبيج شكد عديمة احساس انتي منو اغلى على گلبج امي وابويه لو علي ...................
علي مات انتهى الموضوع بس اهلنه اذا صار بيهم شي انتي شنو يكون موقفج اكولج جوه مرعوبين عليج هاي اذا عندج حساس شويه
بسمه : انصدمت من بسام هوه ابد ما يعلي صوته علي
كام يصيح عليه ويعيط بوجهي بس وعاني على شي صدوك جاي اعذب اهلي اني ........
استغفرالله ياربي سامحني يا اللهي اعترضت على قسمتك وقدرك
بسام : اعتذر حبيبتي ما جان قصدي اقلل من احترامج
بسمه : لا بسام اني الي اسفه واعتذر جاي اعذبكم وياي..... بسام اريد منك شغله
بسام : عيوني الج حبيبتي كولي
بسمه : اريد اروح النجف
بسام : اذا هذا الشي يريحج اني اخذج بعيوني بالسته الصبح نطلع
بسمه : اوكي بسام ...... نزلت جوه لكيت امي وابويه واكفين يم الدرج خطيه تعبتهم......... يا روحي ليش واكفين هنا اني هياني مابيه شي جان كابوس وعادي اني زينه تعبتكم اني اسفه
ابو رائد : لا يا بابا بس ضل بالي يمج
ام رائد : يا بعد امج رجليه ما تعيني اصعد وضل بالي يمج صعدت بسام
بسام : اي واني هنا فلبيني اصعد بسام وانزل بسام
بسمه : اباوع عليهم يضحكون على سوالف بسام
رافد : شكو بهل ليل كاعدين وتضحكون
بسام : لا ماكو شي اكول لو ترجع تكمل نومتك احسن النه
رافد : اي هم صدك يله تصبحون على خير
بسمه : طلع علينه رافد كوه يفتح عيونه و شعره صاير هوسه خطيه جان نايم......... ماما وبابا راحو لغرفتهم وبسام نام بالاستقبال
اني صعدت انام بس شنو بس خليت راسي شفت الحلم كله رجع بعيوني
يا عمري يا علي حبيبي شكد مشتاقتلك اني راح اتغير انته مو تسمعني وانته تكول اني قويه اي اني راح اثبتلك اني قويه حبيبي باجر راح اجيكم اريد اشوفكم يا عمري..... ضليت احجي ويه علي لحد ما غفيت
كعدت الساعه بــ 7 ونص... يااا عزااا ضليت نايمه لهذا الوقت خلي انزل اكعد بسام ........ نزلت ولكيت بسام امبدل وكاعد
بسمه : ليش ما كعدتني بـ6
بسام : ادري بيج تعبانه كلت خلي تشبع نوم ما مستعجلين حته لو نضل لباجر عادي
بسمه : لعد اصعد اغير ملابسي وانزل اسوي ريوك ونروح
بسام : كملت الريوك روحي حضري نفسج
بسمه : صعدت سبحت وصليت وحضرت جنطه صغيره وياي خاف احتاج شي صارت الساعة بــ 8
بسام : يله تعالي تريكي حته الچاي صبيته الج وين اكو هيج اخو
بسمه : الله يحفظكم الي
بسام : يله بسومه اريدج تاكلين كل هذا البيض
بسمه : لا بسام ما اكدر ما اريد
بسام : اني ما ميت عليج بس گليت هوايه لا تكعد امي وتضل تحجي عليه 😁😁😁
بسمه : واني شنو ذنبي
رافد : صباح الخير.... بس گلولي انتم ما تملون من السوالف
بسمه وبسام صباح النور
رائد : يملون من الحجي من تمل انته من النوم
رافد : منو يحجي على النوم وانته هسه كاعد
بسمه : شويه شويه العائلة كلها گعدت
رسل اجتي وره رائد
رسل : شبيكم ويه زوجي
رافد: مابينه شي بس هوه زوجج بس ينتقد بينه
رسل : بكيف حبيبي
بسام : شوف هاي هم مصدكه بكيف حبيبي بابا روحي منا انتي وحبيبج
رائد : انتم شكلكم مشتاقين ابسطكم مثل قبل
بسمه : اباوع عليهم واضحك..... يله بسام راح تصير بـ9 كوم .......
ابو رائد وام رائد: صباح الخير
الجميــع : صباح النور
ام رائد : هااا ماما بسمه وين رايحين
بسمه : ماما اريد اروح للنجف
ابو رائد : يا بابا شسوين رايحه بس تعذبين بروحج
بسمه : بابا مشتاقتلهم
ام رائد : يمه انتظري اروح وياج
بسام : لا يمه اني وياها لا يضل بالكم
رافد : بسام لعد بطريقك ذبني على شغلي واخذ السياره اني ارجع بتكسي
بسام : لا رافد احنه نروح ونرجع بتكسي
رافد : لا شنو تكسي اخذ السياره احسن اريحلكم
بسمه : ضليت گاعده انتظر رافد يغير ملابسه حته نتوكل
جان تندك الباب
____________________
Oops! This image does not follow our content guidelines. To continue publishing, please remove it or upload a different image.
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
