•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
_______________
بسمه : بدأ رائد يسولف القضيه كلها وبكل تفاصيلها.... انتبهت لهذا الولد يسمع بتركيز
امير : تمام اخويه بس حظرلي مستمسكات كلها اني ادخل اشوف القضيه وراجعلكم
رائد :اوكي انتظرك
بسمه : رائد خاف هم يعوفنه
رائد : اذا عافنا نخلي عينه بعين رب العالمين رحت اجيب صديقي محامي لكيته عنده قضيه واخر جلسه............ هذا الرعن اني مو كتله خليك ساكت ليش متعارك
بسمه : رائد هذا سلام هوه مو ادمي معه الاسف اخو علي
رائد : الله يرحمه ما فد يوم طلعت منه شغله مو حلوه................. خلي اتصل على رافد يرجعون للبيت
بسمه : ضلينا ننتظر بس اشوف المحامي كل شويه يطلع من غرفه يدخل بالثانية ومخبوص ....... وره شويه دخل رافد
رافد : هااا بشروني شنو صار
رائد : انته ليش اجيت مو كلت ترجعون
رافد : بسام ما قبل كال اني ارجع انته ضل يم رائد وبسمه
رائد : لهسه ننتظر بس ربك دزلنه محامي
امير : رائد يله خلي تدخل ست بسمه
بسمه : دخلنا اني والمحامي غرفة انتظار مال قاضي
بدأ يعلم بيه وشنو اكول
امير : اول شي اني اسمي امير المحامي مالتج ابد لا ترتبكين وشنو محتاجه كوليلي ولا تخافين لن اذا خفتي راح يضيع حقج ودفاعج عن نفسج
بسمه : تمام استاذ ............ ضليت كاعده بس الخوف يقره الف..... غمضت عيوني وبديت اقره ايات ......
امير : كتلج ماكو داعي للقلق اني يمج
بسمه : فتحت عيوني على صوت المحامي............ لا ما خايفه
امير : لا امبين من اديج الي ترجف
بسمه : .......... ضليت ساكته رجعت غمضت عيوني حتى اهدء... سمعت صوت علي........ بسمه خليج قويه .................. فتحت عيني و نزلت دمعه من عيوني لن من سمعت صوته تمنيته يجي يمي هسه
امير : يله ست بسمه كومي ندخل ......... هاي ليش تبجين
بسمه : لا مابيه شي ........... دخلت للقاضي لكيت سلام والمحامي مالته وره ساعه من الاسئلة واجوبه
بسمه : محامي سلام جان شاطر امبين راد يحكم القاضي من اول جلسه
امير : سيدي القاضي ارجو من حظراتكم عدم صدور الحكم لاكمال الادلة
بسمه : صدر امر بالسجن لمدة ثلاث ايام ..... اول ما فكرت باهلي شنو راح يصير بيهم اذا سمعو الخبر ....
اول ما طلعت من غرفة القاضي نزلت دموعي
امير : اخت بسمه خليج قويه واني راح اسوي كل الي اكدر علي حته اطلعين بريئة
بسمه : ان شاءالله........... طلعت لكيت رائد ورافد ينتظرون
رائد :هاااا بسمه بشري
بسمه : هااا ماكو شي............ ردت ابين اني قويه وما بيه شي بس اني من داخل محطمه
امير : اخوان ماكو شي بس لازم اخت بسمه تضل بالسجن على ذمة التحقيق ولاكمال الادله
رافد : انته صدك تحجي شلون بسمه تضل بالسجن
امير : اخويه بس اريدك تعرف شغله اليوم لو ما اني طلبت مهله جان انسجنت اختك لنهاية عمرها تعرف هذا المحامي الي ويه سلام شكد اله نفوذ ويه يا حزب وشنو واسطاته هذا واصل بس املي اني بالقاضي اذا شاف ادله واضحه وبصالح المتهمه يحكم بالحق
بسمه : رائد اني كولشي ما اريد بس ابويه وامي امانه يمكم روحو يمهم وكلولهم بسمه زينه وان شاء الله ربك يحكم بالحق
امير : يله خلي انروح حته ينقلوج للسجن اني ما ردت ياخذوج كدام الناس
بسمه : ودعت اخواني وانطيتهم كل اغراضي.... قبل لا اروح المحامي اخذ رقم رائد حته شنو يحتاج يخابره.....
امير : اريد شهادة وفاة علي ومكان الحادث وين بالضبط حته اعرف التخطيط مال المرور والتقرير مال المستشفى والصور مال الحادث
رائد : انطيني عنوان المكتب مالتك واني اجيك
امير : ما عندي مكتب بس نلتقي بمكان عام عادي
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
