•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : اريد اكولج شغله بس اتمنى ما تضوجين
بسمه : حسيت علي ضام عليه شغله راح تضوجين بس اني بطبيعتي ابد ما ابين عليه اذا اضوج........ لا علي كول
علي : اني قبل ما اخطبج بــ5 سنوات جنت احب وعلى علاقه ويه ساره بنت خالتي ..... هيه جانت اول حب بحياتي
بسمه : انصدمت صدوك ......... وليش تركتها
علي : مو مهم ليش تركتها...... بس ردت تعرفين مني مو من احد ثاني خاف هذا الشي يضوجج...... اني اعرف بيج عاقله وايشي تسمعي مراح يضوجج
بسمه : بداخلي كولش ضجت ليش ما اعرف ...... نمنه وثاني يوم من 7 الصبح سمعتهم كاعدين ما طلعت ردت اطلع ويه علي اني حته بليل ما نمت مرتاحه كل شويه اكعد وافكر بموضوع علي....... ما اريد علي يشوفها ليش ما ادري بس ما اريده يلتقي وياها .... علي علي يله عيني كوم راح تصير بــ8 شوكت تكعد
علي : بسمه خليني نايم بس اشويه
بسمه : لعد راح ادخل للحمام ونوب اكعدك........... سبحت ولبست فستان بسيط لن اعرف حنه وراح تصير هوسه وخليت مكياج ورشيت عطري المفضل
علي : هاي شنو...... انتي بهاي تصرفاتج تكوليلي لا تطلع من الغرفه........... تعرفين افكر نرجع انعيش يم اهلي لن بعد وين اطفري مني بالبيت تروحين الصاله والمطبخ هسه وين تروحين
بسمه : ههههههههه هاي شنو منك علي الي يسمعك يكول بيتنه 500 متر واطفر منك
علي : والله لو غرفتين هم تستحين وتروحين
بسمه : يله علي عوف هذا الحجي وكوم عيب هسه شيكولون
علي: وخلي يكولون اني شعليه بيهم غير زوجتي وكاعد يمها
بسمه : لا علي عفيه كوم........ يله شو كوم اريد ارتب الجربايه
علي : لعد تعالي انتي بالاول...... وهوه يسحب بسمه من ايدها ويخليها يمه
بسمه : لا عزا علي راح يسمعون صوت الجربايه
علي : باوعي اني ضال يمج لو مو عرس حسن وخري ايدج من وجهج خليني اشوف هاي العيون والغمازات يله اوخر منج
بسمه : شنو ما شايفني.... علي هسه وكت شقه
علي : بس ما جاي اشاقه اني مشتاق اشوف وجهج بيها شي يا ناس يا عالم
بسمه : لا علي نصي صوتك والله فضحتنه
علي : بسمه تحسسيني انتي صاحبتي وجايبج بالسر ولج ليش خايفه
....................... صوت الباب يندك ......................
بسمه : هااا علي شنو حجينه يله هسه استلم والله عيب اني كولش مستحيه
علي : منو
سحر : هااا علي حسن يريدك
علي : كوليله مشغول هسه يخلص شغله ويجيك
بسمه : لا علي فدوه مو هيج والله عيب عليك الله عوفني اني اريد اطلع انته ضل بالغرفه
علي : هوه بكيفج
بسمه : علي لخاطري والله راح ابجي من المستحه
علي : بوسيني يله تكومين
بسمه : ........ 😚بسته من خده وكمت بساع
علي : هوه هذا الي كدرتي علي
بسمه: كام علي غسل ولبس تيشيرت وبرموده وطلعنه بس شنو اني الي يذبحني ما يلكه قطرة دم بيه
ام علي : هااا خاله كعدتو صباح العافيه عليكم يله تعالو تريكو......البنات خلصن ريوك هسه اصيح زينب تسويلكم ريوك
بسمه : صباح النور لا خاله اني اسوي زينب خاف عدها شغل .......
علي : راح اروح شويه ورجع اشوف حسن شيريد
بسمه : اوكي عيني من اكمل ادزلك رساله
علي : فدوه العينج
بسمه : طلع علي سويت ريوك جاي اكمل اجتي زينب....
زينب : صباح الخير بسمه
بسمه : صباح النور هلوو زينب
زينب : هلو بيج بسومه....... ليش ما صحتيني اني اسوي ريوك
بسمه : لا شكراً ما اريد اتعبج ....... دزيت رساله لــ علي حته يجي يتريك
سحر :صباح الخير
بسمه : صباح النور
سحر : البارحه عبالي راح تجين تسلمين على ام وسام والبنات
بسمه : نمنه ما ادري بيهم
سحر : لعد تعالي سلمي هسه
بسمه : اني من اريد اسلم اروح انتي ريحي حالج....... بهذا الحجي دخلت ابنيه حلوه ناعمه شويه اكبر مني بالعمر يعني فرق سنتين
ساره : السلام عليكم
بسمه : وعليكم السلام
ساره : اتوقع انتي زوجة علي مووو
بسمه : اي اني زوجته
ساره: عرفتج من عيونج
بسمه : ........... ضليت ساكته ما اعرف شنو اكول
زينب : بسمه هاي ساره بنت ام وسام
بسمه : باوعت عليها يعني هاي حب علي الاول...........تشرفت بمعرفتج
ساره : شكراً
بسمه : جاي اخلي الجاي ودخل علي وحسن......... بس علي تخربط وضعه كله.......يباوع على ساره بس يحاول يخفي نضرات عيونه من ساره وهيه همين ضلت تباوع علي
علي : شلونج ساره
ساره : هلو علي الحمدلله انته شلونك
علي : زين
بسمه : شفت علي ثاني مو نفسه زوجي ........ انتظرته هوه ينتبه
علي : هااا بسمه كملتي ريوك
بسمه : اي علي كملت ........... وين تريد تتريك ..... تعالي بالصاله
زينب :لا علي روحو لغرفتكم اتريكو لن الصاله كلها جهال وهوسه
علي :تمام
بسمه : اخذت الريوك وكعدنه بالغرفه بس علي ولا كلمه عبالك فصل عن العالم ....... حته اكل ما اكل
علي : يحجي بكلبه ..... جنت خايف من هذا الشي جنت خايف اضعف كدامها وصار هذا الشي مع الاسف....... جنت متوقع اعبرها وما يهمني شي ليش بعدك تحبها يكلبي ولك هاي اذتك ضحت بيك
جنت احب ساره من عمري18 سنه بس شنو جازتني بس اجه ابن عمها يخطبها ولن عنده فلوس يدخلها كلية الي تحلم بيها اني كتلها اوفرلج الي اكدر علي بالتالي ابن عمها فسخ الخطوبه وطلع للخارج رجعت عليه وره شهرين من سافر ابن عمها اني جان هذا الشعر يفسر حالي
....................
"
ابشركم اجت بس حيل ذبلانه
متعبها الخذاها وردها عطشانه
راحت گمره مني وخذت نص الحيل
ردت بالجروح وحيل فحطانه
#سجاد_الغريب
.............................
عفتها لن هيه ضحت بيه مو اني صح كولش تعبت من فراكها كولش تعبني حبها بس هيه موتته لن هيه داست على گلبي
علي : بسمه اني اسف....... اعرف غلطت واعرف ما احترمت وجودج
بسمه : ....... ضليت صافنه هذا شبي ياربي بس حجه وخله وكام طلع من الغرفه..... حته اني ما اكلت لن انغثيت من الموقف...... معقوله يحبها بس اني اعرف هوه يحبني اني......بس من شافها تغير كولشي بيه سمعت صوته يصيح عليه
علي.............
...........
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
