________________________________
طوينه اشكد صور واشكد مسافات
ونسينه المالهم عرفه بحجينا
اليهتم للمطر يتبلل اهواي
والمبلل تظل روحه ابچينا💔
#سجاد_الغريب
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبـة فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : بس شنو
علي : ماكو شي كولش عادي بس انتي لن بعدج عروس جديده ما تعرفينهم ولا تعرفين طبعهم
بسمه : هااا يله عادي مصار شي
علي : بسمه حبي اني طلعت من بيت اهلي لن ما اريد مشاكل فه الي يصير خارج باب بيتنه معلينه بي اوكي وشنو تسمعين من اهلي خلي يدخل من هاي الاذن ويطلع من الثانيه لن ما نحصل منه بس دوخة الراس
بسمه : اوكي علي الي تريده يصير
علي: عفيه حبيبتي اريدج دايماً هيج بسمه اني اريد حياة هادئه
بسمه : ان شاءالله
بسمه: خلص اول اسبوع زواج حياة هادئة اكتشفت علي هوه قليل الكلام ابد ما يحجي اله اكو وموضوع او اسال على شي يجاوب اهله بعد ما رحت الهم ولا همه اجوي علينه اسمعه مرات يحجي وياهم بالموبايل ومرتين خالتي حاجتني بشكل عادي ماكو شي اهلي اخابرهم كل يوم حياتهم طبيعيه بس مصطفى يسال شوكت اجي عليهم كتله ان شاءالله باقرب وقت وره يومين ابويه سوه عزيمه حضرت روحي لبست فستان وردي فاتح وخليت مكياج بسيط وعلي لبس قميص سمائي وبنطلون نيلي
رحت لاهلي دخلت وسلمت على بابا وماما ورسل ومصطفى وما لكيت اخواني وره 10 دقائق اجه رائد ورافد
رافد : هلو بسومه وينج يمعوده مشتاقين
رائد : شكد جذاب قبل شويه يكول هم رجعت علينه عبالنه خلصنه منها
بسمه : بابا شوف شلون يحجون عليه
ابو رائد : معليج بيهم بابا البيت بيتج يتشاقون وياج
بسمه : هسه يجي بسام واكله عليكم
بسام : السلام عليكم يمكن سمعت اسمي
بسمه : كمت حضنته هلو بسام تعال شوف اخوانك شنو يحجون عليه
بسام : شنو بس لا ما نفذتو الخطة شنو انسوي نحاول بكل الطرق انطلع روحها حته ترجع ويه زوجها لن اذا حجيتو وياها ناعم راح تكعد ع گلبنه وترجع تاخذ الغرفه
بسمه : صافنه عليهم بابا جاي تسمع ولدك
ابو رائد : ولكم عوفو اختكم ليش تضوجوها بابا بسمه معليج بيهم وغرفتج محد يدخل بيها بس انتي
بسمه : انتبهت على علي ساكت بهذا النقاش كله هوه ولا كلمه اني هم سكتت حسيت بي انو يتمنى اهله هيج يتشاقون ويضحكون
كملنه اكل ونوب شربو چاي للعصر رجعنه
علي : بسمه هنيالج على هيج عائلة اتعرفين قبل اشويه حسدتج على خوانج
بسمه : من كال هيج انقهرت علي وعلى روحي تذكرت رائد من كعدني من المدرسه وحرمني منها شلون جانت فتره صعبه
علي : بسمه باجر دوام خلصت عطلتنه
بسمه : اوكي تمام لعد اكوم احضر غده لباجر
علي : لا حبيبتي تعاي باجر انجيب ويانه هوه احنه نفرين
بسمه : لا علي هسه اسوي بسرعه
علي : يا عيني ليش تعاندين تعالي نامي وباجر الله كريم
.
.
.
.
.
.
بسمه : خلص شهر وره عرسي حياة هادئة وكأي متزوجين انروح للدوام كل واحد يلتهي بشغله ومن نرجع نتغده وانام العصر نكعد علي يتفرج تلفزيون لو يروح لاهله اني اخلص شغل البيت لو اسوي غده لثاني يوم لو اكوي ملابس وهيج جانت حياتي اهلي اخابرهم............ومره وحده رحت لبيت عيالي بس من ادخل لما اطلع احس البيت مابي هوه اختنك منهم فد مره
علي : بسمه وينج تعالي جبت عشه
بسمه : الله يساعدك شلونهم عمو وخالتي
علي : الحمدلله يسلمون عليج ويكلولون خل تجينه
بسمه : الله يسلمك الله كريم عود امر عليهم هاي ليش جبت عشا ء اني سويت هنا
علي : لا عيني ما اريد اتعبج هوايه........انتي من الدوام للبيت وتسوين غده خلي العشه عليه
بسمه : علي هذا واجبي
علي : وانتي ما مقصره
بسمه : فرحت من حسيت بي منتبه للشي الي جاي اسوي وره اسبوع رحت لبيت عيالي دخلت وسلمت نفس حالهم ابد ما متغيرين نفس الرد عليه
سلام : انتي شوكت تتعلمين قبل كلت عروس وما احجي هسه راح يصير الج شهرين وانتي نفس التصرفات
بسمه : جنت بداخل صدمه هذا ويه منو جاي يحجي انداريت ورايه محد بس اني يباوع عليه
بسمه : انته جاي تحاجيني!؟
سلام : لعد ويه منو ويه امي اي انتي
بسمه : اني راح اسكت عن كل كلمه كلتها بس شنو الي اني سويته وضوجك
سلام : لعد شنو تسمين لبسج هذا وحجابج الي اسمه حجاب لو مكياجج
بسمه : ما اسمحلك تحاجيني او تفكر تدخل بشي يخصني اني عندي زوجي هوه الي يتحكم بشنو البس او شلون اطلع
سلام : انتي شلون تحجين وياي هيج منو سمحلج تتجاوزين حدودج
بسمه : مع حترامي الك انته الي جاوزت حدودك
سلام : هاي وين زوجها يجي يلطمها على حلكها لا اكوم اني اسوي لازم
علي : سلام ما اسمحلك لهنا وكافي انته اخويه الجبير وما اريد اتجاوز عليك
سلام : اكول لو تسكت مرتك هوايه احسلك من هذا الاستعراض يكون افضل
علي : لا استعراض ولا شي اني بكلشي سمحتلكم بس مرتي محد يدخل بيها قبل كلتها وهسه اكولها واضل اعيدها الف مره مرتي اني مسؤول عليها سمعتو لو لا يله بسمه كومي خلي انروح
بسمه : الي صار كولش ما عجبني بس من حجه علي اني سكتت
بسمه : طلعنه منهم علي صاير بارود العصبيه تطلع من عيونه
بسمه : علي بس على كيفك تره متسوه كل هاي العصبيه
علي : لا شنو متسوه غير ست الحسن والجمال اله تجاوب حجه خلي يحجي ويسكت ابحده
بسمه : ضليت ابصدمه علي اني شنو الي غلطت بس هوه اخوك من يوم نزلنه من الفندق لليوم كلما اشوفه يخزرني عبالك ما ادري شنو مسويتله
علي : ميخالف ما تجاوبي تعالي الي كوليلي بس اني شنو مالي احترام يمج ما تقدرين زوجج لو بعينج ما تحجين من كيفج
بسمه : بعد ما كدرت اتحمل راسن بجيت وضليت ابجي وعيوني دموع عشره عشره من القهر لحد ما وصلنه للبيت
من وصلنه
علي........................
...............
YOU ARE READING
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
