تم النشر بتاريخ 14/4/2022
لا يكفي أن تكون على قيد الحياة ♥️
بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
رحل ليعيش تحت الأرض بسلام تام ، رحل وترك خلفه غصة ومرارة ومكان يعجز الجميع عن ملئه، فقدُك موجع وفراغ غيابك موحشّ ولرحيلك حزن مختلف. •◌•◌•◌•◌•◌•◌•◌•★•◌•◌•◌•◌•◌•◌•◌• الكاتبة فاطمه علي🦋🦋 •◌•◌•◌•◌•◌•◌•◌•★•◌•◌•◌•◌•◌•◌•◌•
بسمه : رحت كعدت يم علي........صح بعدني ما امشي عدل لن رجليه بيهن رضوض و يوجعني بس افضل من الكرسي المتحرك ........ علي حبيبي تسمعني يا روحي...... علي ما كافي نوم... انته ما تنقهر عليه عايفني بوحدي..... حبيبي اني حامل علي رب العالمين يريد يعوضنه يله حبيبي شد حيلك وكوم خلي نكمل حياتنه بس انته صير زين كولشي ما اريد منك...... حجيت وبجيت وشكيت وعلي ولا كلمه ولا فتح عينه.... دخل الدكتور بسمه : دكتور شلونه وضع علي الدكتور : والله ما اخفي عليكم الكسر الي صاير بالجمجمه كولش قوي احنه سوينه الي علينه والباقي ع رب العالمين انتم ادعوله بسمه : دكتور هوه قبل كم يوم حرك ايده الدكتور : شي طبيعي حركه من عقل الباطن هاي اما هوه فهو فقد الوعي من الحادث لليوم مثل ما كتلج الجمجمه كولش متضرره .... هسه هوه حالياً تحت المراقبه وننتظر شيصير بسمه : بس طلع الدكتور شبعت بجي يم علي ابوس بيده علي فدوه اروحلك مو هيج لا عفيه مو كلكم تعوفوني علي ادري بيك تحس بيه ............ سامحني لن ما جنت البنيه الي تحلم بيها سامحني لن ما جنت الحبيبه الي تستحقها سامحني لن ما حبيتك من اول يوم شفتك بي سامحني لن ما خليتك بكلبي سامحني لن ضميت عليك قصة مصطفى سامحني لن ما جنت كد حبك الي سامحني لن ما حققت شنو انته تريد سامحني لن ما عرفت قيمتك سامحني علي سامحني يا عمري وحياتي ...... علي اترجاك لا تعوفني اني وابنك محتاجيلك حبيبي لا تتركني وحدي.... كل هذا الحجي اني واكفه يم راسه وابجي...... دخت كعدت على الكرسي غفيت......... علي : بسمه ليش هيج تسوين بروحج اني ما اقبل هيج تعذبين بروحج بسمه : حبيبي انته كعدت...... ليش علي ليش هيج تسوي بيه علي : حبيبتي مابيدي شي...... اريدج ترتاحين اني ما يهون عليه اشوف عيونج الحلوات يبجن بسمه : علي خلي نطلع من المستشفى علي : اي راح نطلع بس انتي ارتاحي..... بسمه لا تقهريني عليج وتبجين دائماً خليج قويه وخلي ايمانج برب العالمين قوي بسمه : ضليت صافنه على وجه علي شلون يباوع عليه ويمسح على شعري . ....... فزيت بسمه : اباوع هذا سلام واكف على راسي سلام : انتي ليش مو ادميه اني مو كلت ما توصلين هنا حسن : سلام اني جبتها..... يا اخي زوجته وتريد تشوفه سلام : زوجته لعد منو وصله لهاي الحاله غيرها بسمه : سلام انتي شجاي تحجي هذا زوجي شنو اني وصلته حادث صار النه كلنه هاي شوفت عينك جهالي ثنينهم راحو من اديه حسن : بسمه عوفي تعالي اطلعي ارتاحي واني ارجعج بعدين بسمه : اباوع على سلام وعلى علي اسولف وياه بعيوني..... علي تقبل بلي جاي يصير يمنعوني من شوفتك اكعد ورجعلي دلالي وهيبتي...... رحت بسته من راسه وايده بسمه : علي اني احبك اعرف بيك تسمعني وتحب تسمع هاي الكلمه حبيبي اني احبك.......... رجعت لغرفتي منهاره فدمره صار عندي وجع ابطني ماما جابت الدكتورة ضلت تحجي عليه لن كل وضعي تعبان وحته حملي بخطر من الحادث ولــ هذا اليوم اني ما مريحه نفسي وبس بجي وقهر وهبطة جهالي..... اني كل هذا عندي بصفحه وعلي وضعه بصفحه ثانية ضربتني ابرة مهدء نمت.......... كعدت على صوت صريخ وبجي بسمه : بسام شكو شنو هذا الصوت...... وليش انته تبجي بسام : بسمه........ بسمه : بسام لا تكولها....... بسام ابوس ايدك لا تكول ....... نزلت اركض طلعت من الغرفة شفت عمو وخاله وحسن واحمد وسلام ومنى كلهم يبجون ويصرخون رحت احس رجليه صارت ثكيله مجاي تشيلني وعيوني جمد بيها الدمع..... وصلت شفت علي يم راسه دكاتره وجاي يفصلون الاجهزه ويشيلون الصوندات منه....... علي اعرف بيك تتشاقه وياي يله كوم حبيبي شوف امك تبجي عليك وهذا حسن هم يصرخ ... علي ابوك راح يصعد عنده الضغط انته مو تحبهم مو لخاطري لخاطر امك وابوك اكعد علي يله ما كافي نوم بسام : بسمه الله يرحمه لا تسوين بروحج هيج بسمه : لا تكول هيج علي عايش هسه راح نرجع للبيت بسام : ما ردت تضل هيج اريدها تبجي لن اذا ما بجت تضل مثل حصره بگلبها....... بسمه علي مات انتهى كولشي بسمه : لا علي ما يموت ويعوفني بسام : كافي حبيبتي..... حظنتها وهيه تضرب على صدري بس الي تضربني مو بسمه الضعيفة الرقيقه لا روح بسمه المحتركه هيه الي تضرب بيه بسمه : علي كوم لا تعوفني علي لا انته مو كلت ماتعوفني يله كوم حبيبي فدوه لعينك كون بسام : من غطو راس علي بسمه نهارت فد مره..... اني نسيت علي وابجي على حالها........... لطمت وملخت شعرها وبجت لمن ملت لحد ما فقدت انوب اني ضليت بوحدي لن امي و رافد رجعو للبيت قبل ما يموت علي نقلت بسمه للغرفه اجتي الدكتورة فحصتها كالت صار عدها نهيار عصبي وفقدت الطفل...... يا ربي شنو هل الاختبار الصعب الي صار لـــ بسمه.
Oops! This image does not follow our content guidelines. To continue publishing, please remove it or upload a different image.
