I'm In Love With Ms. Author (GirlxGirl) COMPLETED

Chapter 12

Blake POV

Gabi na, pero heto pa rin ako, dilat na dilat ang mga mata at gising na gising ang diwa.

Hindi ko alam kung bakit ayaw akong dalawin ng antok. Kanina ko pa gustong matulog pero everytime na ipipikit ko ang mga mata ko, agad ko na rin imumulat ito.

Napahinga ako ng malalim at tinignan ng masama ang natutulog nang si Eli sa tabi ko. Ang lakas naman kasing humilik ng lalaking ito. Tsk!

Himala nga at nakatulog ito kaagad pati na rin si Faye.

Inaayos ko ang aking sarili bago nagpasya na lumabas na lang muna ng aming tent. Hindi rin naman kasi ako makatulog, anong gagawin ko doon sa loob? Magbilang ng oras?

Naupo ako sa may unahan kung saan matatanaw ang malawak na kalangitan at kitang kita mula rito ang nagkikislapang mga bituin.

Hindi ko mapigilan ang mapangiti sa aking sarili. I really love the stars.

Simula pa lamang noong bata pa ako, gustong-gusto ko na sila at talagang kusang kumakalma ang kalooban ko, pati na rin ang magulo kong isipan sa tuwing nakakakita ako ng mga bituin. Ang ganda kasi nilang pagmasdan. Hindi nakakasawang panoorin mula rito sa ibaba.

Hindi nagtagal ay naramdaman ko na lamang ang malamig na simoy ng hangin kasabay ang pag ihip nito kaya medyo napayakap ako sa aking sarili.

Maririnig din sa buong kapaligiran ang ingay ng mga insekto na siyang mas lalong nagpapalalim ng gabi sa pakiramdam.

Noon naman naamoy ko ang pamilyar na pabango mula sa aking likuran. Napatikhim ito sandali. Kahit na hindi na ako lumingon, alam ko na kung sino iyon.

Naupo ito sa tabi ko,habang ako naman ay nanatili pa ring nakatangad tanaw ang mga bituin. Hindi ko ito binigyan ng isang tingin. But I must admit, her presence makes my heart so warm at this moment.

Napatingala rin ito sa kalangitan kagaya ko.

Napalunok ako at doon nagpasya si Tala na basagin ang katahimikan.

"Hindi ka rin ba makatulog?" Tanong nito. Ngunit nanatili akong tahimik habang kapwa nasa itaas pa rin ang aming paningin.

"They are all shining like you." Tukoy niya sa mga bituin na aming tinitignan.

Dahan-dahan naman na nagbaling ang aking paningin sa kanyang magandang mukha. Awtomatiko na gumuhit ang ngiti sa aking labi nang makita siyang nakangiti habang nasa mga bituin ang kanyang mga mata.

"But you are the brightest star I have ever seen." Buong puso na sabi ko sa kanya, walang halong pambobola o kung ano pa man.

She's the brightest and the most shining star I have ever seen. "Totoo nga pala talaga." Dagdag ko pa dahilan para mapakunot ang noo niya at tuluyang napatingin na ito sa akin. "Bumababa nga pala talaga ang tala." Pagpapatuloy ko bago siya binigyan ng matamis na ngiti.

Lahat ng sinasabi ko ngayon, hindi ito mga banat. Lahat ng ito, sinasabi ko mula sa aking puso at walang halong kabulastugan. Dahil siya naman talaga ang pinakamagandang tala na aking nakita. Para sa aking mga mata.

Napahinga lamang ito ng malalim bago napailing. Ngunit makikita naman na nakangiti ito sa gilid ng kanyang labi. Sandali na naman kaming natahimik, bago ito muling nagsalita.

"I have a sister." Panimula niya.

Hindi ako nagsalita at sa halip ay inihanda na lamang ang aking sarili sa susunod niyang sasabihin. Nakahanda akong makinig sa gusto niyang ibahagi sa akin tungkol sa kanyang sarili. I am so excited to know everything about her.