🖤 PSYCHO 🖤
Part - 1
Switzerland...... ။
Rose Palace ( နှင်းဆီနန်းတော်စံအိမ်)
ရဲကားတွေ ဆေးရုံကားတွေက Rose Palace ရှေ့ ရှုပ်ယှက်ခတ်နေသလို လူနာထမ်းစဥ်တွေနဲ့ ထွက်လာသည့် အလောင်းတွေထဲ အလောင်းတစ်ခုသာ အကောင်းပကတိရှိကာ ကျန်သည့်အလောင်းတွေက ခုတ်ထစ်သတ်ဖြတ်ထားသည်မို့ သွေးသံရဲရဲဖြင့် ဝိုင်းအုံကြည့်နေကြသည့်လူတွေပင် အလန့်တကြား ထအော်ကြစေသည်အထိ သွေးပျက်စရာကောင်းနေသည်။
" ဖအေ အလောင်းပဲ အကောင်းပကတိရှိတာပေါ့။ "
" ဟုတ်ပါ့အေ.....အမေရော ကျန်တဲ့ကလေးနှစ်ယောက်ပါ သေနေတာ ပိုးစိုးပက်စက်ပဲ။ "
" ဟဲ့.... ကလေးက သုံးယောက်လေ...."
" အငယ်လေးကျန်သေးတယ်.....မသေဘူးတဲ့။ "
" ကလေးသနားပါတယ်ဟယ် ..."
တစ်ယောက်တစ်ပေါက် ပြောနေကြသည့် စကားသံတွေအဆုံး ဆေးဝန်ထမ်းတွေချီလာသည့် အသက် ဆယ်နှစ်အရွယ်ကလေးငယ်တစ်ဦး။ သွေးတွေပေလူးနေသလို မျက်လုံးပြာလေးနှင့် ချစ်စဖွယ် ထိုကောင်လေးမှာ ယနေ့ညတွင်းချင်းပင် တစ်ကောင်ကြွက်ဖြစ်သွားပြီဖြစ်၏။
ထိုကလေးနာမည်က.....ဂျစ်။
" ညီလေး.....ရေလေးသောက်လိုက်နော်။ "
ဖအေဖြစ်သူ၏ အလောင်းကိုလှမ်းကြည့်နေတာမို့ ဆေးဝန်ထမ်းလေးက မြင်ကွင်းမှာပိတ်ရပ်ကာ ပြုံးရယ်ရင်း ရေဗူးလေးကမ်းပေး၏။
" ကျေးဇူးတင်ပါတယ် ကိုကြီး။ "
ဂျစ် ရေသောက်နေစဥ် အမေဖြစ်သူ၏ သွေးပျက်စရာအလောင်းကို လှမ်းမြင်လိုက်ရ၏။ ရေသောက်နေရင်း နှုတ်ခမ်းပါးထောင့်စွန်းက မသိမသာ အပြုံးရိပ်သမ်းသွားသလို လူနာတင်ကားလေးပေါ် လှဲအိပ်ချလိုက်သည့်အခါ သက်တောင့်သက်သာ ရှိလှသည့်ခံစားချက်။
ကောင်းလိုက်တာ......။
ဒီနေ့ အိပ်ရေးဝဝအိပ်ရပြီ ထင်ပါရဲ့။
နှောက်ယှက်မည့်သူ မရှိတော့ဘူးလေ.......သေပြီ။
-------------------
ကျောင်းကားထိုးရပ်လာသည်နှင့် ရှူးဖိနပ်ပန်းရောင်လှလှလေးစီးထားသည့် ခြေထောက်လှလှလေး ဆင်းလာသလို ပန်းရောင်ဂါဝန်အကားလေးကို ဝတ်ထားသည့် ဆယ့်ငါးနှစ်အရွယ် ကလေးမလေးတစ်ယောက်။ ချစ်စရာမျက်နှာလေးက မပြုံးပဲ တည်တင်းနေသလို အိမ်ထဲမှ ပြေးထွက်လာသည့် အိမ်အကူအမျိုးသမီးကြီးကိုမြင်တော့ ပိုဆိုးသွား၏။
ŞİMDİ OKUDUĞUN
Psycho 🔞 ( Complete)
RomantizmFic name အတိုင်းပါပဲ။ မောင် နဲ့ မ ကိုမှ ဆိုက်ကိုဆန်တဲ့ စိတ္တဇလူသတ်သမား မောင်လေး နဲ့ မာနကြီးကြီး ခပ်ထက်ထက် မမတို့ ရဲ့အချစ်ဇာတ်လမ်းပါ။ 20+ မို့ အဆင်ပြေမှ ဖတ်စေချင်ပါတယ်။
