الجوكر والأسطورة ..4... صراع الشياطين .. آية محمد رفعت

الفصل_الثامن_والعشرون.

#الجوكر_والاسطورة4.....(#صراع_الشياطين...).....

#الفصل_الثامن_والعشرون...

الطائرات الورقية البيضاء تعلق بالسماء ببراعةٍ وكأن من يحركها فنان محترف، أحداهن تتمايل بخفة في محاولة خبيثة لقطع حبل الطائرة المجاورة له، بينما الأخر يصد هجماته بمهارةٍ وإتقان، لاح على وجه الجوكر بسمة انتصار حينما تمكن من قطع الخيط الرفيع عن طائرة "رحيم" فتطلع جواره متعمداً غمسه بنظرة تحفها النصر قائلاً بغرور:

_متسهنش بذكاء اللي واقف معاك حتى ولو في اللعب..

إبتسم "رحيم" وهو يجذب خيطه المقطوع ليضعه جواره متعمداً تجاهل شطره الاخير من الحديث، فأستند بجذعيه على السلم الخشبي الصغير ليهبط من أعلى سطح الغرفة الصغيرة التي كانت بمثابة استغلال لاستعمال الطائرات من على اعلى ارتفاع بالمنزل، هبط للأسفل لترفرف عينيه على نهاية سطح منزله البسيط فيراها وهي تضع الطعام على قطعة الحصير الصغيرة كمحاولة لمعاونةٍ "حنين" التي بدأت بتناول قطع البيتزا بنهمٍ، وقف "مراد" لجواره وهو يتطلع لما يجعله شارداً هكذا فقال:

_بتفكر لسه في أيه خلاص سوء التفاهم اللي فات كله اتحل، "أشجان" خلاص اتقبلتك زي ما أنت بشكلك وأسمك الجديد..

اتسعت بسمة ساخرة على شفتيه وهو يجيبه بألمٍ يصعب وصفه:.

_اتقبلتني بس وهي مش مستوعبة هي داخلة على أيه!....

ثم استدار بجسده كلياً تجاه أخيه ليستكمل حديثه بحزن:

_زمان كان حلمنا بسيط زي أي اتنين بيحبوا بعض، يمكن السبب اللي خلاها تنفر مني كل الوقت دا ان "فريد" اللي كانت تعرفه كان شاب بسيط بيشتغل بدراعه عشان يكفي مصاريف يومه، شاب مالوش في المشاكل ولا بيحب الحوارات أما اللي قدامها دلوقتي هو واحد ميعرفش غير القتل وأخدان الحق والانتقام، كل ده يا "مراد" كنت بفكر فيه قبل ما ازعل منها ومن تصرفاتها...

بدى غير راضٍ عن طريقة حديثه فقال بإعتراضٍ جلي:

_انت مش بتقتل في خلق الله ده شغلنا ودي رسالتنا، مهو مش معقول هنسيب ناس تفلت بعمايلها القذرة دي عشان منقتلش!، مش ده كلامك ليا، أنت اتغيرت من يوم واحد قضيته بالبيت دا ولا أيه!!..

تعالت ضحكات "رحيم" فجلس على السور المقابل له متابعاً على شاردة وواردة تفعلها، فقال بغموضٍ:

_لأ، متغيرتش أنا بشتغل طول الوقت حتى وأنا هنا متقلقش..

ضيق عينيه بذهولٍ، فباغته بسؤالٍ ساخر:

_بتشتغل وأنت هنا ازاي!...

أجابه بعد صمت مطول:

_أنا عرفت مين اللي من الداخلية اللي بيساعد الناس دول او تقدر تقول أتاكدت من شكوكي..