صباح السكر والسعادة حبيباتي، في عدة نقاط هامة هوضحها بالبوست ده...
أولاً علي شخصية جديدة كلياً وده أول ظهور ليه يعني محدش ناسيه ولا حاجة..
ثانياً ليه مذكرتش أن ريحانة وحازم تزوجوا، لانهم ببساطة شخصيات ثانوية (فرعية) اي سهل الاستغناء عنها، ورغم كده أنا بحاول كل فترة أكتب عنهم مشهد بحيث حضراتكم يتنقلكم صورة عن حياتهم فيما بعد، فمن المؤكد لهما الزواج وأخر مشهد ظهر فيه حازم وقت موت بيبرس وكلامه كان بيدل على كده..
ثالثاً، ليه ريان حالته ساءت بالشكل ده، فهو اكيد بعد موت والده في حالة لا يحسد عليها لا قادر يعمله عزا ولا يقولهم اللي حصل لان بالشكل ده هيفتح باب للقيل والقال وهيعرفوا اكيد مات ازاي ومين اللي قتله والاهم ليه مات بالطريقة البشعة دي وهنا هيتكشف اللي كان بيحاول يخفيه، هو حالياً مزلزل نفسياً وفجأة عرف انه هيكون اب فهو اكيد مش مهيأ نفسياً...
رابعاً، ليه يامن اتغير كده؟..
يامن متغيرش، يامن كان عايش حياته بالطول والعرض وفجاة اتدبس في كل حاجة فهو مش لاقي وقت لفاطمة لكن تغيره هيكون امته في حادث معين هيحصل بعد الجواز وهيكون محور مهم للرواية وبالاخص الجزء الخامس، فترقبوا كل جديد وعلى وعد بأن الجزء ده هيكون مرضي لحضراتكم بشكل كبير لانه الختامي لسلسلة دامت لعام ونصف والحمد لله أتت ثمارها بالنجاح والصدى المسموع عنها...
وأخيراً، بتمنى كده تشاركوني بأرائكم في الكومنتس والريفيوهات زي ما كنت متعودة منكم، انا مزعلش من المناقشة أبداً فأختلاف الأراء لا يفسد للود قضية.. صباحكم ورد..
#Aya
![](https://img.wattpad.com/cover/317232760-288-k559475.jpg)
YOU ARE READING
الجوكر و الأسطورة.. 5.. متى يهتدي الوصال ؟ ... آية محمد رفعت
Romanceجميع الحقوق محفوظة للكاتبة 2021 الجزء الخامس من الجوكر و الأسطورة على مفترق الطريق كنت أنت لجواري!... حتى وإن طالبك اللسان بالرحيلٍ وناداك القلب شوقٍ!.. فلوعة الغرام يعهدها زمن ووعد بالبقاء، وها أنت يا سيدي تعيد ذكرى ما أضرمته الليالي من فتورٍ وآ...