حب محكوم بالأعدام

part6

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام  
#بنين الزيادي

~~~~~~~~~~~~~~~~~~

ماحسيت اله ؏ شي بارد ؏ كصتي
فتحت ؏ـيـُونـʊ̤ بَهدوء
لكيت ماما كاعد يم راسي ودسويلي كمادات باردة

من شافتني فتحت ؏ـيـُونـʊ̤
ردت عليه بلهفة
... ماما وتونة شون صرتي حَبيبتي قلقتيني عليج

ـ ماما راسي وجسمي يوجعني

ردت بحزن وعيون مدمعة
...سودة علية ماماتي ،غير لكيتج موجرة نار شلون تنامين والسبلت مشتغل وشعرج مبلل ،راد ابوج ياخذج للمستشفى بس ماقبلت كلت اني اسويلج كمادات وتصيرين زينه

رديت عليها بهدوء
ـ اي همزين ما اخذتوني هـسهہ اصير انام واصير زينة

قاطعني بابا وهوَ يدخل للغرفة
تقرب يشوف حرارتي وهوَ يحجي
...ها شلون صارت حبيبة ابوها

ـ زينة بس دايخه ڪـلش

رد وهوَ يبوس كصتي
... هـسهہ تسبحين بماي دافي وتاكليلج لكمة يطير ابو المرض

دخلت رنين
وهي تكول... آتــفق وياك حمودي يتعافئ المرء بمعدته

تقربت وهيه تكعد يمي وتبوس خدي

ابتسمتلها
كَومتني رنين للحمام وجابتلي ملابسي حتى اسبح وراحت ماما تسويلي اكل

سبحت وطلعت بس بعدها الدوخة بيه
نشفت شعري ورجعت لجربايتي كعدت
دخلت ماما وهيه شايلة صينية الاكل وراها بابا

جبروني أكل ونطوني علاج رادت ماما تنام يمي بس ماقبلت كتلها خلص صرت زينة بلكوة يلله قنعتها

اخذت موبايلي ودزيت لكوثر
"ڪوثࢪيہ باجر مااكدر اداوم اخذيلي اجازة "

بعدها خليت راسي ونمت

فزيت ما ‎ﭑ؏ـرف شنو الوقت باوعت هاي مو غرفتي اني بغرفة بيضه ومشكليلي كانونة
درت وجهي شفت ماما ورنين نايمات ؏ سرير اليمي وبابا هم نايم ؏ كرسي

تحركت بهدوء
فزت ماما شافتني كاعدة اجتني بسرعة
... ها يروح امج شلون صرتي ولج وكعتي ڪلبـي عليج ڪُل ماادخل اشوفج واجه نار ،كتلج خل انام يمج ماقبلتي، هوَ الصوج صوجي ابوج راد ياخذج للمستشفى من اول ماكعدتي بس اني ماقبلت..

ـ ماما ماما خلص اهدي مابيھہ شي صرت احسن
بعدين ليشۂ جبتوني للمستشفى مو البارحة صرت زينة