حب محكوم بالأعدام

part24

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

رد عليـه
.

.. قحطان و رُسـل سوو حادث

ـ عزاااا بيهم شي باباا رد عليـه بيهمممم شي

بابا ... مانعرف وضعهم لحد الان وانا اتصلت بيج
حتى اتأكد انتِ بيت خالتج لو رجعتي وياهم يلله
بابا رايح انا

ـ بابا عفيه طمني عنهم حباب

سده من عندي وانا ضليت الوب القلق موتني
كعدت خالتي تهدي بيه واني نهاريت بلبچي

مرت ساعتين وبابا ما اتصل
اتصلت عليـه مارد اتصلت ؏ ماما هم ماترد
صار وقت العشاء ، جابتلي خالتي العشاء ما قبلت اكل
نفسيتي نسدت عن كلشي الليل كله اني اتصل ومحد يرد كلت اكيد صار بيهم شي لهيج محد يرد اي اكيد

طلعت من الغرفـة لكيت خالتي كاعدة بصالـة
ـ خالة عفيه اخذيني للبصرة محد يرد عليه واني
متاكدة صاير بيهم شي ليشۂ محد يرد

خالتي ... وتونه פَـبيبتـ‏ʊ̤ الدنيا ليل وين اخذج
تعالي يمي كعدي واهدي ان شاء الله مابيهم شي
تلكين ابوج انشغل وياهم بلمستشفى وامج خلص موبايلها شحن ..

ماطمني كلامها ﭑبـد ولا ريح ڪلبـي
رجعت للغرفـة اتصلت بغرير مترد ورنين كذالك
اتصلت بلبنات كلهم ميردون انوب رجعت اتصلت
بشباب هم مايردون ..

ضليت الوم بروحـي ، صوجي مارجعت وياهم صوجي
لو مسويه الحادث وياهم ولا هل شلاع الكلب
ضليت للصبح سهرانه منتظرة اتصال منهم يطمني بس
محد اتصل ولا واحد يرد ؏ اتصالاتي ..

حتى للجامعـة مالي نفس آروحـح وامتحن
بس بعد ملحه من خالتي يلله قبلت آروحـح
وزعوا الاسئلـة واني حتى مالي خلك اقره بس
ضغطت ؏ نفسي وحليت ؏ كد النجاح وطلعت

رجعت للبيت بس طك الصبر مو مال اكعد انتظر
واحد يحن عليـه ويتصل كمت كونت ؏ خالتي اله هـسهہ تاخذني للبصرة رادت وياي حاولت ما قبلت
كتلها تاخذيني انتِ لو آروحـح وحدي

من شافتني مصرة وقراري ماله رجعـه
كامت اتصلت ؏ زوجها انطته خبر كالها روحـي
اني شوي واجي من الدوام ابقى يم البنات

راحت هيه تبدل واني هم بدلت بس ڪلبـي
واج نار لو بيدي اطيࢪ واحط وواصل للبصرة
اجرنه سيارة وانطلقنا للبصرة احسب للوقت دقيقة دقيقة حتى اوصل واسمع خبر عنهم يطمني

بطريق دك موبايلي ،، بابا
رديت بلهفـة
ـ ها بابا بشرني

رد عليـه
... ها بويـه راح اجيج اخذج انا حضري روحج