حب محكوم بالأعدام

part28

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

اباوع لتيجان دنكت وكامت تبجي
بس الصدمنا رد صگر وعصبيتة 

... عمه التحجين عنها صارت مرتي
واليمسها يمسني هذا الحجي ماريد اسمعه
بعد لا منج ولا من غيرج ومالها علاقة بقتل
قحطان ورُسـل

عمتي عوجت حلكها وسكتت والكل
أيد صگر ؏ كلامـة وماقبلوا ؏ ڪلام عمتي

سئلت جدو عمتي ام باقر
؏ موعد زواجنا

جاوبها جدو
... ولله ماممحدينة ليمته بضبط
بس ان شاء الله عن جريب (قريب)

ذياب ... ماكو زواج قبل سنة قحطان ورسل

صاح جدو
... ذويب صاير هواي تكسر چلامي
وتقرر وحدك

ذياب ... لا جدي حشا كلامك ؏ عيني وراسي
بس زواج قبل دورة سنة قحطان ورسل ماكو

جـدو ... وياهو الكال تزوجون كبل دورة سنتهم

ذياب ... غير انتَ تكول عن قريب

جدو ... صحيح كلت عن جريب بس ماكلت
باچر تعرسون

سكت ذياب
الظاهر جان ديوصل فكرة لجدو حتى
لو جان عندة نيه زواج قبل دورة السنة يلغيها
جدو هم سكت عنه

مرت كم يومي طبيعي ماكو شي جديد
غير تيجان الي اخذت ؏ وضع شوي
بس بعدها تستحي من شباب ووين متشوف
صگر بمكان تختفي منه ..

انتبهت الها ماعدها موبايل كلت لازم اكول
لصگر يجيبلها لان ادري هيه لو اطگ راسي بلحايط
ماتكله تستحي ..

بعد ما خلصنا غداء والكل راحو لغرفهم
صعدت اني لغرفة صگر دكيت الباب ؏ كيف
صاح تفضل ، دخلت وانصدمت لكيت يمه كاعد
ذياب توقعته لوحدة هلوقت

صگر ... ها وتونه كولي

توترت ضليت اباوع لذياب اليباوعلي
وارجع اباوع لصگر

ـ ءء مو هذا عبالي وحدك خلص يلله
براحتكم بعدين اجي

صگر ... لا شنو تردين عادي احجي ماكو
احد غريب

ـ هو شسمه هذا شيسمونه مو علمودي
بعدين نحجي صـ ..

قاطعني ذياب وهو يكول
... ابقى انا طالع

طلع هوَ واني باوعت لصگر وابتسمت
كال
... احجي يلله شنو ردتي

ـ شسمه صگر خطيه تيجان ماعدها موبايل
من دونه كسرت خاطري كلنا عدنا موبايل بس هيه
ماعدها عاد كلت خل اكول لصگر هو يجيبلها
بما انُ هوَ المسؤل عنها وهيه تستحي تكلك

صگر ... ليشۂ ماعدها يعني من اجت ماعدها

ـ اي عد اهلها البنية مايخلون عدها موبايل
اله تزوج