حب محكوم بالأعدام

part19

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

بس الي صدمنا ڪلام ذياب وهوَ يكول
... حسب ما كال الكهربائي انُ الساخن جان مشتغل وطك يعني مو وحده

قحطان ... الساخن بلحمام الفوك وانا مااصعد لفوك استخدم الحمام الجوه بس البنات فوك فَـ اكيد وحدة من البنات ناسيته يتشغل

رديت عليـه واني متأكدة من كلامي
ـ اني مامشغلتـة متأكدة وحتى لو اشغله شوي واطفي متعودة ﭑبـد ما انسى

بعد ما الكل سمع كلامي الكل وجهه نظرة لـ صفاء
حجه قحطان وهوَ يوجهلها السؤال
... صفاء انتِ ناسيـة السخان يشتغل من الليل

ردت بتوتر
... مادري يمكن نسيته

قحطان ... ادري الواحد ينسى ساعة ساعتين ثلاثه مو يوم كامل يعني من الليل لحد ثاني يوم ورحتي لدوام وانتِ ناسيـة

كامت تبجي ، اردف ذياب
... ماله داعي تبجين ماكال شي قحطان بس استغربنا من نسيانج المو طبيعي وحاولي مره ثانيٰۿ تنتبهين هاي المره عدت سلامات وما جنتو بلبيت المره الثانيه الله يستر

حجت عمتي شيماء بصياح
... شنو قصدكم تتهمون بتي حاركـة البيت شني عدها عداوه وياكم وﭑصلاً  منو كال هيه المخليه الساخن يشتغل يمكن وتين المحد حاجاها لو لان كاعدين بيت ابوها ومدام هيج بعد بتي ماتكعد وياكم تروح عمتها

قاطعها ذياب بحده
... بسج عمه احنا موش جهال كدامج وتعلين صوتج علينا احترمينا زلم مشوربه كاعده لو ما انچ عمتي چان عرفت شرد عليج وشنهو تصرفي وياج

كمل عنه قحطان بنفس النبره
... وبتج ما اتهمناها بس هذا غلطها غصباً ماعليها تتحمله من نست السخان شكالت لروحها لو موجودين بلبيت احنا ما نموت؟ وتكولين وتين محد حاجاها طبعًا مانحاجيها بيا ذنب نحاسبها ونحاچيها شنهو السوته وبيت ابوها التحجين عنه هوَ بيت عمي موش بيت غريب يعمه ثمني حجاياتج كبل لا تنطقينها وبتج الله ومحمد وعلي وياها وين ماتردين تودينها وديها واذا تريد تسكن ويانه عين اغطى وعين فراش .

حجت وهيه توجهه كلامها لجدو
... شفت بويه شفتتت ولد ابنك يعلون صوتهم عليه وانتَ حاضر بعد شويه ويطردوني من البيت

رد عليها جدو بعصبيه
... ابلعي لسانج يمره ولد ابني ماحجوا اله الحك انتِ رفعتي صوتج عليهم وماحترمتيهم وهم شواربهم تارسه وجوهم  وحتى ماحترمتي وجودي انا واخوتج وبتج محد حاجاها بس انتِ كمتي طفرين وحدج

شيماء ... انعملله عليك يا بوي انا رايحه لبيتي

جدو ... مادامنا مازعلانج روحـي الله وياج