حب محكوم بالأعدام

part22

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

راح هوَ ينام وكملنا جنطنه اني ورُسـل
وبعد ساعـة كعد هوَ وبدلنا وقفلنا البيت
وطلعنا بس الي صار انُ بعد ما طلعنا من منطقتنا

صاحت رُسـل
... يا قحطان نسيت جنطتي

رفع عينه باوعلها بلمراية وخزرها
قحطان ... وبـ؏ـدين ويه الفهاوه

رُسـل ... اسفۿ بس ولله مدري شلون نسيتها

ضل يدردم وفر الستيرن ورجع
نزلت رُسـل ؏ سريع فتحت الباب وراحت
جابت الجنطه واجت ..

قحطان ... تأكدي بعد خاف نسيتي روحج مابيھہ
حيل ارجع مره ثانيٰۿ

رُســل ... ههه لا مانسيتها تكدر تمشي هـسهہ

هز راسه وحرك
وصلنا للبصرة ساعـة بـَ 7:30

نزلنا وقحطان نزل الجنط رحت دكيت الباب
فتحته غرير سلمت عليها واخذت الجنطه من أيدي
ودخلنا جوه لكينا الكل منتظرنه بلصالـة

سلمت عليهم كلهم وبـ؏ـدين وصلت يم بابا
برطمت وعيوني غررن بلدموع فتحلي حظنه
حظنته حيل ودموعي صارت تنزل ، هوَ جان هادء
حيل ماحجه وياي ولا كلمة بس حاظني والكل انتبهوا الي ويصيحون شبيها منو وياها ، واني ماهتميت متعلكه بركبة بابا وابجي تقريباً بربع ساعـة اني ابجي ..

مشتاقتله ومهضومه من ضرب قحطان اليه
رفع راسي من حظنه ومسح دموعي وكال

... حيل ابوج انتِ شبيج منو وياج

صرت اشهك بلزايد ودموعي مااسيطر عليهن
ولثتي ترجف ، لزمني من ايدي بابا وترخص منهم
... وكال اخذو راحتكم

اخذني جوه ذراعه للمغسله غسل وجهي بيده
وبعدها اخذني للغرفـة كعدني ؏ جربايـة وكال
... سولفيلي بويه شبيج

كعدت سولفتله كلشي بلحرف الواحد
ڪُل ماذكرله ضرب قحطان يعكد حواجبه آڪــثر
بس ماحجه بس يسمعني من كملت كلامي كال

... باباتي انتِ غلطتي هم غلطتي

ـ يعني يحقلـه يضربني

بابا ... لا والف لا انا من كتلج غلطتي مو ابرر
ضربه الج لا بس حتى اذكرج بأغلاطج حتى متعيديها
زين بويـه ، وحسابه وياي انا اعلمه شلون يضربج حتى
لو غلطتي يجي يكلي بتك غلطت بس مال يضربج لا