حب محكوم بالأعدام

part15

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

كمنا نتراجف منندل طريقنه منين
رفعت راسي وجان اشوف قحطان وذياب
وصگر ولياث يتقدمون بتجاهنه بدون ولا كلمه
لزموا لشباب ووكعولهم دك بوكسيات ودفرات وغلط

التمت العالم ، واجوا الشرطه فاككوهم
واخذوا الشباب وراحو

باوعت لقحطان الحواجب معگودة
والعيون حمر من العصبيه واحسـه حيموت من كد ميتنفس سريع تقدم يباوعلنا بعين غصب وهوَ يكول
... امشن كدامي سكته حسابجن بلفندق

اباوع لذياب وصگر ولياث نفس تصرفات قحطان
هم الوجوه حَمر والحواجب معگودة ويخزرون بينه

يا احنا شلعينا

ذياب ... حسابجن وياي عسير

اباوع للبنات وياي رُسل ورنين
وغرير وطيبه بت عمتي علياء

صگر ... يلله كدامي للفندق وجهه طلعه انتن

ردت عليـه طيبـة
... احنا شلنا علاقة مو شفتهم هُما يفترون ورانا

رد عليـها بعصبيه
... اييي وانتن مكيفات الشباب تتحرش بيجن

طيبـة ... عيب هلحجي شنو مكيفات ششفتنا

راد يرد عليها قاطعـة قحطان وهوَ يكول
... اسكتووو يلله بلفندق نحجي مو بشارع، وانتن امشن كدامنا يلله

مشينا كدامها متجهين للفندق
ثنين يمشون كدامنا وثنين يمشون ورانا ندست رُسل
ـ دخيل الحمزة چَنه سبايا ثنين كدامنا وثنين ورانا ادري خاف نشرد

رُسل ... هههه اسكتي ولج ليسمعونا ويعيطون بينا

ـ سكتنا

بطريقنا للفندق لاكينا اهلنا مكملين زيارة
وطالعين رحت وكفت يم بابا ولزمت ايده

سئل جدو
... چَا وين جنتوا رايحين

رد عليـه غياث
... جدي جنه رايحين للفندق كملنا زيارة

باوعت لبابا واني اكول
ـ بابا ولله بعد وكت خلي نطلع نتونس

باوع بابا لساعته وكال
... صحيح بعد وكت الساعة توها صارت ب8 ونص خلنطلع اذا ماتعبانين

اباوع لقحطان بقى يخزر بيه
درت وجهي عنه سويت نفسي مامنتبها
انتبهت للبنات يدزولي بوسات بلهوء بسكته
ضحكت عليهن والكل وافق انُ نطلع نفتر ...