لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
دخلت للبيت والابتسامة مالية وجهي
وذياب عفته وراي ..
لكيت نسوان عمامي والبنات كاعدات بصالة
وجدو وغياث كاعدين هم بس وجوهم ما تبشر بخير
ـ شڪِۅ شبيكم
جدو ... تعاي جدي كعدي يمي
ـ شڪِۅ جدو شصاير شبيكم وين امي وبابا ورنين والباقي وين
جدو ... ماكو شي بوية بس امج صعد ضغطها
واخذوها للطبيب
خلال كلامة دخل ذياب واني احس حيل باد ودموعي حسيتهن چون خدي ، باوعت لذياب وصحت
ـ ذياب اخذنييي لأمي
ذياب ... اي بوية يلله تعاي بس خل اخابر صكر
اشوف بيا مستشفئ
اتصل ذياب ؏ صكࢪ ، واجني البنات يهدن بيه بس اني بالي يم مو يمهن ڪُل تفكيري يم امي
انتبهت لذياب وهوَ يختم المكالمة
... ها يعني اجيتوا بطريق ، تمـام
نزل الموبايل من اذنه وكال
... كال جاين بطريق مايحتاج نروح بعد
ـ ما كالك شبيها ماما شون صارت
ذياب ... زينة ان شاء الله
ضلينه كاعدين ننتظرهم ، لحد مادخلت ماما سانداتها
عمتي ورنين ركضت الها حظنتها وابچي بصوت
ـ شبيج ياروحي ، ليشۂ تخربطتي مو عفتج كلشي مابيج
بيبي ... ولج يمه عوفيها المره تعبانه خلتكعد
وسولفي وياها
كعدنها ؏ قنفة بلصالة وكعدت ؏ ركبي يم وجليها
ـ سولفيلي يروحي شبيج ليشۂ تخربطتي ريت المرض بيه ولا ييج
نزلن دموعها ومسحتهن
... مابيھہ شي פَـبيبتـʊ̤ صعد ضغطي لان خربطت بلاكل
صاحت رنين
... لا يمه ليشۂ تذبين الصوج بلاكل وهوَ الصوج بوتين الصار بيج بسببها
انصدمت من حجي رنين اول مرة تحجي بهلنبرة
وكفت كدامها
ـ شبيج رنين شنو بسببي احجي
رنين ... اييي بسببج الصار كله بأمي بسببج
ـ شسويت اني
رنين ... بابا تعارككك وياها علمودج لان رزلتج وهيَ تخربطت لو صاير بأمي شي مااسامحج لا انتِ ولا بابا
صاحت بيها ماما
... ولججج رنين تأدبي
ماجاوبتها بس احس لثتي كلها ترجف من كلامها
وبس احرك جفني يوكعن دموعي ، الكل ساكت يباوع بصمت باوعت لبابا لكيته مدنك راسة ..
ماعرف شسوي اعاتب منو واحجي ويه منو
أنت تقرأ
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
