حب محكوم بالأعدام

part47

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

فتحت الباب وانصدمت بـ ذياب كاعد ؏ چرباية
رفع راسـه باوعلي سويت نفسي مااشوفـة حتئ
ماسلمت نزعت عبايتي وجنطتي خليتهن ؏ ميز
التواليت ثواني وحسيت بأيدة تجرني من زندي

باوعت لأيدة الكامش بيها ايدي ورجعت باوعتله
ـ هد ايدي مُمڪن

حجه بهدوء وعينه بعيني
... وتين كايلج الف مره سوالف البرود والتجاهل
مايمشن عدي عدلي اسلوبج

رديت ببرود
ـ تمـام خلصت؟ 

من كتله هيج حسيت عيۅنهہ راح يطلعن من مكانهن
اجذب اذا اكول ماخفت بس مابينت

ذياب ... وتيييييين خليني محتررررمج

ـ ههههههههههههههههههههههه انتَ عاد ڪـلش محترمني ڪـلش لدرجـة ﭑبـد ممصيح عليـه

ذياب ... حقج عليه ادري غلطت بحقج وصيحت عليج وانتِ مالج ذنب بس الله شاهد جانت مشكله بدوام وفقدت اعصابي وصارت بوجهج وانا اعتذر منج

باوعت بعيونه مبين الندم بيهن بس حتى لو
مارضئ بهلسوله حتى مايصير زعلي سهل ..

ـ تمـام هاهيه من رخصتك ﭑريد ابدل

ابتعدت بسرعة اخذت ملابسي ودخلت سبحت
طلعت مالكيته بلغرفـة لفيت شالي ونزلت لكيتهم
جاي ينقلون بلأكل ..

ساعدتهم وكعدنا ناكل بس ذياب مبين عصبي
وضايج الظاهر عرف بعدني زعلانه وما رضيت

كملنا غداء بهدوء وشربوا چاي وكل واحد راح لغرفته  واني صعدت لغرفتي هم لكيت ذياب كاعد يدخن  ماهتميت اخذت ملابسي ورحت للحمام اغلسهم

كملتهم ورجعت للغرفة لكيته نايـم نزعت
صايتي وضليت بلتراكسود وتعبانه وانعسس
ڪـلش بس مستحيل انام يمـه عاد طلعت بطانية
من الكنتور ورحت نمت ؏ تخم ..

كعدت المغرب مالكيته بلغرفة بدلت
ونزلت للعشاء تجمعنا ؏ سفرة ..

سئلني ليث
... وتين باچر ذياب يوصلج مو؟

اجيت اكله لا انتَ وصلني بس خفت من ذياب
كلت يطيح حظي ويفشلني كدامهم خلسكت احسن

ـ ها اي

مديت ايدي ﭑريد اخذ گلاص مي وبنفس الوقت ذياب مد ايدة ؏ كلاص باوعتله وبسرعة سحبت ايدي وهو
اخذ الگلاص وشرب ماي ..