لاتنسون المتابعه لحسابي +التصويت +التعليق بين الفقرات🤍
#حُب محكوم بالأعدام
#بنين الزيادي
~~~~~~~~~~~~~~~~~~
مشت الايام وماكو احداث مهمة اني وذياب ؏ حالنا
هو بس كدام الناس يصرف طبيعي وبلغرفة ميحجي وياي ، لحد ما فديوم ذياب بلدوام واني كملت غداء وصعدت انام ..
فزيت ؏ صوت صياح وهوسة جوا من الخرعة طفرت
واكفة ڪُل الافكار الاجت ببالي انُ صار شي لذياب او بابا فتحت الباب ونزلت ركض بدون حجاب ..
احس الدرج صار شطولة ﭑريد اكملة ماكو لحد ماوصلت لأخر ثلث بايات عثرت ؏ وجهي صارت وكعتي ؏ طرف المحجر وكعت ؏ بطني حسيت شي طك ببطني
من الالم شهكت شهكة من اعماق ڪلبـي
ثواني والتموا عليـة ، حسيت روحِـʊ̤ تطلع من الالم
افتح ؏ـيـُونـʊ̤ وارجع اسدهن ماكدر اقاوم الالم
همست
ـ بابا حـموت
حسيت بيـة يشليني ويركض بيـة واني بين الفاقدة
والصاحيـة ڪُل ما افتح ؏ـيـُونـʊ̤ الكي راسي بحظن بابا بسيارة ارجع اغمض ، فتحت ؏ـيـُونـʊ̤ من حسيت بابا يخليني ؏ سديه ورجعت غمضت وبعد مادري شصار ، ورا ماعرف شكد صحيت لكيتهم كلهم يمي
وكانولة بيدي
ـ بابا
بابا ... ها يروح بابا ها
ـ شصار شبيـة شكالك الدكتور
بابا ... ماكو شي بس لان وكعتي صار عندج الم
مادري ليشۂ ما اقتنعت بكلامة بس سكتت
جدو ... صكࢪ خابرت ذياب؟ كتلة؟
صكر ... اي جدي خابرتة اول ما جبنه وتين للمستشفئ ومسافة الطريق وجاي وهسه تقريباً راح يوصل
بابا ... ليشۂ كتلة خطية وهو بدوام وطريق بعيد
ودنيا ليل
جدو ... ميخالف هو رجلها ولازم يدري
ـ صـَدڪہٰ بابا شنو الصياح البلبيت الخلاني
افز من نومي
الاكبر ... سودة عليـة خويـة وعلي لو ندري هجي
يصير بيج فلا نصيح
ـ هو شڪِۅ غير ﭑ؏ـرف
ابو ذياب ... ياعمي مدري ياهو الفاز بطوبة وهذولة هجموا البيت بصياح بس صيري زينة وانا ﭑ؏ـرف
شلون اعاقبهم
انصدمت هذا الصياح كلة طلع علمود لعبة
ـ لا عادي عمو المهم مصاير شي
بابا ... شلون صرتي هـسهہ
ـ عندي الم ببطني مجاي يروح بس احسن من اول مرة
من حجيت هيج انتبهتلهم واحد يباوع بوجهه الخ
ونظراتهم ممرتاحتلها
ـ بابا وين امي
بابا ... طلعت لبرا ترتاح شويـة وتجي
محجيت شي بعد بس احس الالم يزيد ماينقص
مرت تقريب ساعة وحسيت الباب انفتح باوعت
ذياب بملابسة العسكرية اول ماشافني اجاني يركض
بلهفـة
أنت تقرأ
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
